ដើម្បីស្វែងរកទីតាំង TrueMoney ឬសាខា CUBC ដែលនៅជិតបំផុត សូមចូលទៅកាន់ គេហទំព័រផ្លូវការរបស់ CUBC ឬ TrueMoney App ។
 

សាជីវកម្មធនាគារកាថេយូណៃធីត (កម្ពុជា) ចំកាត់ មានការវិវត្តន៍យ៉ាងជោគជ័យ នាដើមឆ្នាំ២០២៣ ដោយដាក់ដំណើរការកម្មវិធីធនាគារចល័ត CUBC mBanking App។ តាមរយៈការភ្ជាប់កម្មវិធីធនាគារចល័តជាមួយប្រព័ន្ធទូទាត់បាគង បានធ្វើឱ្យCUBC ក្លាយជាធនាគារតៃវ៉ាន់ដំបូងគេដែលផ្តល់ការទូទាត់ KHQR។ CUBC ក៏កំពុងលើកទឹកចិត្ត ពាណិជ្ជករឱ្យប្រើប្រាស់ការទូទាត់ KHQR ដើម្បីបំពេញតម្រូវការទូទាត់របស់អតិថិជន និងបង្កើនបទពិសោធន៍ហិរញ្ញវត្ថុឌីជីថល។
 

ប្រមាណមួយទសវត្សរ៍មកនេះ សាជីវកម្មធនាគារកាថេយូណៃធីត (កម្ពុជា) ចំកាត់ មានវត្តមាននៅក្នុងព្រះរាជាណាចក្រកម្ពុជា និងបានផ្ដល់សេវាកម្មហិរញ្ញវត្ថុដល់សហគ្រាសក្នុងស្រុក និងក្រៅស្រុក។ លើសពីនេះ CUBC ក៏កំពុងផ្ដល់សេវាកម្មហិរញ្ញវត្ថុដូចជាការសន្សំ ប័ណ្ណឥណទាន និងកម្ចីទិញផ្ទះជាដើម។ ក្នុងរយៈពេលប៉ុន្មានឆ្នាំចុងក្រោយនេះ CUBC បានផ្ដល់បទពិសោធហិរញ្ញវត្ថុឌីជីថលដែលជាគន្លឹះក្នុងការជំរុញសេវាកម្មហិរញ្ញវត្ថុដល់អ្នកប្រើប្រាស់ស្របតាមគោលដៅអភិវឌ្ឍន៍ជាយុទ្ធសាស្ត្ររបស់ខ្លួន។ ស្របនឹងគោលដៅនេះ ធនាគារកំពុងបន្តកិច្ចសហការយ៉ាងសកម្មជាមួយអាជីវកម្មក្នុងស្រុក ដូចជាក្រុមហ៊ុន TrueMoney ដើម្បីបង្កើនការផ្តល់ជូនហិរញ្ញវត្ថុឌីជីថលរបស់ខ្លួនជាបន្តបន្ទាប់។
 

លោក Yeh Chan-Hao អគ្គនាយកសាជីវកម្មធនាគារកាថេយូណៃធីត (កម្ពុជា) ចំកាត់ មានប្រសាសន៍ថា៖ « យើងមានកិត្តិយស និងរំភើបរីករាយដែលបានសហការជាដៃគូជាមួយ ក្រុមហ៊ុន TrueMoney ដើម្បីពង្រីកសេវាហិរញ្ញវត្ថុដល់អតិថិជនរបស់យើងដើម្បីលំហូរសាច់ប្រាក់ ជាមួយនឹងបណ្តាញភ្នាក់ងារដ៏ធំរបស់ក្រុមហ៊ុន។ យើងបានផ្ដោតជាពិសេសទៅលើប្រព័ន្ធហិរញ្ញវត្ថុ ដែលជាមធ្យោបាយសំខាន់ដើម្បីសម្រួលដល់ការប្រើប្រាស់របស់អតិថិជន តាមរយៈការរួមបញ្ចូលបណ្ដាញឌីជីថល និងដោយផ្ទាល់ ។ យើងកំពុងធ្វើឱ្យមានវឌ្ឍនភាពឆ្ពោះទៅរកចក្ខុវិស័យ ក្នុងការផ្តល់នូវបទពិសោធន៍ នៃធនាគារបរិបទ»។
 

