រដ្ឋាភិបាលអាណត្តិថ្មី សម្រេចបង្កើត រដ្ឋលេខាធិការដ្ឋានកិច្ចការព្រំដែន ជំនួសអាជ្ញាធរជាតិទទួលបន្ទុកកិច្ចការព្រំដែន។ ក្នុងន័យនេះ រដ្ឋមានគោលបំណងបង្កើតស្ថាប័នថ្មីមួយ ដែលមានលក្ខណៈអចិន្ត្រៃយ៍ មានរចនាសម្ព័ន្ធគ្រប់គ្រង និងសមត្ថកិច្ចពេញលេញ ដើម្បីលើកកម្ពស់ប្រសិទ្ធភាពការងារព្រំដែនជាមួយប្រទេសជិតខាង។ 

 

គម្រោងបង្កើតស្ថាប័នថ្មីនេះ មានគោលដៅឆ្ពោះទៅបិទបញ្ចប់ការកំណត់ព្រំដែន និងបញ្ហានានា។ ជាពិសេសឈានដល់ការអភិវឌ្ឍតំបន់ព្រំដែន សម្រាប់ជាប្រយោជន៍ដល់ការពង្រឹងកិច្ចការពារអធិបតេយ្យនិងបូរណភាពទឹកដី រួមទាំងលើកស្ទួយសមិទ្ធផលព្រំដែនទុកជាប្រវត្តិសាស្ត្រ៕