អ្នកកាសែតជាង៧០នាក់ពីកម្ពុជានិង៥ប្រទេសទៀត ចូលរួមកិច្ចប្រជុំកំពូលប្រព័ន្ធផ្សព្វផ្សាយមេគង្គ-ឡានឆាង

ជាតិ

អ្នកកាសែតជាង៧០នាក់ពីកម្ពុជានិង៥ប្រទេសទៀត ចូលរួមកិច្ចប្រជុំកំពូលប្រព័ន្ធផ្សព្វផ្សាយមេគង្គ-ឡានឆាង

28, Jun 2023 , 10:02 am

រូបភាព

ដោយ: អ៊ូ សុខមាន (OU Sokmean)

ប៉េកាំង៖ អ្នកសារព័ត៌មាន និងអ្នកតំណាងស្ថានីយទូរទស្សន៍ កាសែតបោះពុម្ព អនឡាញ ប្រមាណ៧០នាក់ នៃប្រទេសចំនួន៦ ចូលរួមកិច្ចប្រជុំកំពូលនៃកិច្ចសហប្រតិបត្តិការ ប្រព័ន្ធផ្សព្វផ្សាយ មេគង្គ-ឡានឆាងប្រចាំឆ្នាំ២០២៣ នៅទីក្រុងប៉េកាំង ប្រទេសចិន។ ក្នុងចំណោមវត្តមានអ្នកសារព័ត៌មាន ដែលចូលរួមកិច្ចប្រជុំកំពូលនេះ គឺមាន១០នាក់មកពីកម្ពុជា។

កិច្ចប្រជុំនេះ ត្រូវធ្វើឡើងក្រោមវត្តមានលោក Li Shulei សមាជិកនៃការិយាល័យនយោបាយនៃគណៈកម្មាធិការ និងជាលេខាធិការដ្ឋានបក្សកុំមុយនីស្តចិន(CPC) នាថ្ងៃទី២៧មិថុនា ឆ្នាំ២០២៣។ ក្នុងកិច្ចប្រជុំនេះ ក្រៅពីមានវត្តមានសារព័ត៌មានកម្ពុជាចំនួន១០រូប ក៏មានវត្តមានអ្នកសារព័ត៌មាន ថៃចំនួន១០រូប, វៀតណាម១២រូប, ឡាវ១២រូប, មីយ៉ាន់ម៉ា១១រូប និងអ្នកសារព័ត៌មានប្រទេសចិនប្រមាណ២០រូបចូលរួមដែរ។

អ្នកសារព័ត៌មានកម្ពុជាចំនួន១០រូប ចូលរួមកិច្ចប្រជុំកំពូលមេគង្គ-ឡានឆាង នៅទិក្រុងប៉េកាំងប្រទេសចិន។

កិច្ចប្រជុំនេះ បានពិភាក្សាគ្នាយ៉ាងផុសផុលលើប្រធានបទ លើកកម្ពស់ចំណងមិត្តភាពប្រជាជននិងប្រជាជន ដើម្បីចែករំលែកកាន់តែប្រសើរនៅពេលអនាគត, ការស្តារសេដ្ឋកិច្ចឡើងវិញក្រោយវិបត្តិកូវីដ-១៩ និងការផ្លាស់ប្តូរ និងចែករំលែកគ្នានូវប្រព័ន្ធផ្សព្វផ្សាយក្នុងអនុតំបន់មេគង្គ-ឡានឆាង៕

លោក Li Shulei សមាជិកនៃការិយាល័យនយោបាយនៃគណៈកម្មាធិការ និងជាលេខាធិការដ្ឋានបក្សកុំមុយនីស្តចិន(CPC) កំពុងថ្លែងក្នុងកិច្ចប្រជុំកំពូលកំពូលនៃកិច្ចសហប្រតិបត្តិការ ប្រព័ន្ធផ្សព្វផ្សាយ មេគង្គ-ឡានឆាងប្រចាំឆ្នាំ២០២៣