ភ្នំពេញ៖ ថ្ងៃទី១នៃពិធីបុណ្យចូលឆ្នាំខ្មែរ មានមនុស្សស្លាប់១៣នាក់ និងរបូស៣០នាក់ ដោយសារគ្រោះថ្នាក់ចរាចរណ៍។ នេះបើតាមរបាយការណ៍របស់អគ្គស្នងការដ្ឋាននគរបាលជាតិ។ 
 

របាយការណ៍ដដែល បានបញ្ជាក់ថា នៅថ្ងៃទី១៣ ខែមេសានេះ គ្រោះថ្នាក់ចរចរណ៍ផ្លូវគោកទូទាំងប្រទេស កើតឡើង១៣លើក និងបានសម្លាប់មនុស្ស១៣នាក់ ក្នុងនោះស្រី៧នាក់ និងរបួសធ្ងន់ស្រាល៣០នាក់ ក្នុងនោះស្រី១០នាក់។ បើតាមអគ្គស្នងការដ្ឋាននគរបាលជាតិ មូលហេតុដែលបង្កឲ្យមានគ្រោះថ្នាក់ ដោយសារតែអ្នកបើកបរមិនគោរពសិទ្ធគ្នា ប្រជែងគ្នា មិនប្រកាន់ស្តាំ បើកបរដោយលើសល្បឿនកំណត់ មិនពាក់មួកសុវត្ថិភាព និងបើកបរដោយផឹកគ្រឿងស្រវឹង៕