ក្រៅពីតួនាទីជាអគ្គលេខាធិការរដ្ឋសភានេះ កន្លងមកលោក ឡេង ប៉េងឡុង ក៏បំពេញកិច្ចការងារជាអ្នកនាំពាក្យសម្រាប់ស្ថាប័នអង្គនីតិប្បញ្ញតិមួយនេះដែរ។ លោក ឡេង ប៉េងឡុង ចាប់ផ្ដើមការងារជាអ្នកនាំពាក្យរដ្ឋសភានេះ តាំងពីពាក់កណ្ដាលអាណត្តិទី៥មក។ កាលណោះ គណបក្សប្រជាជន និងអតីតគណបក្សសង្គ្រោះជាតិ បានឯកភាពគ្នា សម្រេចឱ្យមានអ្នកនាំពាក្យរដ្ឋសភា សម្រាប់គណបក្សប្រជាជន មានលោក ឈាង វុន និងអ្នកនាំពាក្យរដ្ឋសភាសម្រាប់អតីតគណបក្សសង្គ្រោះជាតិ មានលោក យ៉ែម បុញ្ញឫទ្ធិ។ ចំណែកលោក ឡេង ប៉េងឡុង គឺជាអ្នកនាំពាក្យរដ្ឋសភា ដែលឆ្លើយឆ្លងជាមួយអ្នកកាសែត ជុំវិញករណីផ្សេងៗជារួម ដែលសម្រេចចេញពីរដ្ឋសភា។