អធិការដ្ឋាននគរបាលខណ្ឌសែនសុខ អះអាងថា គ្រឿងញៀនទាំងនោះ មាន១០៣កញ្ចប់ ដែលស្មើនឹង១០៣គីឡូក្រាម។ គ្រោះថ្នាក់ចរាចរណ៍ខាងលើនេះ ពុំបង្កគ្រោះថ្នាក់ដល់អ្នកណាឡើយ ហើយជនសង្ស័យក្នុងរថយន្តស្លាកលេខឡាវនោះ បានរត់គេចខ្លួនបាត់។
 

លោក ហួរ ម៉េងវ៉ាង អធិការខណ្ឌសែនសុខ ប្រាប់សារព័ត៌មានថ្មីៗនៅព្រឹកថ្ងៃទី១០កក្កដានេះថា គ្រឿងញៀន១០៣គីឡូក្រាមនេះ គឺជាប្រភេទម៉ាទឹកកកទាំងអស់។ លោក បន្តថា កម្លាំងសមត្ថកិច្ច កំពុងតាមរកជនសង្ស័យក្នុងករណីលួចដឹកគ្រឿងញៀនតាមរថយន្តស្លាកលេខឡាវនេះ។ លោកអធិការ បញ្ជាក់ដូច្នេះថា៖«គ្រឿងញៀន យើងបញ្ជូនទៅការិយាល័យប្រឆាំងគ្រឿងញៀនហើយ ដើម្បីកសាងសំណុំរឿងបញ្ជូនទៅតុលាការ»៕