ជាតិ
វីដេអូ
«កាមិ» តៀមកាហ្វេបែបជប៉ុន តុបតែងពីសម្ភារមួយទឹក ThmeyThmey២៥, តៀមកាហ្វេ, សឿង គីណាល់, សៀមរាប
× សៀមរាប៖ «កាមិ» ជាតៀមកាហ្វេបែបជប៉ុនដ៏ទាក់ទាញខ្លាំងមួយ នៅក្នុងខេត្តសៀមរាប។ ការតុបតែងតៀមកាហ្វេនេះ គឺប្រើប្រាស់សម្ភារមួយទឹក ដែលមានលក្ខណៈបុរាណ ប៉ុន្តែផ្សារភ្ជាប់នឹងការទទួលទានកាហ្វេ។ លោក សឿង គីណាល់ ម្ចាស់តៀមកាហ្វេ«កាមិ» បានប្រាប់សារព័ត៌មានថ្មីៗថា មូលហេតុនៃការតុបតែងទីតាំងលក់កាហ្វេបែបជប៉ុននេះ គឺ ចង់ឱ្យអតិថិជនទទួលបានបទពិសោធថ្មីនៅពេលញ៉ាំកាហ្វេនៅទីនេះ។
ដើម្បីជ្រាបច្បាស់ សូមអញ្ជើញលោកអ្នកនាង ទស្សនាកិច្ចសម្ភាសខាងក្រោមនេះ៖
លោក សឿង គីណាល់ ជាអ្នកខេត្តបន្ទាយមានជ័យ បានបង្កើតតៀមកាហ្វេមួយកន្លែងឈ្មោះថា«កាមិ» ដែលមានទីតាំងនៅខេត្តសៀមរាប ដោយបានរៀបចំតៀមកាហ្វេរបស់ខ្លួន បែបវប្បធម៌ប្រពៃណីជប៉ុន។ ចំពោះសម្ភារទាំងនោះ លោក បានទិញពីហាងមួយទឹកៗ ព្រោះវាមានតម្លៃថោក និងមានលក្ខណៈបុរាណ ក៏ដូចជាទាក់ទងជាមួយកាហ្វេផងដែរ។ ការតុបតែងតៀមបែបជប៉ុន គឺជាភាពទាក់ទាញមួយសម្រាប់អតិថិជន ប៉ុន្តែពួកគេតែងទទួលបានបទពិសោធថ្មី នៅពេលញ៉ាំកាហ្វេនៅទីនេះ។
រាល់អតិថិជនដែលមកញ៉ាំកាហ្វេ លោក គីណាល់ នឹងពិនិត្យលើអាការភ្ញៀវដូចជាកម្រិតកាហ្វេ ប្រភេទកាហ្វេជាដើម។ ភ្ញៀវ នឹងអាចឈ្វេងយល់ពីខ្លួនឯងពីការញាំកាហ្វេ ទាំងកម្រិតកាហ្វេ ប្រភេទកាហ្វេ និងពេលវេលាញ៉ាំរបស់ពួកគេ។
ធ្វើការនៅប្រទេសជប៉ុនជាង៣ឆ្នាំ លោក សឿង គីណាល់ តែងសិក្សារសជាតិកាហ្វេ ដោយការដើរភ្លក់កាហ្វេតាមតំបន់ក្នុងប្រទេសជប៉ុន និងរៀនឆុងកាហ្វេតាមយូធូប។ ជាជនជាតិខ្មែរ តែលោក គីណាល់ មានរសនិយមបែបបុរាណតាមវប្បធម៌ជប៉ុន ដោយសារស្រឡាញ់ ការរស់នៅ អនាម័យ ការងារជាដើម។
បើតាមលោក គីណាល់ តៀមកាហ្វេនេះ បើកបានជិតមួយឆ្នាំហើយ ចំណែកអតិថិជន ក៏គាំទ្រច្រើន សម្រាប់ថ្ងៃចុងសប្តាហ៍វិញលក់មិនទាន់ក៏មាន។ ថ្ងៃខ្លះលក់កាហ្វេបាន ១០គីឡូកាហ្វេក៏មាន ហើយ ប្រភេទកាហ្វេភាគច្រើន បាននាំចូលពីប៉ែកអឺរ៉ុប និងអាស៊ី ដូចជា កូឡំប៊ី ប្រេស៊ីល ឡាវ ថៃ ជាដើម។
តៀមកាហ្វេនេះ បើកលក់ចាប់ពីម៉ោង ៧កន្លះព្រឹក រហូតដល់ម៉ោង៥ល្ងាច។ ក្រៅពីអ្នកសៀមរាបផ្ទាល់ ក៏មានអតិថិជនមកពីភ្នំពេញ បណ្តាខេត្ត ជនជាតិបរទេសជាច្រើនទៀត៕
© រក្សាសិទ្ធិដោយ thmeythmey.com