កីឡាជាតិ
ជាតិ
×![]()
កីឡាករខ្មែរ-បារាំង គួច ដានី នៃក្រុម Daniel FC និងកីឡាករវៀតណាម Khong Dinh Hung នៃក្រុម Dat Vinh Tieng បានក្លាយជាកីឡាករដំបូងក្នុងចំណោម៦នាក់ ដែលអតីតកីឡាករជម្រើសជាតិព័រទុយហ្គាល់ Deco ជ្រើសរើសចូលក្នុងក្រុមរបស់ខ្លួន (Deco’s Star Selection)។ ការជ្រើសរើសនេះ ត្រូវបានធ្វើឡើងបន្ទាប់ពីកីឡាករឆ្នើមទាំងពីរ បានជួយឲ្យក្រុមរបស់ពួកគេរៀងៗខ្លួន ទទួលបានពិន្ទុលើសគេពីការប្រកួតសន្សំពិន្ទុនៃពានរង្វាន់ Tiger Street Football 2014 នៅមុខវត្តបុទុមវតី រាជធានីភ្នំពេញកាលពីថ្ងៃទី៩ ខែសីហា ឆ្នាំ២០១៤ កន្លងមក។
«វាជាមោទនភាពមួយសម្រាប់ខ្ញុំដែលមានឱកាសតំណាងឲ្យកម្ពុជាតាមរយៈសកម្មភាពកីឡាបាល់ទាត់។ ការលេងនៅចំពោះមុខ Deco ដែលជាអតីតកីឡាករឆ្នើមលំដាប់អន្តរជាតិ គឺជាការលើកកម្លាំងចិត្តដ៏ខ្លាំងក្លាមួយ»។ នេះជាការបញ្ជាក់របស់ គួច ដានី មកកាន់គេហទំព័រថ្មីៗ ។
គួច ដានី ដែលជាកីឡាករនៃក្លិបបាល់ទាត់អាជីព ភ្នំពេញត្រាយអាស៊ី ហើយត្រូវបានកោះហៅឲ្យចូលហាត់ក្នុងក្រុមជម្រើសជាតិផងដែរនោះ បានអះអាងថា រូបគេនឹងប្រឹងប្រែងបន្តទៀតសម្រាប់ក្រុម Daniel FC នាការប្រកួតនៅ លើទឹកដីម៉ុងហ្គោលី និងសិង្ហបុរី។
កីឡាករវ័យ២៤ឆ្នាំ និងជាអតីតសមាជិក U-21 នៃឈុតជម្រើសជាតិហ៊្វុតសាលបារាំង បានបន្ថែមថា៖ «ខ្ញុំសូមអរគុណដល់ក្លិប Daniel FC និងក្រុមអ្នកគាំទ្រទាំងអស់ដែលតែងតែលើកទឹកចិត្តខ្ញុំ និងក្រុមទាំងមូល។ យើងនឹងធ្វើឲ្យកាន់តែល្អប្រសើរ បើទោះបីជាការប្រកួតនាពេលមុខមិនមានបរិយាកាសដូចជានៅក្នុងរាជធានីភ្នំពេញក៏ដោយ។
លោក ឃុល ភីរម្យ អ្នកដឹកនាំក្លិប Daniel FC ក៏បង្ហាញពីអារម្មណ៍រំភើបរបស់ខ្លួនផងដែរថា៖ «យើងបានមិនធ្វើអោយអ្នកគាំទ្ររបស់យើងអស់សង្ឃឹមឡើយ កីឡាករគួចដានីបានទទួលរង្វាន់ជាកីឡាករល្អ ដែលជ្រើសរើសដោយ Deco សង្ឃឹមថាយើងនៅតែរក្សាអ្វីៗដែលល្អនេះរហូតដល់វគ្គបញ្ចប់»។
