ជាតិ
បោះឆ្នោត
គ្មានបណ្ដឹងជុំវិញដំណើរការឃោសនាបោះឆ្នោតព្រឹទ្ធសភាឡើយ លោក ហង្ស ពុទ្ធា អ្នកនាំពាក្យ គ.ជ.ប។
× ភ្នំពេញ៖ លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) អះអាងថា ដំណើរការឃោសនាបោះឆ្នោតព្រឹទ្ធសភា រយៈពេល១៤ថ្ងៃ ដែលប្រព្រឹត្តទៅចាប់ពីថ្ងៃទី១០ ដល់២៣កុម្ភៈនេះ ពុំមានបណ្ដឹងឡើយ។
លោក ហង្ស ពុទ្ធា បានវាយតម្លៃថា ដំណើរការបោះឆ្នោតព្រឹទ្ធសភា ទទួលបានលទ្ធផលផ្លែផ្កា ដោយសារគណបក្សនយោបាយ អ្នកគាំទ្របក្ស រួមទាំងអាជ្ញាធរ ចូលរួមសហការបានល្អ ដែលបង្ហាញពីភាពចាស់ទុំជាងការបោះឆ្នោតមុនៗ។ យ៉ាងណាក៏ដោយ អ្នកនាំពាក្យរូបនេះ កត់សម្គាល់ឃើញមានការគាំរាមកំហែងមួយករណីបានកើតឡើង លើអង្គបោះឆ្នោត។ ករណីនេះ គ.ជ.ប បានចេញសេចក្ដីព្រមានឱ្យបញ្ឈប់សកម្មភាពបំភិតបំភ័យ។
«សរុបទៅការឃោសនាបោះឆ្នោតជ្រើសតាំងព្រឹទ្ធសភា នីតិកាលទី៥នេះ គឺអាចនិយាយបានថា ប្រព្រឹត្តទៅដោយរលូន មានសណ្ដាប់ធ្នាប់ សុខសុវត្ថិភាព និងមានការអបអរពីប្រជាពលរដ្ឋ»។ នេះជាការវាយតម្លៃរបស់លោក ហង្ស ពុទ្ធា បានវាយតម្លៃដែលបានប្រាប់សារព័ត៌មានថ្មីៗតាមប្រព័ន្ធតេឡេក្រាម នៅថ្ងៃទី២៣កុម្ភៈ ថា គ.ជ.ប បានរៀបចំ មណ្ឌលបោះឆ្នោតចំនួន៨ តាមភូមិភាគទាំង៨ ហើយមាន៣៣ការិយាល័យបោះឆ្នោត៕
© រក្សាសិទ្ធិដោយ thmeythmey.com