ជាតិ
រូបភាព នាយ យ៉ាន តាមដងផ្លូវ សប្ដាហ៍ ទី41
×![]()
ដោយ: នាយយ៉ាន
ភ្នំពេញ៖ ការ៉េមត្រជាក់ គឺជាបង្អែមកកមួយប្រភេទ ដែលក្មេងៗចូលចិត្តខ្លាំង។ សិស្សានុសិស្ស រៀននៅបឋមសិក្សា ពិតជា មិនដែលរំលងការ៉េមនេះនោះទេ ពោលគឺពួកគេ សុទ្ធសឹងតែធ្លាប់ពិសារ។ ចុះអ្នកអាន?
ការរ៉េម មានច្រើនមុខដូចជា ការ៉េមនំប៉័ង (ឬនំស្រ៊ុយ) ការ៉េមកកញ្ចប់ (ប្លាស្ទិក ឬកាតុង) ហើយក៏មានការ៉េមដើមដែរ។ លោក សាំ បើកម៉ូតូកង់បី លក់ការ៉េមដើម នៅសង្កាត់ចោមចៅ និងសង្កាត់ស្ទឹងមានជ័យ នៅរាជធានីភ្នំពេញ។ ជារៀងរាល់ថ្ងៃ លោក ដាំ ធ្វើការ៉េម ជិត៤០០ដើម។ ក៏ប៉ុន្តែគាត់មិនព្រមប្រាប់រៀបធ្វើការ៉េមនោះទេ។ ដូចជាមានរឿងអាថ៌កំបាំង ក្រោមការផលិតការ៉េមដើម… !
លោក សាំ អះអាងថា គាត់ធ្វើការ៉េម ដោយបញ្ចូលគ្រឿងផ្សំ ក្នុងអ៊ីណុកមួយ រាងស៊ីឡាំង ដែលមានដុំទឹកកកខាងក្នុង។ ហើយគាត់បន្ថែមគ្រឿងមួយដ៏ចម្លែក ក្នុងបង្អែមរសជាតិផ្អែម គឺអំបិល ! ពិតជាវាប្លែកមែន ពីព្រោះអំបិលជាធាតុមួយ ដែលធ្វើឱ្យរំលាយទឹកកក…។
លោក សាំ បានចាប់ផ្ដើមលក់ការ៉េមដើម ឆ្នាំ២០១៥ ឬ ២០១៦។ គាត់ធ្វើការងារនេះតពីបងរបស់កាត់។ កាលពីជំនាន់មុន គេធាក់ស៊ីក្លូ ដែលមានធុងការ៉េមដើមខាងមុខ ជិះទៅលក់។ រីឯលោក សាំ វិញ គាត់បើកត្រីចក្រយានយន្ដ។ ក្នុង១ថ្ងៃ គាត់អាចលក់ការ៉េមបានរហូតដល់ ៤០០ដើម។ ក៏ប៉ុន្តែថ្ងៃខ្លះ ដែលធ្លាក់ភ្លៀង គាត់មិនចេញទៅលក់ទេ។
មិនថារសជាតិសន្ដែក រសជាតិត្រប៉ែដំណើបខ្មៅ រសជាតិក្រូច ឬរសជាតិទឹកដុះគោលាយដូង ការ៉េម១ដើម លក់តម្លៃ ៥០០រៀល។ បើសិនជាដកតម្លៃទិញ និងថែទាំម៉ូតូកង់បី សម្ភារៈ សាំង ឈើចង្កាក់ ទឹកកក អំបិល និងគ្រឿងផ្សំចេញ ក្នុង១ដើម គាត់ចំណេញបានជាង ១០០រៀល។
ពាក្យ ការ៉េម (ដូចពាក្យ ក្រែម) ត្រូវបានខ្ចីពីភាសាបារាំង : crème ។ ការ៉េមត្រជាក់ បារាំងថា crème glacée៕
Tag:
( ការ៉េម
នាយយ៉ាន)
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
