យុវជន យាន វាសនា តស៊ូស្ពាយអីវ៉ាន់ឡើងភ្នំត្បែងយកប្រាក់មកផ្គត់ផ្គង់ការសិក្សា

ជាតិ

យុវជន យាន វាសនា តស៊ូស្ពាយអីវ៉ាន់ឡើងភ្នំត្បែងយកប្រាក់មកផ្គត់ផ្គង់ការសិក្សា

20, Aug 2023 , 5:09 pm

រូបភាព

ដោយ: អ៊ុត រស្មី (Uth Raksmey)

ព្រះវិហារ៖ មុខរបរស្ពាយអីវ៉ាន់ឡើងភ្នំត្បែង ជារបររបស់ពលរដ្ឋដែលរស់នៅលើភ្នំ និងជើងភ្នំត្បែង។ យុវជន យាន វាសនា ជាអ្នកស្ពាយអីវ៉ាន់ឡើងភ្នំត្បែង និងជានិស្សិតឆ្នាំទី១ ជំនាញអគ្គិសនី។ ទំនេរពីការសិក្សា យុវជនវ័យ១៩ឆ្នាំ វាសនា ត្រូវស្ពាយអីវ៉ាន់របស់ភ្ញៀវទេសចរ ដែលមានទម្ងន់ពី៣០-៦០គីឡូក្រាម ឡើងទៅសហគមន៍តាំងយូ នៃភ្នំត្បែង ដែលមានចម្ងាយជាង៦គីឡូម៉ែត្រ។ ក្នុងមួយសប្ដាហ៍ វាសនា អាចរកចំណូលបាន៨ម៉ឺនរៀល។ ទោះបីរបរស្ពាយអីវ៉ាន់នេះ មានភាពនឿយហត់ និងលំបាកក្ដី ប៉ុន្តែអ្នកព្រះវិហាររូបនេះ នៅតែសប្បាយចិត្ត ព្រោះរបរនេះបានជួយឱ្យ វាសនា មានឱកាសរៀនសូត្របន្ត និងជួយសម្រួលដល់ជីវភាពគ្រួសារ។