រឿងរ៉ាវកើតឡើង ក្រោយពេលលោក Luis Rubiales បានចូលរួមផ្តល់មេដាយដល់កីឡាការិនីជ័យលាភ័ជើងឯកអេស្ប៉ាញ និងឆ្លៀតថើមកីឡាការិនី Hermoso  ក្រោយឈ្នះអង់គ្លេសលទ្ធផល ១-០ នៅវគ្គផ្តាច់ព្រ័ត្រ World Cup នាថ្ងៃទី២០ ខែសីហា។ ការថើបលើកីឡាការិនីពីសំណាក់លោក Rubiales បានបង្កឱ្យមានការខឹងសម្បារក្នុង និងក្រៅប្រទេសអេស្ប៉ាញ ដោយមានមនុស្សជាច្រើន រួមទាំងរដ្ឋមន្ត្រីផងដែរ ទាមទារឱ្យលោក Rubiales ចុះចេញពីតំណែង។
 

«យើងបានមើលឃើញពីការសុំទោស ហើយវាមិនគ្រប់គ្រាន់ឡើយ គាត់គួរតែលុបបំបាត់នូវរឿងរ៉ាវទាំងនេះឱ្យកាន់តែច្បាស់លាស់ និងជឿជាក់ក្នុងការសុំទោសដ៏ពិតប្រាកដ។ គាត់ត្រូវតែចាត់វិធានការបន្ថែមទៀតដើម្បីបញ្ជាក់ពីអាកប្បកិរិយាដែលមិនអាចទទួលយកបានទាំងនេះ។»។ លោក Sanchez បាននិយាយប្រាប់អ្នកកាសែតបែបនេះ។
  

ទាក់ទងនឹងមុខតំណែងនៅក្នុងសហព័ន្ធបាល់ទាត់អេស្ប៉ាញវិញ លោក Sanchez ក៏បានលើកឡើងដែរថារដ្ឋាភិបាលអេស្ប៉ាញគ្មានសិទ្ធិលូកដៃនៅក្នុងផ្នែកនៃសហព័ន្ធឡើយ ដើម្បីដកនរណាម្នាក់ចេញពីតំណែង។
 

តាមរយៈវីដេអូមួយដែលបានបង្ហោះនៅលើបណ្តាញសង្គម Instagram និង YouTube កីឡាការិនី Hermoso បាននិយាយជាមួយមិត្តរួមក្រុមបែបលេងសើចនៅក្នុងបន្ទប់ផ្លាស់សម្លៀកបំពាក់ថា នាងមិនចូលចិត្តនូវទង្វើរនេះទេ។​ 
 

​នាប្រទេសអេស្ប៉ាញរយៈពេលប៉ុន្មានឆ្នាំចុងក្រោយមកនេះ បញ្ហាយេនឌ័របានក្លាយជាប្រធានបទក្តៅ។ រដ្ឋាភិបាលចម្រុះ ដែលដឹកនាំដោយសង្គមនិយមបានធ្វើជាអធិបតីលើការធ្វើកំណែទម្រង់ផ្លូវច្បាប់ រួមទាំងជុំវិញប្រាក់ឈ្នួលស្មើគ្នា ការរំលូតកូន ការងារផ្លូវភេទ និងសិទ្ធិអ្នកប្តូរភេទជាដើម៕