លោក Yeh Chan-Hao  បន្ថែមថា៖ «លើសពីនេះ យើងផ្ដោតលើសេវាកម្មហិរញ្ញវត្ថុធនាគារល្អបំផុតនៅក្នុងព្រះរាជាណាចក្រកម្ពុជា ហើយយើងក៏កំពុងផ្ដល់ការទទួលខុសត្រូវលើសេវាបើកប្រាក់បៀវត្សរ៍។ ការរួមបញ្ចូលជាមួយបណ្តាញដ៏ធំរបស់ TrueMoney អនុញ្ញាតឱ្យយើងពង្រីកលទ្ធភាពប្រើប្រាស់សាច់ប្រាក់សម្រាប់អតិថិជនសាជីវកម្មទាំងនេះផងដែរ»។

បន្ថែមពីនេះ លោកស្រី ឃួន ហ្វ្រង់ដារា អគ្គនាយិកាស្តីទី ក្រុមហ៊ុន ទ្រូ ម៉ាន់នី (ខេមបូឌា) ភីអិលស៊ី លើកឡើងផងដែរថា « ក្រុមហ៊ុន ទ្រូ ម៉ាន់នី (ខេមបូឌា) មានចក្ខុវិស័យក្នុងការក្លាយជា Bank Hub Solution ដោយការពង្រីកបណ្តាញភ្នាក់ងារជាង ១០ ០០០ របស់យើង ដើម្បីបម្រើអតិថិជនធនាគារនៅទូទាំងប្រទេស។ ភាពជាដៃគូរបស់យើងជាមួយ CUBC នឹងនាំមកនូវសេវាកម្មឥតគិតថ្លៃ និងងាយស្រួលដល់អតិថិជន CUBC និងការរីកចម្រើនដល់អាជីវកម្មទាំងសងខាង។ កិច្ចសហការនេះ នឹងក្លាយជាយុទ្ធសាស្ត្រពង្រីកបណ្តាញធនាគារលឿនបំផុតសម្រាប់ CUBC »។
 

តាមរយៈកិច្ចសហការនេះ CUBC កំពុងផ្ដល់បទពិសោធន៍ដល់អតិថិជន កាន់តែប្រសើរដោយអតិថិជនគ្រាន់តែមាន លេខគណនីCUBC លេខទូរស័ព្ទ និងឈ្មោះគណនី អតិថិជនអាចដាក់ប្រាក់ចូលគណនីCUBC បាន។ លើសពីនេះ អតិថិជន អាចដកប្រាក់ពីគណនីCUBC បានដោយគ្រាន់តែមានកម្មវិធីធនាគារចល័ត។ ដើម្បីស្វែងរកទីតាំង TrueMoney ឬសាខា CUBC ដែលនៅជិតបំផុត សូមចូលទៅកាន់គេហទំព័រផ្លូវការរបស់ CUBC ឬ TrueMoney App ។
 

ការលើកទឹកចិត្តបន្ថែមចំពោះអតិថិជន រាល់ប្រតិបត្តិការដាក់ប្រាក់ចាប់ពី ១០០ ដុល្លារ ដល់ ២ ៥០០ដុល្លារ ឬចំនួនទឹកប្រាក់សមមូលជាប្រាក់រៀល នឹងមិនមានការគិតថ្លៃសេវាប្រតិបត្តិការនោះទេ ចាប់ពីថ្ងៃទី២ ខែតុលា ឆ្នាំ២០២៣ ដល់ថ្ងៃទី១ ខែមករា ឆ្នាំ ២០២៤ ឬរហូតដល់អស់ពីស្តុក។ 
 

