សកម្មភាពទី ១. បង្កើតវគ្គសិក្សាតាមប្រព័ន្ធអេឡិចត្រូនិក ដែលទាក់ទងនឹងភាពជាសហគ្រិនក្នុងវិស័យកសិឧស្សាហកម្ម។ វគ្គសិក្សាចំនួន ៨ ត្រូវបានបង្កើតឡើង ដោយសាស្ត្រាចារ្យនៃសាកលវិទ្យាល័យជាដៃគូនៅកម្ពុជា ដោយមានការគាំទ្រពីសាស្រ្តាចារ្យនៃសាកលវិទ្យាល័យជាដៃគូនៅអឺរ៉ុប។ ក្នុងនោះដែរថ្នាក់រៀនសិក្សាតាមប្រព័ន្ធអេឡិចត្រូនិក ត្រូវបានបង្កើតឡើងនៅសាកលវិទ្យាល័យដៃគូនៅកម្ពុជា ដើម្បីឲ្យនិស្សិតដែលទទួលយកវគ្គសិក្សាតាមប្រព័ន្ធអេឡិចត្រូនិក ដែលបង្កើតឡើងក្រោមគម្រោង FoodSTEMប្រើប្រាស់។

 

សកម្មភាពទី២៖ ការបង្កើតកម្មវិធីថ្មីនៃថ្នាក់អនុបណ្ឌិត “សហគ្រិនក្នុងវិស័យឧស្សាហកម្មអាហារ” នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ 

 

សកម្មភាពទី៣៖ការលើកកម្ពស់ការអនុវត្តល្អក្នុងការកែច្នៃចំណីអាហារ​ការត្រួតពិនិត្យ គុណភាពអាហារ និងសុវត្ថិភាពចំណីអាហារ។ មន្ទីរពិសោធន៍កែច្នៃ អាហារកសិកម្មចំនួន ៣ និងមន្ទីរពិសោធន៍​សុវត្ថិភាពចំណីអាហារ ចំនួន ៣ត្រូវបានបង្កើតឡើងនៅ វិទ្យាស្ថានបច្ចេកវិទ្យាកម្ពុជា សាកលវិទ្យាល័យភូមិន្ទកសិកម្ម និងសាកលវិទ្យាល័យជាតិបាត់ដំបងសម្រាប់ជំនួយដល់និស្សិតក្នុងការអនុវត្តន៏ការបង្កើតផលិតផលសម្រាប់តេស្តនៅលើទីផ្សារ។

 

ការបង្កើតមន្ទីរពិសោធន៍ទាំងនេះ គឺដើម្បីបណ្តុះបណ្តាលដល់និស្សិត សហគ្រិនវ័យក្មេង ជាពិសេសសម្រាប់សហគ្រិននិស្សិត ដើម្បីផលិតនូវគម្រូផលិតផលអាហារ ឬដើម្បីកែលំអផលិតផល (Preincubation Program)។
 

នៅថ្ងៃទី២និងទី៣ខែឧសភាឆ្នា២០២៣គំរោង FoodSTEMបានរៀបចំកម្មវិធីAgri-Food dayដើម្បីប្រកួតប្រជៃញស្នាដៃនិសិត្សក្រោមប្រធានបទAgri-Food Challengeដែលមាននិស្សិតចូលរួមចំនួន១១ក្រុមមកពីវិទ្យាស្ថានបច្ចេកវិទ្យាកម្ពុជាចំនួន៥ក្រុម ពីសកលវិទ្យាល័យភូមិន្ទកសិកម្មចំនួន ១ក្រុម និងមកពីសកលវិទ្យាល័យជាតិបាត់ដំបងចំនួន ៥ក្រុម។ 
 

​ក្នុងកម្មវិធីAgri-Food dayនេះដែរក៏មានការចូលរួមតាំងពិពណ៏ផលិតផលអាហារកែច្នៃពីនិស្សិតនិងពីសហគ្រាសកែច្នៃអាហារធុនតូចនិងមធ្យម។ ការរៀបចំនេះគឺមានគោលបំណងដើម្បីជំរុញការស្រាវជ្រាវ អភិវឌ្ឍន៍ និងការច្នៃប្រឌិតថ្មីនៃផលិតផលអាហារ​ ផលិតផលសិកម្មនិងកសិឧស្សាហកម្មនៅក្នុងប្រទេសកម្ពុជា និងចូលរួមជំរុញសហគ្រិននិស្សិតក្នុងវិស័យកសិឧស្សាហកម្មនិងឧស្សាហកម្មអាហារដើម្បីចូលរួមក្នុងការអភិវឌ្ឍន៍សេដ្ឋកិច្ចជាតិ៕