បន្ទាប់ពី ដានី និងកីឡាករវៀតណាម Khong Dinh Hung កីឡាករឆ្នើមទាំងបួននាក់ផ្សេងទៀត នឹងត្រូវបានជ្រើសរើសនៅក្នុងប្រទេសម៉ុងហ្គោលី និងសឹង្ហបុរីដើម្បីបង្កើតបានជាក្រុម Deco’s Star Selection ដែលនឹងត្រូវប្រកួតជាមួយក្រុមរបស់លោក Deco (ដែលរួមបញ្ចូលលោក Deco និងអតីតមិត្តរួមក្រុមជម្រើសជាតិព័រទុយហ្គាល់របស់លោក) នៅវគ្គផ្តាច់ព្រ័ត្រនៅប្រទេសសឹង្ហបុរី។
កំពូលតារាបាល់ទាត់ព័រទុយហ្គាល់ និងជាអ្នកតំណាង Tiger Street Football 2014 លោក Anderson Luis de Souza ដែលគេស្គាល់ថា Deco បានមក កម្ពុជាកាលពីចុងសប្តាហ៍កន្លងមកដើម្បីត្រួតពិនិត្យមើលការប្រកួត បានចូលរួមផ្តល់ជាមតិយោបល់ និងធ្វើការពន្យល់ ណែនាំ ដល់ក្រុមកីឡាករ។
នាការប្រកួតជម្រុះសន្សំពិន្ទុរវាងក្រុមទាំង៨កាលពីចុងសប្តាហ៍កន្លងមក ក្រុមវៀតណាម Dat Vinh Tien និង Daniel FC របស់កម្ពុជា ទទួលបាន៩ពិន្ទុ ក្រុម Latin Lovers (អូស្ត្រាលី) និង ក្រុម MNS (ម៉ុងហ្គោលី) បាន៤ពិន្ទុ ក្រុម MNA (សិង្ហបុរី) និង Blue Wolves (ម៉ុងហ្គោលី) បាន៣ពិន្ទុ ខណៈ ក្រុម Touch N GO (សិង្ហបុរី) និង អាណាចក្របៃតង (កម្ពុជា) ទើបទទួលបាន១ពិន្ទុប៉ុណ្ណោះ។
ក្រុមទាំង៨នឹងជួបគ្នានៅវគ្គបន្ទាប់ទៀតនៅទីក្រុង Ulaanbaatar ប្រទេសម៉ុងហ្គោលី នៅថ្ងៃទី២៣ ខែសីហា ហើយចំពោះការប្រកួតវគ្គផ្តាច់ព្រ័ត្រនឹងធ្វើឡើងនៅប្រទេសឹង្ហបុរី នៅថ្ងៃទី៦ខែកញ្ញា ឆ្នាំ២០១៤ ដើម្បីឈានទៅដណ្តើមតំណែងជើងឯកជាមួយនឹងទឹកប្រាក់៤ម៉ឺនដុល្លារសហរដ្ឋអាមេរិក៕
«វាជាមោទនភាពមួយសម្រាប់ខ្ញុំដែលមានឱកាសតំណាងឲ្យកម្ពុជាតាមរយៈសកម្មភាពកីឡាបាល់ទាត់។ ការលេងនៅចំពោះមុខ Deco ដែលជាអតីតកីឡាករឆ្នើមលំដាប់អន្តរជាតិ គឺជាការលើកកម្លាំងចិត្តដ៏ខ្លាំងក្លាមួយ»។ នេះជាការបញ្ជាក់របស់ គួច ដានី មកកាន់គេហទំព័រថ្មីៗ ។
គួច ដានី ដែលជាកីឡាករនៃក្លិបបាល់ទាត់អាជីព ភ្នំពេញត្រាយអាស៊ី ហើយត្រូវបានកោះហៅឲ្យចូលហាត់ក្នុងក្រុមជម្រើសជាតិផងដែរនោះ បានអះអាងថា រូបគេនឹងប្រឹងប្រែងបន្តទៀតសម្រាប់ក្រុម Daniel FC នាការប្រកួតនៅ លើទឹកដីម៉ុងហ្គោលី និងសិង្ហបុរី។
