គម្រោងនេះ ត្រូវបានអនុវត្ដជោគជ័យពីរដងរួចហើយ នៅក្នុងឆ្នាំ២០២២ និងឆមាសទី១ ឆ្នាំ២០២៣ តាមបណ្ដា ស្ថានីយប្រេងឥន្ធនៈភីធីធីចំនួន១៩ ក្នុង១៦ រាជធានី-ខេត្ត។ ក្រសួងពាណិជ្ជកម្ម បានបញ្ជាក់ថា ក្រុមហ៊ុន ភីធីធី នឹងបន្ដអនុវត្ដគម្រោងដដែល នៅរៀងរាល់ថ្ងៃសុក្រ សៅរ៍ និងថ្ងៃអាទិត្យ ចាប់ពីខែកញ្ញានេះតទៅ។
 

អាជីវកអាចដាក់ស្នើលក់ផលិតផលរបស់ខ្លួន ចាប់ពីម៉ោង ៨ព្រឹក ដល់ម៉ោង ៥ល្ងាច តាមរាជធានី-ខេត្ដចំនួន១១ និង១២ស្ថានីយ ដូចជា នៅភ្នំពេញ, កំពង់ចាម, បាត់ដំបង, ពោធិ៍សាត់, កំពង់ឆ្នាំង, បន្ទាយមានជ័យ, ស្វាយរៀង, ព្រៃវែង, ក្រចេ, ព្រះសីហនុ និងស្ទឹងត្រែង។ 
 

ផលិតផលខ្មែរ ដែលអាចដាក់លក់បានមានដូចជា អាហារសម្រន់ បង្អែម ផ្លែឈើ វត្ថុអនុស្សាវរីយ៍ សម្ភារៈធ្វើដោយដៃ បន្លែ ត្រី និងសាច់ជាដើម៕