មន្ទីរពហុព្យាបាលអន្តរជាតិខេមាទាំងបីសាខាបានផ្តល់សេវាពិនិត្យរកជំងឺមហារីកជូនអតិថិជនរបស់ខ្លួនអស់ជាច្រើនឆ្នាំមកហើយ ប៉ុន្តែថ្មីៗនេះដោយមានកិច្ចសហការជាមួយ មជ្ឈមណ្ឌលជំងឺមហារីកផាកវ៉េ (Parkway Cancer Center) នៅប្រទេសសិង្ហបុរី ទើបមន្ទីរពហុព្យាបាលអន្តរជាតិខេមាសាខាបឹងកេងកង បានពង្រីកវិសាលភាពនៃសេវាពិនិត្យ និងព្យាបាលជំងឺមហារីកដោយបើកជាគ្លីនិកមហារីកនេះឡើងដើម្បីផ្តល់សេវាសំខាន់ៗជូនអតិថិជនចាប់ពីថ្ងៃ៦ខែមេសាឆ្នាំ២០២៤នេះតទៅ។

 
 

សេវាកម្មមានដូចជា៖ ពិនិត្យនិងព្យាបាលជំងឺមហារីកសុដន់ មហារីកមាត់ស្បូន ដៃស្បូន ប្រូស្តាត ក្រពះ ពោះវៀន ថ្លើម ថង់ទឹកប្រមាត់ ប្លោកនោម និងជំងឺមហារីកសួត។ គ្លីនិកមហារីក មានក្រុមវេជ្ជបណ្ឌិតឯកទេសដែលមានបទពិសោធន៍ពិនិត្យព្យាបាលជាច្រើនឆ្នាំ រង់ចាំបម្រើសេវាជូនអតិថិជន។ មជ្ឈមណ្ឌលជំងឺមហារីកផាកវ៉េ (Parkway Cancer Center) នៅប្រទេសសិង្ហបុរី នឹងសហការផ្តល់ការគាំទ្រដល់គ្លីនិកមហារីក តាមរយៈគម្រោង CanHOPE ក្នុងការផ្តល់សេវាប្រឹក្សាយោបល់និងសេវាគាំទ្រដល់អ្នកជំងឺមហារីកក្នុងកំឡុងពេលព្យាបាល ព្រមទាំងផ្តល់ការអប់រំនិងការយល់ដឹងអំពីជំងឺមហារីកដល់អ្នកគ្រប់គ្នា។
 

ជាមួយគ្នានេះដែរ មន្ទីរពហុព្យាបាលអន្តរជាតិខេមាទាំងបីសាខាក៏បានផ្តល់សេវាពិនិត្យ និងព្យាបាលដោយចលនានិងស្តារនិតិសម្បទា ជូនអតិថិជនរបស់ខ្លួនអស់ជាច្រើនឆ្នាំមកហើយ។ ដើម្បីបម្រើសេវាជូនអតិថិជនអោយកាន់តែប្រសើរឡើង ទើបមន្ទីរពហុព្យាបាលអន្តរជាតិខេមាសាខាបឹងកេងកងសម្រេចបើកជា គ្លីនិកព្យាបាលដោយចលនានិងស្តារនិតិសម្បទា ប្រចាំនៅសាខានេះផ្ទាល់តែម្តង ដោយចាប់ផ្តើមផ្តល់សេវាសំខាន់ៗជូនអតិថិជនចាប់ពីថ្ងៃទី៦ខែមេសាឆ្នាំ២០២៤នេះតទៅ។  សេវាព្យាបាលមានដូចជា៖ ឈឺក ខ្នង សាច់ដុំ សន្លាក់ ឆ្អឹងស្ពោត ឈឺក្បាល ស្លាប់មួយចំហៀងខ្លួន របួសដោយការលេងកីឡា។ល។ គ្លីនិកព្យាបាលដោយចលនានិងស្តារនិតិសម្បទា មានក្រុមគ្រូពេទ្យជាច្រើននាក់ដែលមានបទពិសោធន៏ព្យាបាលជាច្រើនឆ្នាំ រង់ចាំបម្រើសេវាជូនអតិថិជន។ 
 

ក្រៅពីនេះមន្ទីរពហុព្យាបាលអន្តរជាតិខេមាសាខាបឹងកេងកងមានសេវាចំបងៗដូចជា៖ ព្យាបាលរបួសនិង  សង្គ្រោះបន្ទាន់24/7 ការវះកាត់ ការពិគ្រោះជំងឺទូទៅនិងឯកទេស ជំងឺសម្រាកពេទ្យ ជំងឺកុមារ រោគស្ត្រីនិងសម្ភព ជំងឺបេះដូង ការដាក់ថ្មបេះដូង ជំងឺក្រពះពោះវៀន ការពិនិត្យឈាមនិងរូបភាពវេជ្ជសាស្ត្រ។
 

សម្រាប់ព័ត៌មានបន្ថែមសូមទាក់ទង៖
     វេជ្ជបណ្ឌិត អ៊ឹម សារុន