កីឡាជាតិ
ជាតិ
ប្រតិភូប្រកួតកម្ពុជាទៅដល់ចិនហើយមុនប្រកួត អូឡាំពិកយុវជនស្អែកនេះ
រូបថត៖ ហ្វេសប៊ុក លោក កាំង សុធា
×![]()
ប្រតិភូក្រុមកម្ពុជា បានទៅដល់ទីក្រុងណានជីងប្រទេសចិនហើយនៅម៉ោង ១:៣០ នាទី យប់មិញ ដើម្បីទៅចូលរួមប្រកួតក្នុងព្រឹត្តិការណ៍កីឡាអូឡាំពិកយុវជនលើកទី២ (2nd Summer Youth Olympic Games) ដែលចាប់ពីថ្ងៃទី ១៦ ដល់ ២៨ សីហា ឆ្នាំ ២០១៤។ 
កម្ពុជា បានបញ្ជូនកីឡាករ កីឡាការិនី ៣ រូបដើម្បីទៅចូលរួមប្រកួតរួមមានកីឡាការិនី ឌន ស្រីម៉ៅ ផ្នែកកីឡាចំបាប់សេរី ប្រភេទទម្ងន់ ៥២ គីឡូក្រាម, កីឡាករ ចេង សុផា ផ្នែកកីឡាហែលទឹក ចម្ងាយ ៥០ ម៉ែត្រ (សេរី និង កង្កែម) និង កីឡាការិនី សុខា បញ្ញាវិរិយវតី ផ្នែកអត្តពលកម្ម រត់ល្បឿនលើផ្ទៃរាបចម្ងាយ ១០០ ម៉ែត្រ។
លោក ញ៉ាន សុខវិសាល ជានាយបេសកកម្ម នឹងដឹកនាំភាគីកម្ពុជា ខណៈលោក ហែម គិរី គ្រូបង្វឹកកីឡាហែលទឹក និង លោក ឡាក់ ឡុច គ្រូបង្វឹកកីឡាអត្តពលកម្ម ក៏ចេញដំណើរទៅជាមួយកូនសិស្សដែរ។
មុនចេញដំណើរលោក ញ៉ាន សុខវិសាល បានប្រាប់អ្នកសារព័ត៌មានមុនចេញដំណើរថា កីឡាករ កីឡាការិនី ដែលមានឈ្មោះទៅចូលរួមប្រកួតនេះសុទ្ធតែជ្រើសចេញការវាយតម្លៃរបស់ សហព័ន្ធកីឡាជាតិ និង សហព័ន្ធកីឡាអន្តរជាតិ។ ការប្រកួតនេះបង្កើតឡើងក្នុងគោលបំណងសំខាន់២ គឺទីមួយ ប្រកួតដណ្ដើមមេដាយ ចំណែកទី២ គឺចូលរួមផ្លាស់ប្ដូរបទពិសោធន៍ និង វប្បធម៌របស់ខ្លួននីមួយៗ។
ក្រុមអត្តពលិកកម្ពុជា បានចេញដំណើរពីប្រទេសកម្ពុជាវេលាម៉ោង ១១ ព្រឹកថ្ងៃទី១៤ ខែសីហា ម្សិលមិញ ស្របពេលអត្តពលិកដែលគ្រោងចូលរួមក្នុងព្រឹត្តិការណ៍ទាំងមូលមានចំនួនសរុបទាំងអស់ ៣៨០៨ នាក់មកពីប្រទេសជាសមាជិករបស់គណៈកម្មាធិការអូឡាំពិកអន្តរជាតិចំនួន ២០៤ ប្រទេស៕
កម្ពុជា បានបញ្ជូនកីឡាករ កីឡាការិនី ៣ រូបដើម្បីទៅចូលរួមប្រកួតរួមមានកីឡាការិនី ឌន ស្រីម៉ៅ ផ្នែកកីឡាចំបាប់សេរី ប្រភេទទម្ងន់ ៥២ គីឡូក្រាម, កីឡាករ ចេង សុផា ផ្នែកកីឡាហែលទឹក ចម្ងាយ ៥០ ម៉ែត្រ (សេរី និង កង្កែម) និង កីឡាការិនី សុខា បញ្ញាវិរិយវតី ផ្នែកអត្តពលកម្ម រត់ល្បឿនលើផ្ទៃរាបចម្ងាយ ១០០ ម៉ែត្រ។
លោក ញ៉ាន សុខវិសាល ជានាយបេសកកម្ម នឹងដឹកនាំភាគីកម្ពុជា ខណៈលោក ហែម គិរី គ្រូបង្វឹកកីឡាហែលទឹក និង លោក ឡាក់ ឡុច គ្រូបង្វឹកកីឡាអត្តពលកម្ម ក៏ចេញដំណើរទៅជាមួយកូនសិស្សដែរ។
មុនចេញដំណើរលោក ញ៉ាន សុខវិសាល បានប្រាប់អ្នកសារព័ត៌មានមុនចេញដំណើរថា កីឡាករ កីឡាការិនី ដែលមានឈ្មោះទៅចូលរួមប្រកួតនេះសុទ្ធតែជ្រើសចេញការវាយតម្លៃរបស់ សហព័ន្ធកីឡាជាតិ និង សហព័ន្ធកីឡាអន្តរជាតិ។ ការប្រកួតនេះបង្កើតឡើងក្នុងគោលបំណងសំខាន់២ គឺទីមួយ ប្រកួតដណ្ដើមមេដាយ ចំណែកទី២ គឺចូលរួមផ្លាស់ប្ដូរបទពិសោធន៍ និង វប្បធម៌របស់ខ្លួននីមួយៗ។
ក្រុមអត្តពលិកកម្ពុជា បានចេញដំណើរពីប្រទេសកម្ពុជាវេលាម៉ោង ១១ ព្រឹកថ្ងៃទី១៤ ខែសីហា ម្សិលមិញ ស្របពេលអត្តពលិកដែលគ្រោងចូលរួមក្នុងព្រឹត្តិការណ៍ទាំងមូលមានចំនួនសរុបទាំងអស់ ៣៨០៨ នាក់មកពីប្រទេសជាសមាជិករបស់គណៈកម្មាធិការអូឡាំពិកអន្តរជាតិចំនួន ២០៤ ប្រទេស៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
