ជាតិ
អាជ្ញាធរ ផ្អាកចរាចរលើកំណាត់ផ្លូវជាតិលេខ៤បណ្តោះអាសន្ន ដោយសារជំនន់ទឹកភ្លៀង ទឹកជន់លិខលើកំណាត់ផ្លូវជាតិលេខ៤ ក្នុងខេត្តព្រះសីហនុ។ រូបពី រដ្ឋបាលខេត្តព្រះសីហនុ
× ភ្នំពេញ៖ ចរាចរណ៍នៅលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ ១៥៣-១៥៤ ស្ថិតក្នុងភូមិស្ទឹងឆាយខាងត្បូង ឃុំស្ទឹងឆាយ ស្រុកកំពង់សីលា ត្រូវបានផ្អាកបណ្តោះអាសន្ន ដោយសារទឹកជំនន់ទឹកភ្លៀង។
នៅថ្ងៃទី២៧ កញ្ញានេះ រដ្ឋបាលខេត្តព្រះសីហនុ បានជូនដំណឹងថា កម្រិតជំនន់ទឹកភ្លៀងបានកើនឡើងជាលំដាប់ ហើយជន់ លិចទាំងស្រុងលើកំណាត់ផ្លូវជាតិលេខ៤ ប្រវែអជាង ១២០ម៉ែត្រ នៅចន្លោះគីឡូម៉ែត្រលេខ១៥៣-១៥៤។ ដើម្បីការពារសុវត្ថិភាពប្រជាពលរដ្ឋ ថែរក្សាគុណភាពផ្លូវ និងស្ពានកុំឱ្យមានការបាក់ស្រុត អាជ្ញាធរខេត្តក៏សម្រេចមិនអនុញ្ញាតឱ្យយានយន្តគ្រប់ប្រភេទ ធ្វើដំណើរឆ្លងកាត់ទីតាំងនោះឡើយ។
អាជ្ញាធរអំពាវនាវ ឱ្យអ្នកធ្វើដំណើរវាងតាមផ្លូវល្បឿនលឿន ឬតាមផ្លូវជាតិលេខ៣វិញ៕
រូបពី រដ្ឋបាលខេត្ត ព្រះសីហនុ
រូបពី រដ្ឋបាលខេត្ត ព្រះសីហនុ
Tag:
ជំនន់ទឹកភ្លៀង
ផ្អាកចរាចរណ៍
ផ្លូវជាតិលេខ៤
© រក្សាសិទ្ធិដោយ thmeythmey.com