ក្នុងជំនួបនោះដែរ  លោក Laurent SERMET បានលើកឡើងថា Entreprendre គឺជាកម្មវិធីមួយដែលបានចាប់ផ្ដើមអនុវត្តនៅបណ្ដាប្រទេសមួយចំនួន នៅទ្វីបអាហ្វ្រិក ចាប់តាំងពីឆ្នាំ ២០១៧មក ហើយទទួលបានជោគជ័យយ៉ាងខ្លាំង ដោយមានអង្គការ AUF ជាប្រតិបត្តិករ។ ដោយមើលឃើញពីសក្ដានុពលរបស់ប្រទេសកម្ពុជា អង្គការ AUF មានបំណងផ្សព្វផ្សាយ និងបញ្ជ្រាបកម្មវិធីខាងលើនេះនៅកម្ពុជាតែម្តង។ 

 

ប៉ុន្តែ ដើម្បីសម្រេចគោលដៅខាងលើ តម្រូវឱ្យមានការចូលរួមពីភាគី AUF តាមរយៈក្រសួងអប់រំ យុវជន និងកីឡា និងសាកលវិទ្យាល័យនានាដែលជាសមាជិករបស់ អង្គការ AUF នៅកម្ពុជា។ ឆ្លៀតក្នុងឱកាសនោះ លោក យក់ ង៉ុយ បានថ្លែងអំណរគុណចំពោះអង្គការ AUF ដែលតែងតែគាំទ្រដល់វិស័យអប់រំ យុវជន និងកីឡា តាមរយៈការពង្រឹងគុណភាព នៃការបណ្ដុះបណ្ដាលកម្រិតឧត្តមសិក្សា និងក្រោយឧត្តមសិក្សានៅកម្ពុជា។ ក្រសួងអប់រំ នឹងយកគំនិតកម្មវិធីនេះ ទៅពិនិត្យ និងពិចារណា៕