ជាតិ
កម្ពុជា រកចំណូលបានជាង ២០០លានដុល្លារពីការនាំចេញអង្ករទៅក្រៅប្រទេស ក្នុងឆមាសទី១ រូបភាពពីសហព័ន្ធស្រូវអង្ករកម្ពុជា
× ភ្នំពេញ៖ រយៈពេល ៦ខែ នៃឆ្នាំ២០២៣ កម្ពុជា សម្រេចបានការនាំចេញអង្ករជិត ៣៣ម៉ឺនតោន ស្មើនឹង ២២៩,២៣ លានដុល្លារ។ បើតាមសហព័ន្ធស្រូវអង្ករកម្ពុជា ការនាំចេញនៅឆមាសទី១នេះ សម្រេចបានជិត ៥០ភាគរយ នៃផែនការ ៧០ម៉ឺនតោន។
កម្ពុជា បាននាំចេញអង្ករចំនួន ៣២៩ ៦៣៣តោន ទៅកាន់ប្រទេស ៥២ ក្នុងនោះនាំចេញទៅចិន និងតំបន់រដ្ឋបាលស្វយ័ត មានចំនួន ១៣៨ ៣៦៤តោន។ ចំណែកការនាំចេញទៅទ្វីបអឺរ៉ុបចំនួន ២៥ប្រទេស មានចំនួន ១២២ ១១៧តោន, ៤ប្រទេសនៅអាស៊ាន មានចំនួន ២៨ ១១០តោន និង២១ប្រទេសផ្សេង មានចំនួន ៤១ ០៤២តោន។
ការនាំចេញអង្ករទៅកាន់ទីផ្សារអន្តរជាតិ ក្នុងឆមាសទី១ឆ្នាំនេះ កើនឡើង ០,៧៤ភាគរយ បើធៀបនឹងរយៈពេលដូចគ្នាឆ្នាំ២០២២ មានចំនួន ៣២៧ ២០០តោន។ បរិមាណនៃការនាំចេញនេះ គិតជាទឹកប្រាក់មានចំនួន ២២៩,លានដុល្លារ។
រូបភាពពីសហព័ន្ធស្រូវអង្ករកម្ពុជា
ទិន្នន័យរបស់សហព័ន្ធស្រូវអង្ករកម្ពុជា បញ្ជាក់ថា អង្ករដែលបាននាំចេញទៅក្រៅប្រទេស មានដូចជា អង្ករក្រអូបគ្រប់ប្រភេទ, អង្ករសគ្រាប់វែង, អង្ករសគ្រាប់ខ្លី, អង្ករចំហ៊ុយ និងអង្ករសរីរាង្គ។ ក្រៅពីនាំចេញអង្ករ កម្ពុជា ក៏បាននាំចេញស្រូវ ចំនួន ២ ២២៤ ៩១៣តោន ទៅកាន់ប្រទេសជិតខាងផងដែរ៕
Tag:
កសិកម្ម
អង្ករ
ស្រូវ
© រក្សាសិទ្ធិដោយ thmeythmey.com