ទោះបីជាក្រុមកម្ពុជា បានត្រឹមមេដាយប្រាក់ក្តី ក៏លោក យី វាសនា មើលឃើញថា កម្រិតលេងរបស់អត្តពលិកកម្ពុជា ធ្វើបានល្អ ។ ដូច្នេះលោក ស្នើឱ្យអ្នកគាំទ្រសម្លឹងមើលសមត្ថភាពលេងរបស់អត្តពលិកប៉ារ៉ាហ្គេម ជាជាងមើលលើពិការភាព។ ជាពិសេសត្រូវចូលរួមលើកទឹកចិត្តគាំទ្រដល់ពួកគេ។
 

ដ្បិតចាញ់ថៃ លើវិញ្ញាសា៥ទល់៥នេះក្តី តែក៏ក្រុមបាល់បោះរទេះកម្ពុជា បានសម្រេចមេដាយមាសមួយដែរ លើវិញ្ញាសា៣ទល់៣។ កម្ពុជា សម្រេចមេដាយមាសនេះ ក្រោយយកឈ្នះថៃ ដោយលទ្ធផលប្រផិតប្រផើយ ១១-៩ ពិន្ទុ។