និមិត្តសញ្ញារដ្ឋបាលស្រុកឱរ៉ាល់នេះ មានមានរាងមូលព័ទ្ធដោយខ្សែវ័ណ្ឌពណ៌ខៀវមួយជាន់ បង្ហាញអំពីការគ្រប់គ្រងដែនដី។ ក្នុងនោះក៏មានរូបភ្នំឱរ៉ាល់កម្ពស់ ១៨១៣ម៉ែត្រ គ្របដណ្តប់ដោយព្រៃឈើស្រស់បំព្រង ដែលជាជម្រកសត្វព្រៃ ផ្តល់អនុផលព្រៃឈើនានាដល់ប្រជាជន និងជាតំបន់ទេសចរណ៍បែបធម្មជាតិ។ 
 

ចំណែក អក្សរឈ្មោះ«រដ្ឋបាលស្រុកឱរ៉ាល់»មានពណ៌ស ខៀវព័ទ្ធដោយខ្សែពណ៌លឿងជុំវិញខ្សែបូ រំលេចក្នុងខ្សែបូពណ៌ក្រហមអមដោយខ្សែបូពណ៌ និងពពកពណ៌សនៅក្នុងផ្ទៃពណ៌ផ្ទៃមេឃ ឯណោះវិញ បង្ហាញអំពីទេសភាពដ៏ស្រស់ស្អាត នៅតំបន់ភ្នំ។
 

និមិត្តសញ្ញារដ្ឋបាលស្រុកឱរ៉ាល់ ខេត្តកំពង់ស្ពឺ ត្រូវដាក់ឱ្យប្រើប្រាស់នៅកន្លែងធ្វើការងារ រដ្ឋបាលស្រុក និងប្រើប្រាស់នៅលើលិខិត ស្រោមសំបុត្រ និងឯកសារផ្លូវការពាក់ព័ន្ធរបស់រដ្ឋបាលស្រុកឱរ៉ាល់។ លើសពីនេះ​ ក៏អាចប្រើប្រាស់ ក្នុងពិធីនានាដែលសមស្រប និងប្រើប្រាស់ក្នុងកិច្ចការជាផ្លូវការផ្សេងៗ តាមការចាំបាច់ផងដែរ៕