បើតាមការព្យាកររបស់ក្រសួងធនធានទឹក និងឧតុនិយម នៅថ្ងៃទី៣០ ខែសីហា ឥទ្ធិពល​ប្រព័ន្ធសម្ពាធទាប ដែលអូសបន្លាយលើភាគខាងជើងប្រទេសថៃ ឡាវ និងវៀតណាម និង​ឥទ្ធិពលខ្សោយពីព្យុះទីហ្វុងឈ្មោះថា«សាវឡា» ​ នឹងធ្វើឱ្យ​តំបន់ទំនាបកណ្ដាល និងតំបន់​ខ្ពង់រាប មានភ្លៀងធ្លាក់ក្នុងកម្រិតតិច ទៅបង្គួរ លាយឡំដោយផ្គរ រន្ទះ និងខ្យល់កន្រ្តាក់​។

 

ចំណែ​ក តំបន់មាត់សមុទ្រ​ អាចមានភ្លៀងធ្លាក់ក្នុងកម្រិតមធ្យមទៅច្រើន លាយ​ឡំ​ដោយ​ផ្គរ រន្ទះ និងខ្យល់កន្រ្តាក់។ រីឯនៅផ្ទៃសមុទ្រ អាចមានភ្លៀង ខ្យល់បោកបក់ និងរលក​បង្គួរ​៕