កីឡាជាតិ
ជាតិ
ស្វាយរៀង និង ប៉ូលិស ប្រជែងចូល Top4 ខណៈគិរីវង់ប្រឹងគេចពីតំបន់គ្រោះថ្នាក់
×![]()
ក្រុមបាល់ទាត់ខេត្តស្វាយរៀង និង ក្រុមអគ្គស្នងការដ្ឋាននគរបាលជាតិ (ប៉ូលិស) ត្រូវការពិន្ទុជាចាំបាច់នៅប្រកួតរសៀលថ្ងៃ ពុធ ទី ៩ កក្កដា នេះពីដៃគូប្រកួតរៀងខ្លួន ដើម្បីដណ្ដើមចំណាត់ថ្នាក់ក្រុមខ្លាំងទាំង៤ (Top4) ប្រចាំពានរង្វាន់មិត្តហ្វូនខេមបូឌានលីក រដូវកាល ២០១៤ ឡើងទៅលេងពានរង្វាន់ Royal Cup។ 
បើមើលឱ្យចំក្រុមទាំង២ អស់ឱកាសប្រជែងដណ្ដើមពាននៅឆ្នាំនេះហើយ ដោយគ្រាន់តែរក្សាខ្លួននៅតំបន់ Top 4 ប៉ុណ្ណោះ ខណៈពេលនេះក្រុមកំពូលតារាងគឺ ភ្នំពេញក្រោន, លេខ ២ ចម្ការកៅស៊ូបឹងកេត, លេខ៣ ណាហ្គាខប, លេខ ៤ បៀលប្រាយ, លេខ ៥ ស្វាយរៀង និង លេខ៦ គឺប៉ូលិស។
រសៀលនេះក្រុមខេត្តស្វាយរៀង ត្រូវប៉ះជាមួយក្រុមលេខ២ បាតតារាងគីរីវង់សុខសែនជ័យ វេលាម៉ោង ៣:៣០ នាទី លើកីឡដ្ឋានជាតិ ស្របពេលក្រុមអគ្គស្នងការដ្ឋាននគរបាលជាតិ ប៉ះក្រុមណាហ្គាខប នៅម៉ោង ៦ ល្ងាច។
ស្វាយរៀង Vs គីរីវង់សុខសែនជ័យ ម៉ោង ៣:៣០ រសៀល
ក្រុមខេត្តស្វាយរៀង កំពុងស្រេចឃ្លានជ័យជម្នះយ៉ាងខ្លាំង បើទោះជានៅសល់ ៥ ប្រកួតចុងក្រោយក៏ដោយ ដើម្បីស្ដាតកិតិយស្ត ក្នុងនាមជាជើងឯកចាស់។ អ្នកចាំទី ស សុភា, ខ្សែការពារ ឡាយ រស្មី , ខ្សែបម្រើ ប្រាក់ មុន្នីឧត្តម, ខ្សែប្រយុទ្ធ Bata សុទ្ធតែជាតួរសំខាន់សម្រាប់លោក សំ វ៉ាន់ដេត នាពេលកន្លងមក។
ចំណែកឯគីរីវង់ វិញ ចាប់តាំងពីការចាកចេញរបស់លោកគ្រូបង្វឹក ទេព ឡុងរចនា មកក្រុមមានមូលដ្ឋាននៅខេត្តតាកែវ មួយនេះហាក់ធ្លាក់ទម្រង់ជាលំដាប់។ បច្ចុប្បន្នស្ថានភាពក្រុមស្ថិតនៅតំបន់បាតតារាង ដោយប្រកួត ១៨ លើកឈ្នះ ៣ ស្មើ ៤ និង ចាញ់ ១១ មាន ១៣ ពិន្ទុ។ ក្រុមនេះគឺជាក្រុមទាត់បញ្ជូលទីដៃគូប្រកួតបានតិចជាងគេ គឺបានត្រឹមតែ ១១ គ្រាប់ប៉ុណ្ណោះ តែរបូតវិញចំនួន ៣៨ គ្រាប់។
ប៉ូលិល Vs ណាហ្គាខប ម៉ោង ៦ ល្ងាច
លោក អ៊ុង កងយ៉ានិត បានដឹកនាំក្រុមប៉ូលិសឈ្នះជើងឯកពានរង្វាន់ Hun Sen Cup កាលពីដើមឆ្នាំ ប៉ុន្ដែនៅក្នុងលីកវិញពិន្ទុដូចជាឆ្ងាយពីតំបន់កំពូលតារាងបន្តិចហើយ ពោលគឺអស់ឱកាសប្រជែងជើងឯកតែម្ដង។ កីឡាករ នួន បូរី, ទិត្យ ឌីណា, សុផល ឧត្តម សុទ្ធតែតារាលេចធ្លោររបស់ក្រុម។ ៥ ប្រកួតចុងក្រោយ ប៉ូលិស ឈ្នះ ១ ស្មើ ៣ និង ចាញ់ ១ ប្រកួត។