កាន់តែពិសេសCUBC កំពុងផ្តល់អត្រាការប្រាក់មានលក្ខណៈប្រកួតប្រជែង សម្រាប់ការដាក់ប្រាក់ បញ្ញើសន្សំមានកាលកំណត់តាមប្រព័ន្ធអនឡាញ។ អតិថិជនអាចដាក់ប្រាក់បញ្ញើសន្សំមានកាលកំណត់នៅលើកម្មវិធីធនាគារចល័តរបស់ CUBC ចាប់ពី១០០ ដុល្លារ ជាមួយជម្រើសរយៈពេលដែលអាចបត់បែនបាន ព្រមទាំងអាចទទួលបានអត្រាការប្រាក់រហូតដល់ ៥,២៥ ភាគរយ ។
 

គ្រប់គ្រងទាំងស្រុងដោយធនាគារ Cathay United Bank ដែលជាក្រុមហ៊ុនកាន់កាប់ហិរញ្ញវត្ថុធំបំផុតនៅកោះតៃវ៉ាន់ ក្រោមឈ្មោះ “Cathay Financial Holdings Co., Ltd.”, CUBC គឺជាអ្នកផ្តល់សេវាហិរញ្ញវត្ថុដែលផ្តល់ជូននូវផលិតផលហិរញ្ញវត្ថុទៅកាន់សាជីវកម្ម និងអតិថិជនផ្ទាល់ខ្លួន ដើម្បីបំពេញតម្រូវការអ្នកប្រើប្រាស់។ ជាមួយនឹងបណ្តាញដ៏ធំទូលាយនៅទូទាំងទីក្រុង និងខេត្តសំខាន់ៗនៅក្នុងព្រះរាជាណាចក្រកម្ពុជា ដែលមានសាខា១៥សាខា និងម៉ាស៊ីនអេធីអឹមចំនួន ៦៨ម៉ាស៊ីន។ CUBC នៅតែបន្តពង្រីកអាជីវកម្មរបស់ខ្លួន ដើម្បីផ្តល់លទ្ធភាពប្រើប្រាស់បានកាន់តែប្រសើរ និងអភិវឌ្ឍហិរញ្ញវត្ថុឌីជីថលបន្ថែមទៀត។
 

លេខទូរស័ព្ទ:+៨៨៥ (០) ២៣ ២១១ ២១១

អំពីទ្រូម៉ាន់នី

ទ្រូម៉ាន់នី គឺជាក្រុមហ៊ុនបច្ចេកវិទ្យាហិរញ្ញវត្ថុអន្តរជាតិឈានមុខគេ និងជាផ្នែកមួយនៃក្រុមហ៊ុន Ascend Money ដែលជាក្រុមហ៊ុនផ្ដល់សេវាហិរញ្ញវត្ថុឌីជីថលបុត្រសម្ព័ន្ធរបស់ ក្រុមហ៊ុន Charoen Pokphand Group (CP Group) និង Ant Financial (Alibaba) ដែលជាក្រុមហ៊ុនធំជាងគេពីរនៅអាស៊ី។ ឥឡូវនេះ TrueMoney Group គឺជាកម្មវិធីហិរញ្ញវត្ថុដ៏ពេញនិយមបំផុតមួយនៅអាស៊ីនាពេលបច្ចុប្បន្ន ហើយមានប្រតិបត្តិការយ៉ាងរឹងមាំ នៅក្នុងប្រទេសថៃ កម្ពុជា មីយ៉ាន់ម៉ា វៀតណាម ហ្វីលីពីន ឥណ្ឌូណេស៊ី និងម៉ាឡេស៊ី ជាមួយនឹងបណ្តាញភ្នាក់ងារចំនួន ៦៥ ០០០ ក្នុងតំបន់។
 

សម្រាប់ព័ត៌មានបន្ថែមអំពី TrueMoney Cambodia និងផលិតផល និងសេវាកម្ម សូមចូលទៅកាន់គេហទំព័រhttps://truemoney.com.kh/ ឬតាមដានទំព័រ Facebook https://www.facebook.com/TrueMoneyCambodia/  ៕