លោក ងិន សុបញ្ញា អគ្គលេខាធិការសហព័ន្ធកីឡាទ្រីយ៉ាត្លុង បានបញ្ជាក់ប្រាប់សារព័ត៌មានថ្មីៗ តាមតេលេក្រាមថា ការប្រកួតនេះ គឺជាផ្នែកមួយ ក្នុងការជ្រើសរើសកីឡាករ-កីឡាការិនីថ្នាល និងជាឱកាសឲ្យ បរទេស ដូចជាភ្ញៀវទេសចរណ៍ ជាដើម បានចូលរួមលេងកីឡា អំឡុងពេលមកកម្សាន្ដនៅកម្ពុជា។
 

«ការប្រកួតប្រជែងថ្មី ក្រៅពីជើងឯក ដើម្បីជ្រើសរើសកីឡាករថ្នាលផង និងការប្រកួតប្រជែងរវាងកីឡាករខ្មែរ និងបរទេសផង ព្រោះ PPIA 2023 កន្លងមកមានបរទេសចូលរួមប្រកួតច្រើន។»។
 

កាលពីឆ្នាំ២០២៣ អ្នកចូលរួមប្រកួតអាគ័រថ្លុង មានចំនួន ៧០នាក់។ ដោយឡែកសម្រាប់ឆ្នាំពី២០២៤ អគ្គលេខាធិការសហព័ន្ធរូបនេះ គ្រាន់តែរំពឹងថា អ្នកចូលរួម នឹងកើនឡើងថែមទៀត។ សហព័ន្ធកីឡាទ្រីយ៉ាត្លុង នឹងឈប់ទទួលពាក្យប្រកួត នៅថ្ងៃទី២៧ ខែធ្នូ ឆ្នាំ២០២៣៕