ជាតិ
សេដ្ឋកិច្ច
ឆ្នាំ២០២៣ កម្ពុជារកចំណូលបាន ៣,០៨៣លានដុល្លារពីទេសចរណ៍អន្តរជាតិ
× ភ្នំពេញ៖ កម្ពុជា ទទួលបានចំណូលពីវិស័យទេសចរណ៍អន្តរជាតិ ចំនួន៣,០៨៣លានដុល្លារ នៅក្នុងឆ្នាំ២០២៣។ ចំនួននេះកើនឡើង ១១៧.៩ភាគរយ ធៀបនឹងឆ្នាំ២០២២។ នេះបើយោងតាម សូចនាករគន្លឹះទេសចរណ៍ និងស្ថិតិទេសចរណ៍ផ្លូវការរបស់ក្រសួងទេសចរណ៍។
យោងតាមស្ថិតិផ្លូវការ ឆ្នាំ២០២៣ កម្ពុជាទទួលបានទេសចរអន្តរជាតិចំនួន ៥,៤៥៣,២៣១នាក់ កើនឡើង ១៣៩.៥ ភាគរយ ធៀបនឹងឆ្នាំ២០២២។ ចំណែកឯលំហូរ ទេសចរជាតិក្នុង ស្រុក មានចំនួន ១៨,៧៤៣,៣៧៣នាក់ នៅក្នុងឆ្នាំ២០២៣ ដែលកើនឡើង ៣៤.៥ ភាគរយ ខណៈទេសចរម្នាក់ចំណាយ ៥០ ដុល្លារជាមធ្យម និងរយៈពេលស្នាក់នៅ មធ្យម៣ថ្ងៃ ២យប់។
ទន្ទឹមនឹងនេះ ក៏មានលំហូរទេសចរជាតិចេញទៅក្រៅប្រទេសវិញដែរ ក្នុងចំនួន ១,៨១៩,៥០៤នាក់ នៅឆ្នាំ២០២៣ កើនឡើង ៨៧.៥ភាគរយ។ នេះបើតាមរបាយការណ៍ ផ្លូវការរបស់ក្រសួងទេសចរណ៍។
ក្នុងឆ្នាំ២០២៣ កម្ពុជាមានមូលដ្ឋានអាជីវកម្មទេសចរណ៍ ចំនួន១៣,៩៦៧អាជ្ញាប័ណ្ណ និង សេវាកម្មស្នាក់នៅ ៨០,១៤៨បន្ទប់។ វិស័យនេះ បានផ្តល់ការងារនិងមុខរបរដល់ពលរដ្ឋ ៤៥ម៉ឺននាក់ និងបានរួមចំណែកក្នុងផលិតផលក្នុងស្រុកសរុប (GDP) ប្រមាណ ៧.៥ ភាគរយ។ ស្ថិតិផ្លូវការរបស់ក្រសួងទេសចរណ៍ឱ្យដឹងដូច្នេះ៕
© រក្សាសិទ្ធិដោយ thmeythmey.com