កីឡាជាតិ
ជាតិ
អ្នកប្រដាល់៦នាក់ឈ្នះជុំទី១នាការប្រកួតដណ្តើមខ្សែក្រវាត់ Black Panther នៅកំពង់ធំ
×![]()
ដោយ: ថ្មីៗ
ព្រឹត្តិការណ៍ប្រកួតប្រដាល់ក្បាច់គុណបុរាណខ្មែរតាមបណ្តាខេត្តដើម្បីដណ្តើមខ្សែក្រវាត់ Black Panther រកឃើញអ្នកឈ្នះ៦នាក់ដំបូងហើយ ក្នុងជំនួបបើកឆាកនាសង្វៀនទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ កាលពីថ្ងៃទី៤ ខែមេសា កន្លងមក។
យុទ្ធនាការប្រកួតដើម្បីផ្សព្វផ្សាយពីចក្ខុវិស័យរបស់គណៈកម្មាធិការជាតិអូឡាំពិកកម្ពុជា (NOCC) ក្នុងដំណើររៀបចំកីឡាស៊ីហ្គេមនាឆ្នាំ២០២៣ ខាងមុខ ទទួលបាននូវការគាំទ្រជាច្រើនពីពលរដ្ឋនៅតាមមូលដ្ឋាន។ លទ្ធផលជាអ្នកឈ្នះ៦នាក់ជុំទី១ មាន សល់ ប៊ុនហូវ មកពីក្លិបកុសលកីឡាប្រកួតឈ្នះ សួស យ៉ាត មកពីក្លិបទីបញ្ជាការកងទ័ពជើងទឹកដោយពិន្ទុ។ សោម តឿទី មកពីក្លិបខ្លារខិនមានឫទ្ធិ ប្រកួតឈ្នះ ឃឹម ពេជ្រចិន្ដា មកពីក្លិបបុរី នាគរាជដោយពិន្ទុ។ តក់ សោភ័ណ្ឌមកពីក្លិបអេភូថងកីឡាប្រកួតឈ្នះ ផល សីហា មកពីយុវជនកម្ពុជាខណ្ឌមានជ័យដោយពិន្ទុ។
ផាន់ សុវណ្ណ មកពីក្លិបមិត្ដប៉ូលីសប្រកួតឈ្នះ ឡុង ប៊ុនរ៉ាត់ មកពីក្លិបសាលវ័ន្ដកីឡាដោយពិន្ទុ។ ឈិនក្វាន់ង៉ុយមកពីក្លិបមកុដរាជសីហ៍ប្រកួតឈ្នះ នួន សេតសង់ មកពីសមាគមកីឡាប្រដាល់ក្រសួងការពារជាតិដោយពិន្ទុនិង ផាន់ សារុន មកពីក្លិបព្រះខ័នរាជ្យកងរាជអាវុហត្ថលើផ្ទៃប្រទេសប្រកួតឈ្នះ ឡៅ ផានាថ មកពីក្លិបរស្មីកុមារកំព្រាដោយពិន្ទុទាំងវេទនា។
លោក តែម ម៉ឺន ប្រធានសហព័ន្ធកីឡាប្រដាល់កម្ពុជាដែលជាដៃគូសហការជាមួយ NOCC មានប្រសាសន៍ថា៖ «តាមការវាយតម្លៃជាទូទៅ ការប្រកួតលើកដំបូងនេះមានការទាក់ទាញបំផុតដោយមានអ្នកចូលរួមយ៉ាងច្រើន ហើយមន្ត្រីបច្ចេកទេសដែលសហព័ន្ធសម្រិតសម្រាំងគឺសម្រេចសេចក្តីបានល្អ និងសមភ្នែកអ្នកទស្សនាផងដែរ»។
លោក វ៉ាត់ ចំរើន អគ្គលេខាធិការ NOCC បានលើកឡើងថា៖ «វាជាការប្រកួតមួយកែលំអបច្ចេកទេសឲ្យកាន់តែប្រសើរក្នុងការសម្រេចសេចក្តី និងបញ្ជៀសបានការរិះគន់ពីសំណាក់អ្នកទស្សនាហើយកីឡាករត្រូវតែប្រកួតអស់ពីសមត្ថភាពគ្មានអំពើរពុករលួយព្រមទាំងចាញ់ ឬឈ្នះក្នុងតម្លាភាពនៃច្បាប់កីឡា»។
