ដើមផ្អាវខ្សត់ អ្នកស្រី ឡាក់ សំ ដូរមកប្រើដើមរុនសម្រាប់ការត្បាញកន្ទេល

ជាតិ

បទសម្ភាសន៍

វីដេអូ

ដើមផ្អាវខ្សត់ អ្នកស្រី ឡាក់ សំ ដូរមកប្រើដើមរុនសម្រាប់ការត្បាញកន្ទេល

26, Oct 2023 , 9:09 am

រូបភាព

អ្នកស្រី ឡាក់ សំ កំពុងត្បាញកន្ទេលរុន នៅគេហដ្ឋានអ្នកស្រី ក្នុងស្រុកអង្គរធំ ខេត្តសៀមរាប។

ដោយ: ស៊ុល រ៉វី

សៀមរាប៖ អ្នកស្រី ឡាក់ សំ ជាចាស់ទុំ ដែលស្ទាត់ជំនាញត្បាញកន្ទេលមួយរូប ក្នុងស្រុកអង្គរធំ ខេត្តសៀមរាប។ អ្នកស្រី បានចំណាយពេលស្ទើរមួយជីវិតទៅហើយ ជាមួយការងារតម្បាញ ដើម្បីរកកម្រៃចិញ្ចឹមក្រពះ។ ពីមុនអ្នកស្រី ត្បាញកន្ទេលផ្អាវ តែបច្ចុប្បន្នអ្នកស្រុកអង្គរធំរូប ងាកមកត្បាញកន្ទេលរុនជំនួសវិញ។ បើតាមអ្នកស្រី ឡាក់ សំ មូលហេតុដែលខ្លួនដូរមកត្បាញកន្ទេលរុននេះ ដោយសារបច្ចុប្បន្នដើមផ្អាវកាន់តែខ្សត់ ម្យ៉ាងខ្លួនមានវ័យចាស់ ក៏មិនអាចទៅកាប់ដើមផ្អាវឆ្ងាយបានដែរ។

តទៅនេះសូមលោកអ្នកនាងទស្សនាបទសម្ភាសន៍ រវាងលោក ស៊ុល រ៉វី និងអ្នកស្រី ឡាក់ សំ អ្នកត្បាញកន្ទេលដូចតទៅ៖

«រុន» ជាកក់មួយប្រភេទ ដើមមូល ស្លឹកធំៗ សំបក ឬខ្នងមានប្រយោជន៍ប្រើការធ្វើជាខ្នួច ឬត្បាញធ្វើកន្ទេលជាដើម។ បើតាមវចនានុក្រមសម្ដេចសង្ឃរាជ ជួន ណាត រុន មាន២ប្រភេទគឺ រុនទឹក ដុះក្នុងទីមានទឹក ឬដាំលើគោកមានដីសើមក៏រស់។ ឯរុនភ្នំ ដុះក្នុងទីក្បែរជ្រោះភ្នំ ដើមធំវែងសាច់រឹងប្រើធ្វើជាដំបងបាន។

ក្រៅពីកន្ទេលរុន ស្ត្រីវ័យ៦៦ឆ្នាំរូបនេះ ការមានជំនាញក្នុងត្បែងកន្ទេលពីដើមរុក្ខជាតិដទៃមួយចំនួនទៀតផងដែរដូចជា ដើមចារ, ផ្អាវ, ត្នោត និងរំចេកជាដើម។ ក្រៅពីកន្ទេលអ្នកស្រី សំ ក៏ត្បាញកាបូប និងកន្ត្រកពីកំប្លោកដែរ។

លោកអ្នកដែលចង់ជួយជាវកន្ទេល កាបូប កន្ទ្រក អាចទំនាក់ទំនងតាមលេខទូរស័ព្ទ ០៧១ ៦៣ ២៦ ៩៩៥ និង ០១៧ ៦៩ ៨៩ ០៨។ លោកអ្នក ក៏អាចទៅជាវដោយផ្ទាល់ និងស្វែងយល់បន្ថែមពីការងារតម្បាញរបស់អ្នកស្រី ឡាក់ សំ ដោយផ្ទាល់បានដែរល ដែលលំនៅដ្ឋានរបស់គាត់ ស្ថិតក្នុងភូមិភ្លង់ ឃុំលាងដៃ ស្រុកអង្គរធំ ខេត្តសៀមរាប៕