ភ្នំពេញ៖  អ្នករត់ឌុបមួយចំនួននៅរាជធានីភ្នំពេញ បានរអ៊ូថា របរនេះហាក់ស្ងាត់ភ្ញៀវ ពិបាករកចំណូល។  អ្នករត់ម៉ូតូឌុបទាំងនោះ បានអះអាងស្រដៀងគ្នាថា មូលហេតុដែលភ្ញៀវថយចុះ ដោយសារតែកំណើននៃអ្នករត់រឺម៉កកង់បីកើនឡើងខ្លាំង និងសេដ្ឋកិច្ចធ្លាក់ចុះ។  
 

ទោះបីជាពិបាករកចំណូលក្តី ក៏អ្នករត់ម៉ូតូទាំងនោះ មិនបោះបង់របរនេះចោលឡើយ ក៏ព្រោះតែពួកគេរត់ម៉ូតូយូរឆ្នាំមកហើយ ឯខ្លះទៀតមិនអាចរករបរផ្សេងបាន។ បើតាមអ្នករត់ម៉ូតូទាំងនោះ ពួកគេអាចរកចំណូលដោះស្រាយជីវភាព បានមួយថ្ងៃទៅមួយថ្ងៃប៉ុណ្ណោះ ដោយមិនសល់ច្រើនឡើយ។