ចំណែកឯ ណាហ្គាខប ក្រោយឈរចំណាត់លេខ៣ អស់រយៈពេលយូ លែងចង់ទៅណាទៀតហើយ ដោយធ្លាក់ក៏គ្មានក្រុមមកប្រជែង ហើយដណ្ដើមជើងឯកក៏អស់ឱកាស។ លោកគ្រូបង្វឹក ប្រាក់ សុវណ្ណារ៉ា ហាក់មានអម្រែកធ្ងន់បន្តិចព្រោះជំនួយការរបស់លោក ជាប់មានភារិកិច្ចជួយក្រុមជម្រើសជាតិឈុតធំ ក៏ដូចជា U21 ៕
បើមើលឱ្យចំក្រុមទាំង២ អស់ឱកាសប្រជែងដណ្ដើមពាននៅឆ្នាំនេះហើយ ដោយគ្រាន់តែរក្សាខ្លួននៅតំបន់ Top 4 ប៉ុណ្ណោះ ខណៈពេលនេះក្រុមកំពូលតារាងគឺ ភ្នំពេញក្រោន, លេខ ២ ចម្ការកៅស៊ូបឹងកេត, លេខ៣ ណាហ្គាខប, លេខ ៤ បៀលប្រាយ, លេខ ៥ ស្វាយរៀង និង លេខ៦ គឺប៉ូលិស។
រសៀលនេះក្រុមខេត្តស្វាយរៀង ត្រូវប៉ះជាមួយក្រុមលេខ២ បាតតារាងគីរីវង់សុខសែនជ័យ វេលាម៉ោង ៣:៣០ នាទី លើកីឡដ្ឋានជាតិ ស្របពេលក្រុមអគ្គស្នងការដ្ឋាននគរបាលជាតិ ប៉ះក្រុមណាហ្គាខប នៅម៉ោង ៦ ល្ងាច។
ស្វាយរៀង Vs គីរីវង់សុខសែនជ័យ ម៉ោង ៣:៣០ រសៀល
ក្រុមខេត្តស្វាយរៀង កំពុងស្រេចឃ្លានជ័យជម្នះយ៉ាងខ្លាំង បើទោះជានៅសល់ ៥ ប្រកួតចុងក្រោយក៏ដោយ ដើម្បីស្ដាតកិតិយស្ត ក្នុងនាមជាជើងឯកចាស់។ អ្នកចាំទី ស សុភា, ខ្សែការពារ ឡាយ រស្មី , ខ្សែបម្រើ ប្រាក់ មុន្នីឧត្តម, ខ្សែប្រយុទ្ធ Bata សុទ្ធតែជាតួរសំខាន់សម្រាប់លោក សំ វ៉ាន់ដេត នាពេលកន្លងមក។
ចំណែកឯគីរីវង់ វិញ ចាប់តាំងពីការចាកចេញរបស់លោកគ្រូបង្វឹក ទេព ឡុងរចនា មកក្រុមមានមូលដ្ឋាននៅខេត្តតាកែវ មួយនេះហាក់ធ្លាក់ទម្រង់ជាលំដាប់។ បច្ចុប្បន្នស្ថានភាពក្រុមស្ថិតនៅតំបន់បាតតារាង ដោយប្រកួត ១៨ លើកឈ្នះ ៣ ស្មើ ៤ និង ចាញ់ ១១ មាន ១៣ ពិន្ទុ។ ក្រុមនេះគឺជាក្រុមទាត់បញ្ជូលទីដៃគូប្រកួតបានតិចជាងគេ គឺបានត្រឹមតែ ១១ គ្រាប់ប៉ុណ្ណោះ តែរបូតវិញចំនួន ៣៨ គ្រាប់។
ប៉ូលិល Vs ណាហ្គាខប ម៉ោង ៦ ល្ងាច
លោក អ៊ុង កងយ៉ានិត បានដឹកនាំក្រុមប៉ូលិសឈ្នះជើងឯកពានរង្វាន់ Hun Sen Cup កាលពីដើមឆ្នាំ ប៉ុន្ដែនៅក្នុងលីកវិញពិន្ទុដូចជាឆ្ងាយពីតំបន់កំពូលតារាងបន្តិចហើយ ពោលគឺអស់ឱកាសប្រជែងជើងឯកតែម្ដង។ កីឡាករ នួន បូរី, ទិត្យ ឌីណា, សុផល ឧត្តម សុទ្ធតែតារាលេចធ្លោររបស់ក្រុម។ ៥ ប្រកួតចុងក្រោយ ប៉ូលិស ឈ្នះ ១ ស្មើ ៣ និង ចាញ់ ១ ប្រកួត។
ចំណែកឯ ណាហ្គាខប ក្រោយឈរចំណាត់លេខ៣ អស់រយៈពេលយូ លែងចង់ទៅណាទៀតហើយ ដោយធ្លាក់ក៏គ្មានក្រុមមកប្រជែង ហើយដណ្ដើមជើងឯកក៏អស់ឱកាស។ លោកគ្រូបង្វឹក ប្រាក់ សុវណ្ណារ៉ា ហាក់មានអម្រែកធ្ងន់បន្តិចព្រោះជំនួយការរបស់លោក ជាប់មានភារិកិច្ចជួយក្រុមជម្រើសជាតិឈុតធំ ក៏ដូចជា U21 ៕
© រក្សាសិទ្ធិដោយ thmeythmey.com
