ពីក្នុងសភានៅថ្ងៃទី៣០ ខែសីហា លោកសេដ្ឋា ថាវីស៊ីន នាយករដ្ឋមន្រ្តីថៃទី៣០ ត្រូវបានអ្នកសារព័ត៌មានសួរសំណួរពាក់ព័ន្ធនឹងតម្លៃថាមពលនៅក្នុងប្រទេស។ ជាការឆ្លើយតប លោក សេដ្ឋា បានអះអាងថា គណៈរដ្ឋមន្រ្តីរបស់លោក នឹងកាត់បន្ថយតម្លៃថាមពលឱ្យបានឆាប់រហ័ស បន្ទាប់ពីរដ្ឋបាលរបស់លោក ចូលកាន់ការងារ។ 

 

ការសន្យាខាងលើធ្វើឡើងក្រោយលោកសេដ្ឋា បានជួបជាមួយលោក Supattanapong Punmeechaow រដ្ឋមន្រ្តីថាមពលផុតអាណត្តិ និងក្រុមសេដ្ឋកិច្ចរបស់បក្សជាតិថៃរួបរួម នៅសភា ក្នុងថ្ងៃទី៣០ ខែសីហា។ បក្សជាតិថៃរួបរួម ក៏ជាផ្នែកមួយនៃសម្ព័ន្ធបក្សនយោបាយដឹកនាំដោយបក្សភឿថៃដែរ ហើយរដ្ឋមន្រ្តីថាមពលថៃថ្មី ក៏ចេញពីបក្សនេះដែរ។  លោក Pirapan Salirathaviphak កាន់តំណែងជាឧបនាយករដ្ឋមន្រ្តី​ និងរដ្ឋមន្រ្តីថាមពលថ្មី។

 

កន្លងមក ថៃបានកំណត់ពន្ធលើអគ្គិសនីប្រមាណ ០,១៥ដុល្លារ ហើយអត្រានេះ នឹងមានសុពលភាពរហូតដល់ដំណាច់ខែសីហា។ នេះបើតាមការចុះផ្សាយរបស់កាសែតបាងកកប៉ុស្តិ៍។ 

 

ចាប់តាំងពីឆ្នាំ២០២១ មកអាជ្ញាធរអគ្គិសនីថៃ បានផ្តល់ការគាំទ្រលើការចំណាយថ្លៃអគ្គិសនី។ ឧបត្ថម្ភកធននេះ បានធ្វើឱ្យថៃខាតបង់ប្រាក់ប្រមាណជាង ៣ពាន់លានដុល្លារ៕