«ខ្ញុំសូមឱ្យមេធាវីគណបក្សសិក្សាផ្លូវច្បាប់ ដើម្បីប្តឹងមនុស្សម្នាក់នេះទៀត (សឹង សែន ករុណា) ប្រសិនមានមូលដ្ឋានគ្រប់គ្រាន់ខាងផ្លូវច្បាប់។ យើងសូមបញ្ជាក់ថា គណបក្ស ប្រជាជនកម្ពុជាមិនផ្តល់ ឱកាសសម្រាប់មនុស្សណាក៏ដោយ ប្រមាថមើល ងាយគណបក្ស តទៅទៀតទេ យើងត្រូវរកយុត្តិធម៌សម្រាប់ខ្លួនយើងតាមផ្លូវតុលាការ។ »។  សម្តេច ហ៊ុន សែន បញ្ជាក់ដូច្នេះ។

 

សូមជម្រាបថា ​តុលាការកំពូល ​បានសម្រេចផ្តន្ទាទោស និងបង្គាប់ឱ្យលោក ស៊ុន ឆ័យ ​សង​សំណង​ជំងឺចិត្តចំនួន ៤​.០០០ លានរៀល ឬប្រមាណ១លានដុល្លារ ទៅគណបក្សប្រជាជន កម្ពុជា​ ចំពោះការប្រព្រឹត្តអំពើ បរិហារកេរ្តិ៍ជាសាធារណៈ ដែលបានចោទប្រកាន់ដោយ ចេតនាទុច្ចរិត ទម្លាក់កំហុសដោយ អសុទ្ធចិត្តលើ គណបក្សប្រជាជនកម្ពុជា ក្រោយពីការ ប្រកាសលទ្ធផល បោះឆ្នោតជ្រើស រើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២៕​