លោក ត្រាំ ដែលត្រូវបានចោទប្រកាន់ពីបទឃុបឃិតជាមួយជនជាប់ចោទ ១៨នាក់ផ្សេងទៀតក្នុងគម្រោងកែប្រែលទ្ធផលបោះឆ្នោតឆ្នាំ២០២០ នៅរដ្ឋភាគខាងត្បូងបានចំណាយពេលប្រមាណ២០នាទីនៅក្នុងគុក Fulton County របស់ទីក្រុងអាត្លង់តា។ 

 

នៅក្នុងសំណុំរឿងដែលបានទុកចោលរហូតមកដល់ពេលនេះ លោក ត្រាំ ដែលមានអាយុ ៧៧ឆ្នាំ ត្រូវបានគេថតរូបសម្រាប់ធ្វើកំណត់ត្រាអ្នកទោសដែលមានអត្តលេខ P01135809 ។ នេះជាលើកដំបូងដែលអតីតប្រធានាធិបតីអាម៉េរិក ត្រូវបា​នថតរូបបែបនេះ ខណៈលោក ត្រាំ មិនដែលត្រូវបានគេថតរូបកំណត់ត្រាពន្ធនាគារចំពោះការចូលខ្លួនមុនៗ។

 

ថ្លែងបន្ទាប់ពីចាកចេញពីពន្ធនាគារអាត្លង់តាលោក ត្រាំ បាននិយាយថា ៖ « ខ្ញុំមិនបានធ្វើអ្វីខុសទេ ហើយប្រជាជនក៏ដឹងច្បាស់ដែរ អ្វីដែលពួកគេកំពុងធ្វើគឺការជ្រៀតជ្រែកក្នុងការបោះឆ្នោត»។

 

លោក ត្រាំ តែងតែចោទប្រកាន់ប្រធានាធិបតី ចូ បៃឌិន និងគណបក្សប្រជាធិបតេយ្យថាបានរារាំងយុទ្ធនាការបោះឆ្នោតឡើងវិញរបស់លោក។

 

នេះជាលើកទីបួនហើយដែលលោក ត្រាំ បានបង្ហាញខ្លួននៅចំពោះមុខតុលាការនាឆ្នាំនេះ។ នៅទីក្រុងញូវយ៉ក លោកត្រូវបានចោទប្រកាន់ថាបានបង់ប្រាក់ឱ្យតារាអាសអាភាស ខណៈរដ្ឋផ្លរីដា ត្រូវចោទពីបទប្រើប្រាស់ឯកសារសម្ងាត់របស់រដ្ឋាភិបាលមិនត្រឹមត្រូវ ហើយនៅវ៉ាស៊ីនតោនវិញ ក្រោមការចោទប្រកាន់ពីបទសមគំនិតក្នុងការឃុបឃិតបង្កើនសំឡេងឆ្នោតនៅឆ្នាំ ២០២០ ដើម្បីយកឈ្នះប្រធានាធិបតី ចូ បៃឌិន៕