លោក ហង្ស ពុទ្ធា បានវាយតម្លៃថា ដំណើរការបោះឆ្នោតព្រឹទ្ធសភា ទទួលបានលទ្ធផលផ្លែផ្កា ដោយសារគណបក្សនយោបាយ អ្នកគាំទ្របក្ស រួមទាំងអាជ្ញាធរ ចូលរួមសហការបានល្អ ដែលបង្ហាញពីភាពចាស់ទុំជាងការបោះឆ្នោតមុនៗ។ យ៉ាងណាក៏ដោយ អ្នកនាំពាក្យរូបនេះ កត់សម្គាល់ឃើញមានការគាំរាមកំហែងមួយករណីបានកើតឡើង លើអង្គបោះឆ្នោត។ ករណីនេះ គ.ជ.ប បានចេញសេចក្ដីព្រមានឱ្យបញ្ឈប់សកម្មភាពបំភិតបំភ័យ។ 

 

«សរុបទៅការឃោសនាបោះឆ្នោតជ្រើសតាំងព្រឹទ្ធសភា​ នីតិកាលទី៥នេះ គឺអាចនិយាយបានថា ប្រព្រឹត្តទៅដោយរលូន មានសណ្ដាប់ធ្នាប់ សុខសុវត្ថិភាព និងមានការអបអរពីប្រជាពលរដ្ឋ»។ នេះជាការវាយតម្លៃរបស់លោក ហង្ស ពុទ្ធា បានវាយតម្លៃដែលបានប្រាប់សារព័ត៌មានថ្មីៗតាមប្រព័ន្ធតេឡេក្រាម នៅថ្ងៃទី២៣កុម្ភៈ ថា គ.ជ.ប បានរៀបចំ មណ្ឌលបោះឆ្នោតចំនួន៨ តាមភូមិភាគទាំង៨ ហើយមាន៣៣ការិយាល័យបោះឆ្នោត៕