ជាតិ
វីដេអូ
ហាងកាហ្វេមួយ ដាក់តាំងសៀវភៅចាស់ៗប្រមាណ៤០០ក្បាល
× ភ្នំពេញ ៖ សៀវភៅភាសាបរទេសចាស់ៗ ប្រមាណ៤០០ក្បាល ត្រូវបានគេដាក់តាំងលម្អ នៅក្នុងសាខាហាងកាហ្វេ TEMPLE នៃមហាវិថីម៉ៅសេទុង ក្នុងខណ្ឌបឹងកេងកង រាជធានីភ្នំពេញ។ សៀវភៅទាំងអស់នេះ ត្រូវបានបោះពុម្ពផ្សាយក្នុងទសវត្សរ៍ឆ្នាំ១៩៨០ និង១៩៩០ ហើយវាត្រូវបានរៀបចំដាក់តាំងនៅក្នុងទូ និងកេសឈើ ដាក់លើធ្នើឈើដែល ចាប់ជាប់នឹង ជញ្ជាំង។ ក្រៅពីបង្កើនសោភ័ណភាពហាង ភ្ញៀវ អាចខ្ចីសៀវភៅទៅអាន ដោយសេរីបាន ប៉ុន្តែតាមពិតភ្ញៀវចំនួនតិចតួចណាស់ ដែលចាប់អារម្មណ៍សៀវភៅទាំងអស់នោះ។ សៀវ ភៅនៅទីនេះសុទ្ធតែជាសៀវភៅរឿងប្រលោមលោក ក្របស្ដើង ខ្នាតប្រហែល១៥សង់ទី ម៉ែត្រ លើ២០សង់ទីម៉ែត្រ ដែលរឿងខ្លះ មានពីរ ទៅបីក្បាល។
ដើម្បីជ្រាបច្បាស់ សូមអញ្ជើញលោកអ្នកនាងទស្សនាបទយកការណ៍ដែលរៀបចំដោយនាយ យ៉ាន នៃសារព័ត៌មានថ្មីៗ៖
កាលពីជំនាន់ដើម មុនពេលបង្កើតអក្សរ មនុស្សយើងគូររូបគំនូរ។ រហូតដល់សម័យឥឡូវនៅសេសសល់ខ្លះ ដែលត្រូវបានគូរក្នុងរូងថ្ម កាលពីរាប់ពាន់ឆ្នាំមុន។ គឺជារូបមនុស្ស រូបសត្វ និងរូបប្រអប់ដៃ។ ៥០០០ឆ្នាំមុន រូបខ្លះបានក្លាយទៅជាតួ ដែលមានន័យសាមញ្ញ ដូចជាឃ្លា ឬពាក្យ។ បន្ទាប់ពីច្រើនសតវត្សតួទាំងអស់នោះ បានប្រែទៅជាអក្សរវិញ។ សញ្ញាមួយ មានសំឡេងមួយ។ កាលពីបុរាណកាល គេសរសេរលើបន្ទះថ្ម ឈើ ក្រណាត់ ដីឥដ្ឋ ស្បែក ហើយក្រដាសធ្វើពីរុក្ខជាតិ។ ពេលបច្ចុប្បន្ន គេធ្វើក្រដាសពីម្សៅឈើ។ សៀវភៅដំបូងៗ មិនទាន់មានទំព័រដូចសៀវភៅឥឡូវនេះទេ។ មានបែបផ្សេងៗ ជាពិសេសសៀវភៅរ៉ូឡូដែលត្រូវរុំ។ កាលពីគេបង្កើតសៀវភៅដែលមានច្រើនទំព័រត្រួតលើពីគ្នា គេសរសេរ ឬចម្លងសៀវភៅនីមួយៗ។ វាធ្វើឱ្យការផលិតសៀវភៅវាយូរ ហើយតម្លៃសៀវភៅវាថ្លៃណាស់។
ប៉ុន្តែឆ្នាំ១៤៥០ ជនជាតិអឺរ៉ុបបង្កើតប្រព័ន្ធបោះពុម្ព ដែលជាបដិវត្តក្នុងការផ្សព្វផ្សាយចំណេះដឹង។ តាំងពីចុងសតវត្សទី២០ មានសៀវភៅឌីជីថល ដូចជាឯកសារ epub ដើម្បីអានលើអេក្រង់ទូរស័ព្ទ តាប្លែត និងកំព្យុទ័រ។ ដោយឡែកយើងបានរកសៀវភៅឌីជីថល ជាភាសាខ្មែរ មិនឃើញ មានតែឯកសារ pdf ប៉ុណ្ណោះ៕
© រក្សាសិទ្ធិដោយ thmeythmey.com