កីឡាករវ័យ២៤ឆ្នាំ និងជាអតីតសមាជិក U-21 នៃឈុតជម្រើសជាតិហ៊្វុតសាលបារាំង បានបន្ថែមថា៖ «ខ្ញុំសូមអរគុណដល់ក្លិប Daniel FC និងក្រុមអ្នកគាំទ្រទាំងអស់ដែលតែងតែលើកទឹកចិត្តខ្ញុំ និងក្រុមទាំងមូល។ យើងនឹងធ្វើឲ្យកាន់តែល្អប្រសើរ បើទោះបីជាការប្រកួតនាពេលមុខមិនមានបរិយាកាសដូចជានៅក្នុងរាជធានីភ្នំពេញក៏ដោយ។
លោក ឃុល ភីរម្យ អ្នកដឹកនាំក្លិប Daniel FC ក៏បង្ហាញពីអារម្មណ៍រំភើបរបស់ខ្លួនផងដែរថា៖ «យើងបានមិនធ្វើអោយអ្នកគាំទ្ររបស់យើងអស់សង្ឃឹមឡើយ កីឡាករគួចដានីបានទទួលរង្វាន់ជាកីឡាករល្អ ដែលជ្រើសរើសដោយ Deco សង្ឃឹមថាយើងនៅតែរក្សាអ្វីៗដែលល្អនេះរហូតដល់វគ្គបញ្ចប់»។
បន្ទាប់ពី ដានី និងកីឡាករវៀតណាម Khong Dinh Hung កីឡាករឆ្នើមទាំងបួននាក់ផ្សេងទៀត នឹងត្រូវបានជ្រើសរើសនៅក្នុងប្រទេសម៉ុងហ្គោលី និងសឹង្ហបុរីដើម្បីបង្កើតបានជាក្រុម Deco’s Star Selection ដែលនឹងត្រូវប្រកួតជាមួយក្រុមរបស់លោក Deco (ដែលរួមបញ្ចូលលោក Deco និងអតីតមិត្តរួមក្រុមជម្រើសជាតិព័រទុយហ្គាល់របស់លោក) នៅវគ្គផ្តាច់ព្រ័ត្រនៅប្រទេសសឹង្ហបុរី។
កំពូលតារាបាល់ទាត់ព័រទុយហ្គាល់ និងជាអ្នកតំណាង Tiger Street Football 2014 លោក Anderson Luis de Souza ដែលគេស្គាល់ថា Deco បានមក កម្ពុជាកាលពីចុងសប្តាហ៍កន្លងមកដើម្បីត្រួតពិនិត្យមើលការប្រកួត បានចូលរួមផ្តល់ជាមតិយោបល់ និងធ្វើការពន្យល់ ណែនាំ ដល់ក្រុមកីឡាករ។
នាការប្រកួតជម្រុះសន្សំពិន្ទុរវាងក្រុមទាំង៨កាលពីចុងសប្តាហ៍កន្លងមក ក្រុមវៀតណាម Dat Vinh Tien និង Daniel FC របស់កម្ពុជា ទទួលបាន៩ពិន្ទុ ក្រុម Latin Lovers (អូស្ត្រាលី) និង ក្រុម MNS (ម៉ុងហ្គោលី) បាន៤ពិន្ទុ ក្រុម MNA (សិង្ហបុរី) និង Blue Wolves (ម៉ុងហ្គោលី) បាន៣ពិន្ទុ ខណៈ ក្រុម Touch N GO (សិង្ហបុរី) និង អាណាចក្របៃតង (កម្ពុជា) ទើបទទួលបាន១ពិន្ទុប៉ុណ្ណោះ។
ក្រុមទាំង៨នឹងជួបគ្នានៅវគ្គបន្ទាប់ទៀតនៅទីក្រុង Ulaanbaatar ប្រទេសម៉ុងហ្គោលី នៅថ្ងៃទី២៣ ខែសីហា ហើយចំពោះការប្រកួតវគ្គផ្តាច់ព្រ័ត្រនឹងធ្វើឡើងនៅប្រទេសឹង្ហបុរី នៅថ្ងៃទី៦ខែកញ្ញា ឆ្នាំ២០១៤ ដើម្បីឈានទៅដណ្តើមតំណែងជើងឯកជាមួយនឹងទឹកប្រាក់៤ម៉ឺនដុល្លារសហរដ្ឋអាមេរិក៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
