«ព្រឹកនេះ ការប៉ុនប៉ងដោយរបបកៀវ ក្នុងការវាយប្រហារបែបភេរវកម្ម តាមរយៈដ្រូនលើអាកាស និងក្នុងទឹក លើវត្ថុនៅឧបទ្វីបគ្រីមេក្បែរក្រុងSevastopol ត្រូវបានបង្ការ»។ ក្រសួងការពារជាតិរុស្ស៊ី បានអះអាងបែបនេះ នៅក្នុងសារ Telegram នៅថ្ងៃទី១៦ ខែកក្កដា។ 

 

ជុំវិញការប៉ុនប៉ងនេះ ក្រសួងការពារជាតិរុស្ស៊ី បានបន្តថា គ្មានអ្វីត្រូវបានខូចខាត ឬមានកម្លាំងណាគ្រោះថ្នាក់អ្វីឡើយ។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters។ 

 

ជុំវិញការទប់ស្កាត់សកម្មភាពនេះ អាជ្ញាធរដឹកជញ្ជូនរុស្ស៊ី បានបញ្ជាក់តាមរយៈកម្មវិធី Telegram ថា ការដឹកជញ្ជូនតាមផ្លូវទឹក និងនាវាអ្នកដំណើរ ត្រូវបានផ្អាកក្នុងរយៈពេល ៤ ទៅ៥ម៉ោង នៅព្រឹកថ្ងៃទី១៦ ខែកក្កដា។ 

 

កន្លងមក ក្រុងកៀវមិនធ្លាប់ប្រកាសជាសាធារណៈពីការវាយប្រហារនៅក្នុងដីរុស្ស៊ី ឬតំបន់គ្រប់គ្រងដោយរុស្ស៊ីនៅអ៊ុយក្រែនឡើយ ដោយបានត្រឹមលើកឡើងថា ការវាយប្រហារហេដ្ឋារចនាសម្ព័ន្ធយោធាជាការជួយអ៊ុយក្រែន ក្នុងការវាយបក៕