កីឡាទាំងអស់នឹងបោះជំហានទៅប្រកួតនៅសង្វៀនខេត្តកំពង់ចាមជាបន្តទៀតនាថ្ងៃសៅរ៍ទី១៩ខែមេសា ខាងមុខនេះ៕
រូបថតទាំងអស់ផ្តល់ដោយ NOCC
យុទ្ធនាការប្រកួតដើម្បីផ្សព្វផ្សាយពីចក្ខុវិស័យរបស់គណៈកម្មាធិការជាតិអូឡាំពិកកម្ពុជា (NOCC) ក្នុងដំណើររៀបចំកីឡាស៊ីហ្គេមនាឆ្នាំ២០២៣ ខាងមុខ ទទួលបាននូវការគាំទ្រជាច្រើនពីពលរដ្ឋនៅតាមមូលដ្ឋាន។ លទ្ធផលជាអ្នកឈ្នះ៦នាក់ជុំទី១ មាន សល់ ប៊ុនហូវ មកពីក្លិបកុសលកីឡាប្រកួតឈ្នះ សួស យ៉ាត មកពីក្លិបទីបញ្ជាការកងទ័ពជើងទឹកដោយពិន្ទុ។ សោម តឿទី មកពីក្លិបខ្លារខិនមានឫទ្ធិ ប្រកួតឈ្នះ ឃឹម ពេជ្រចិន្ដា មកពីក្លិបបុរី នាគរាជដោយពិន្ទុ។ តក់ សោភ័ណ្ឌមកពីក្លិបអេភូថងកីឡាប្រកួតឈ្នះ ផល សីហា មកពីយុវជនកម្ពុជាខណ្ឌមានជ័យដោយពិន្ទុ។ផាន់ សុវណ្ណ មកពីក្លិបមិត្ដប៉ូលីសប្រកួតឈ្នះ ឡុង ប៊ុនរ៉ាត់ មកពីក្លិបសាលវ័ន្ដកីឡាដោយពិន្ទុ។ ឈិនក្វាន់ង៉ុយមកពីក្លិបមកុដរាជសីហ៍ប្រកួតឈ្នះ នួន សេតសង់ មកពីសមាគមកីឡាប្រដាល់ក្រសួងការពារជាតិដោយពិន្ទុនិង ផាន់ សារុន មកពីក្លិបព្រះខ័នរាជ្យកងរាជអាវុហត្ថលើផ្ទៃប្រទេសប្រកួតឈ្នះ ឡៅ ផានាថ មកពីក្លិបរស្មីកុមារកំព្រាដោយពិន្ទុទាំងវេទនា។
លោក តែម ម៉ឺន ប្រធានសហព័ន្ធកីឡាប្រដាល់កម្ពុជាដែលជាដៃគូសហការជាមួយ NOCC មានប្រសាសន៍ថា៖ «តាមការវាយតម្លៃជាទូទៅ ការប្រកួតលើកដំបូងនេះមានការទាក់ទាញបំផុតដោយមានអ្នកចូលរួមយ៉ាងច្រើន ហើយមន្ត្រីបច្ចេកទេសដែលសហព័ន្ធសម្រិតសម្រាំងគឺសម្រេចសេចក្តីបានល្អ និងសមភ្នែកអ្នកទស្សនាផងដែរ»។
លោក វ៉ាត់ ចំរើន អគ្គលេខាធិការ NOCC បានលើកឡើងថា៖ «វាជាការប្រកួតមួយកែលំអបច្ចេកទេសឲ្យកាន់តែប្រសើរក្នុងការសម្រេចសេចក្តី និងបញ្ជៀសបានការរិះគន់ពីសំណាក់អ្នកទស្សនាហើយកីឡាករត្រូវតែប្រកួតអស់ពីសមត្ថភាពគ្មានអំពើរពុករលួយព្រមទាំងចាញ់ ឬឈ្នះក្នុងតម្លាភាពនៃច្បាប់កីឡា»។
កីឡាទាំងអស់នឹងបោះជំហានទៅប្រកួតនៅសង្វៀនខេត្តកំពង់ចាមជាបន្តទៀតនាថ្ងៃសៅរ៍ទី១៩ខែមេសា ខាងមុខនេះ៕
រូបថតទាំងអស់ផ្តល់ដោយ NOCC
© រក្សាសិទ្ធិដោយ thmeythmey.com
