ជំនួយ ៩,៧ លានដុល្លារនេះ នឹងយកទៅអនុវត្តគម្រោងកសាងបណ្ដាញស្ថានីយវាស់វែងអចិន្ត្រៃយ៍។ ដូច្នេះ គោលបំណងនៃគម្រោងជំនួយរបស់ជប៉ុនេះ គឺពន្លឿនការអង្កេតវាស់វែងសុរិយោដី ព្រមទាំងពង្រឹងសេវារដ្ឋបាលពាក់ព័ន្ធនឹងការចុះបញ្ជីដីធ្លី តាមរយៈការដំឡើងស្ថានីយវាស់វែងអចិន្ត្រៃយ៍ដោយផ្កាយរណប ដើម្បីរួមចំណែកដល់ការលើកកម្ពស់គម្រោងហេដ្ឋារចនាសម្ព័ន្ធនានា។

នេះបើតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ។

 

ក្រសួងការបរទេស​កម្ពុជា ចាត់ទុកការជួយជ្រោមជ្រែងរបស់ជប៉ុន ជាកាយវិការដ៏សប្បុរស ដែលបង្ហាញពីការប្តេជ្ញាចិត្ត នៃការអភិវឌ្ឍសេដ្ឋកិច្ច និងសង្គម។ លើសពីនេះ វាបានរួមចំណែកពង្រីកកិច្ចសហប្រតិបត្តិការលើគ្រប់វិស័យ និងពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ៕