តៃវ៉ាន់បានបង្ហាញសៀវភៅណែនាំសម្រាប់ការការពារជនស៊ីវិលពីការវាយប្រហារចំពេលមានភាពតានតឹងជាមួយទីក្រុងប៉េកាំង។ សៀវភៅនេះ រៀបរាប់លម្អិតអំពីរបៀបស្វែងរកជម្រកការពារពីគ្រាប់បែក ការផ្គត់ផ្គង់ទឹក និងអាហារតាមរយៈកម្មវិធីទូរស័ព្ទដៃទំនើបក៏ដូចជាការណែនាំសម្រាប់រៀបចំឧបករណ៍ ជំនួយសង្គ្រោះបន្ទាន់។

 

បើតាមក្រសួងការពារជាតិតៃវ៉ាន់ ពួកគេបានទទួលមតិកែលម្អឱ្យកាន់តែប្រសើរ​ឡើង​ពី​ដោយតាមសេណារីយ៉ូសង្គ្រាមកើតចេញពីជម្លោះនៅអ៊ុយក្រែន។ សៀវភៅនោះ ក៏មានបង្ហាញរូបភាពបុគ្គលិកផ្ដល់​សេវាកម្មតៃវ៉ាន់ និងទាហានពាក់ឯកសណ្ឋានយោធាចិន។ រូបភាពខ្លះបង្ហាញពីទាហាន​តៃវ៉ាន់​មាន​ស្នាម​ញញឹម ចំណែក​ទាហាន​ចិនមានមាត់សំយ៉ុងចុះ និង​បញ្ចេញ​ទឹក​មុខ​មាំ។ 
 

«តាមពិតវាពិបាកណាស់ក្នុងការបែងចែកពួកគេ»។ នាយកទីភ្នាក់ងារកេណ្ឌកម្លាំងការពារលោក Shen Wei-chih ប្រាប់អ្នកយកព័ត៌មាននៅក្រសួងការពារជាតិបែបនេះ។
 

បុគ្គលិកសង្គ្រោះបន្ទាន់របស់តៃវ៉ាន់ ប៉ូលិស និងអ្នកឆ្លើយតបដំបូង ក៏ត្រូវបានបង្ហាញនៅក្នុង​សៀវភៅ​ណែនាំថ្មីដែរ។ បើតាមលោក Shen ទីភ្នាក់ងាររបស់លោកកំពុងធ្វើការលើ​ការបកប្រែ​ជា​ភាសាអ​ង់​គ្លេស​ផងដែរ៕