កាលពីមិនទាន់មានរឿង លោក សូយ ចាន់សឿន ជាយោធាពាក់ផ្កាយ២ (ឧត្តមសេនីយ៍ទោ) និងជានាយរងទីចាត់ការអភិវឌ្ឍន៍នៃអគ្គបញ្ជាការដ្ឋានកងយោធពលខេមរភូមិន្ទ។ នារីម្នាក់ អះអាងថា អតីតឧត្តមសេនីយ៍ទោរូបនេះ បានប្រើហិង្សាលើនាង តាំងពីដើមឆ្នាំ២០២១ ហើយនាង បានប្តឹងទៅតុលាការខេត្តកំពង់ស្ពឺ។ 
 

តុលាការខេត្តកំពុងស្ពឺ បានចោទលោកពីបទប្រើហិង្សាមានស្ថានទម្ងន់ទោស ហើយសម្រេចដាក់ទោសលោកឲ្យជាប់ពន្ធនាគាររយៈពេល៣ឆ្នាំ ប៉ុន្តែអនុវត្តទោសក្នុងពន្ធនាគារត្រឹម១ឆ្នាំកន្លះ ឯទោស១ឆ្នាំកន្លះទៀត ត្រូវព្យួរ (មិននៅក្នុងពន្ធនាគារ)។ តុលាការខេត្តកំពង់ស្ពឺ ថែមទាំងតម្រូវឲ្យលោកបង់ប្រាក់១,៥ម៉ឺនដុល្លារទៅនារីរងគ្រោះ និងបង់ប្រាក់១,៥ពាន់ដុល្លារចូលទៅរដ្ឋ។ 
 

តាមរយៈរូបភាពលើបណ្តាញសង្គម គេ ឃើញនារីរងគ្រោះ ហើមមុខហើមមាត់ ដែលបណ្តាលមកពីការប្រើហិង្សាពីសំណាក់អតីតឧត្តមសេនីយ៍ទោ សូយ ចាន់សឿន៕