កីឡាជាតិ
ជាតិ
ឯកអគ្គរាជទូតខ្មែរនៅប្រ៊ុយណេបង្ហាញពីការយកចិត្តទុកដាក់លើក្រុមកីឡាបាល់ទាត់ U21
លោក ឆាយ សុខន ថតជាមួយក្រុម U21 នៅស្ថានទូត។ រូបថតហ្វេសប៊ុក ឆាំង ពិសិដ្ឋ
×![]()
ដោយ: រួបរួម
លោក ឆាយ សុខន ឯកអគ្គរាជទូតវិសាមញ្ញ និងពេញសមត្ថភាពរបស់កម្ពុជាប្រចាំប្រទេសប្រ៊ុយណេ នាថ្ងៃព្រហស្បតិ៍ ទី១៤ ខែសីហា នេះ បានអញ្ជើញក្រុមកីឡាករបាល់ទាត់យុវជនជម្រើសជាតិកម្ពុជាអាយុក្រោម២១ឆ្នាំ ទៅស្ថានទូតដែលមានទីតាំងក្នុងរាជធានីបង់ដាសិរិបេហ្គាវ៉ាន និងបរិភោគអាហាររួមគ្នា។ នេះបើតាមការបញ្ជាក់របស់លោក ឆាំង ពិសិដ្ឋ អ្នកដឹកនាំក្រុមជម្រើសជាតិ។
លោក មាស ចាន់ណា គ្រូជំនួយក្រុម U21 កម្ពុជា ធ្លាប់បាននិយាយប្រាប់សារព័ត៌មានថ្មីៗកន្លងមកថា ស្ថានទូតខ្មែរប្រចាំប្រទេសប្រ៊ុយណេតែងតែយកចិត្តទុកដាក់លើក្រុមកម្ពុជា ដែលកំពុងបំពេញបេសកកម្មក្នុងព្រឹត្តិការណ៍ដណ្តើម Hassanal Bolkiah Trophy ឆ្នាំ២០១៤។ ការយកចិត្តទុកទាំងនោះមានដូចជាការគាំទ្រជាសម្ភារៈ និងការឧបត្ថម្ភផ្សេងៗ រួមទាំងការទៅលើកទឹកចិត្តក្រុមដល់ទីលានប្រកួត។
នៅក្នុងការប្រកួតដណ្តើមពានស្តេចប្រ៊ុយណេ កម្ពុជាស្ថិតក្នុងពូល B ដោយបានប្រកួតឈ្នះម្ចាស់ផ្ទះប្រ៊ុយណេ ១-០ ឈ្នះសិង្ហបុរី ៣-១ និងចាញ់ម៉ាឡេស៊ី ១-០។ ក្រុមរបស់លោក Lee Tae Hoon ត្រូវជួបឥណ្ឌូនេស៊ីនៅថ្ងៃសៅរ៍ និងប៉ះវៀតណាមនៅថ្ងៃចន្ទសប្តាហ៍ក្រោយ៕
រូបថតទាំងអស់ ហ្វេសប៊ុក លោក ឆាំង ពិសិដ្ឋ
លោក មាស ចាន់ណា គ្រូជំនួយក្រុម U21 កម្ពុជា ធ្លាប់បាននិយាយប្រាប់សារព័ត៌មានថ្មីៗកន្លងមកថា ស្ថានទូតខ្មែរប្រចាំប្រទេសប្រ៊ុយណេតែងតែយកចិត្តទុកដាក់លើក្រុមកម្ពុជា ដែលកំពុងបំពេញបេសកកម្មក្នុងព្រឹត្តិការណ៍ដណ្តើម Hassanal Bolkiah Trophy ឆ្នាំ២០១៤។ ការយកចិត្តទុកទាំងនោះមានដូចជាការគាំទ្រជាសម្ភារៈ និងការឧបត្ថម្ភផ្សេងៗ រួមទាំងការទៅលើកទឹកចិត្តក្រុមដល់ទីលានប្រកួត។
នៅក្នុងការប្រកួតដណ្តើមពានស្តេចប្រ៊ុយណេ កម្ពុជាស្ថិតក្នុងពូល B ដោយបានប្រកួតឈ្នះម្ចាស់ផ្ទះប្រ៊ុយណេ ១-០ ឈ្នះសិង្ហបុរី ៣-១ និងចាញ់ម៉ាឡេស៊ី ១-០។ ក្រុមរបស់លោក Lee Tae Hoon ត្រូវជួបឥណ្ឌូនេស៊ីនៅថ្ងៃសៅរ៍ និងប៉ះវៀតណាមនៅថ្ងៃចន្ទសប្តាហ៍ក្រោយ៕
រូបថតទាំងអស់ ហ្វេសប៊ុក លោក ឆាំង ពិសិដ្ឋ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
