គិតត្រឹមថ្ងៃទី១៩ ខែមិថុនា នេះអត្តពលិកកីឡាសូហ្វតិន្នីសកម្ពុជា សម្រេចបានមេដាយសំរឹទ្ធ១ ខណៈការប្រកួតបន្ទាប់របស់កីឡាករ-កីឡាការិនីកម្ពុជានឹងត្រូវលេងលើវិញ្ញាសា វាយឯកត្តជន បុរស-នារី វាយក្រុម បុរស-នារី និងវិញ្ញាសាវាយចម្រុះ បុរស-នារី វគ្គ Consolation Match បន្តទៀតផងដែរ។

 

គួបញ្ជាក់ថា សហព័ន្ធកីឡាសូហ្វតិន្នីសកម្ពុជា បានបញ្ជូនប្រតិភូគ្រូបង្វឹក កីឡាករ និងកីឡាការិនី ៩រូបចូលរួមការប្រកួតកីឡាសូហ្វតិន្នីសពានរង្វាន់ NBI ដែលប្រព្រឹត្តទៅពីថ្ងៃទី១៦ ដល់ទី២១ ខែមិថុនា ឆ្នាំ២០២៣ ដោយមានប្រទេសចំនួន ១៤ចូលរួមប្រកួតប្រជែង។ ប្រតិភូដឹកនាំដោយ លោក KIM GUN JUNG គ្រូបង្វឹក កីឡាករ ឌឹម សំសុជាភារុណ, ចន ម៉ាដា, សំ ចាន់កាប៊ី, សាយ សុចិត្រា, សយ សុធន់ និងកីឡាការិនី ហូរ ស្រីណុច, ឃី ម៉េងជួង និងកីឡាការិនី ឃន ចន្ទរ៉ូសិកា៕