អន្តរជាតិ
នយោបាយអន្តរជាតិ
សហភាពអឺរ៉ុបផ្តល់ជំនួយគាំទ្រលទ្ធិប្រជាធិបតេយ្យនៅមីយ៉ាន់ម៉ា
×
សហភាពអឺរ៉ុបបានប្រកាសផ្តល់ជំនួយដល់មីយ៉ាន់ម៉ាដើម្បីបន្តការកែទម្រង់ប្រជាធិបតេយ្យនៅក្នុងប្រទេស។ការប្រកាសនេះធ្វើឡើងក្រោយពេលលោកប្រធានាធិបតីសហរដ្ឋអាមេរិកប៉ារ៉ាក់អូប៉ាម៉ាថ្លែងការណ៍នៅក្នុងឳកាសនៃការចូលរួមកិច្ចប្រជុំកំពូលអាស៊ាននៅក្នុងទីក្រុងណៃពីដរពីការព្រួយបារម្ភពីដំណើរនៃលទ្ធិប្រជាធិបតេយ្យរបស់មីយ៉ាន់ម៉ាមានសភាពមិនទាន់ល្អប្រសើរនោះទេ។
កាលពីដើមសប្តាហ៍នេះសហភាពអឺរ៉ុបបានប្រកាសថានឹងផ្តល់ជំនួយប្រមាណ៩០០លានដុលា្លរសហរដ្ឋអាមេរិកដល់ប្រទេសមីយ៉ាន់ម៉ាដើម្បីលើកស្ទួយនិងជំរុញនូវការកែទម្រង់ពីប្រទេសយោធានិយមអោយក្លាយជាប្រទេសប្រជាធិបតេយ្យពេញលេញ និងក្លាយជាតួអង្គសំខាន់នៅក្នុងឆាកអន្តរជាតិ។ការប្រកាសនេះធ្វើឡើងក្រោយពីមានវត្តមានរបស់លោកប្រធានាធិបតីសហរដ្ឋអាមេរិក ប៉ារ៉ាក់អូប៉ាម៉ានៅក្នុងប្រទេសមីយ៉ាន់ម៉ាហើយបានថ្លែងពីការព្រួយបារម្ភដោយសារតែភាពយឺតយ៉ាវនៃការកែទម្រង់ជាពិសេសលើវិស័យសិទ្ធិមនុស្សនិងសិទ្ធិសេរីភពរបស់ប្រជាជន។
ក្រោយពីម៉ាយ៉ាន់បានចាប់ផ្តើមធ្វើការកែទម្រង់របបនយោបាយកាលពីឆ្នាំ២០១១ប្រទេសនេះមានការបង្រួបបង្រួមសារជាថ្មីរវាងរដ្ឋាភិបាលនិងក្រុមបះបោរទាមទារផ្តាច់ខ្លួន។អ្វីដែលគួរកត់សម្គាល់នោះគឺរដ្ឋាភិបាលបានចុះហត្ថលេខាលើបទឈប់បាញ់ជាមួយនឹងក្រុមបះបោរចំនួន១៤ក្រុមក្នុងចំណោមក្រុមបះបោរធំៗនូវមីយ៉ាន់ម៉ាទាំង១។លើសពីនេះទៅទៀត គេសង្កេតឃើញមានការដោះលែងអ្នកទោសនយោបាយបន្ធូរបន្ថយការរឹតត្បិតសិទ្ធិសេរីភាពសារពត៌មាននិងអនុញ្ញតអោយមេបក្សប្រឆាំងមានសិទ្ធិចូលរួមក្នុងសភាថែមទៀតផង ។យ៉ាងណាមិញសហភាពអឺរ៉ុបនឹងបន្តផ្តល់ជំនួយចាប់ពីចុងឆ្នាំ២០១៤ដើម្បីជំរុញអោយដំណើរនៃការកែទម្រង់ពីរបបយោធានិយមអោយក្លាយជាប្រទេសលិទ្ធិប្រជាធិបតេយ្យពិតប្រាកដបានជោគជ័យ។ ជាពិសេសនោះជំនួយនឹងជួយលើកកម្ពស់និងដើម្បីធានាអោយបានសន្តិភាពនៅក្នុងងប្រទេសផងដែរ។
ដោយឡែកសម្រាប់ជំនួយដែលត្រូវផ្តល់មីយ៉ាន់ម៉ាដោយសភាពអឺរ៉ុបនឹងត្រូវផ្តោតសំខាន់លើការអភិវឌ្ឍន៍នៅតំបន់ជនបទនិងវិស័យកសិកម្មបង្កើនការផ្គត់ផ្គង់ចំណីអាហារនិងអាហាររូបត្ថម្ភគាំទ្រវិស័យអប់រំនិងធ្វើអោយមានភាពល្អប្រសើរនៃអភិបាលកិច្ចនិងការអនុវត្តនីតិរដ្ឋ។
ទោះបីជាមីយ៉ាន់ម៉ានឹងទទួលបានជំនួយជាច្រើនដើម្បីធ្វើការកែទម្រង់ប្រទេសក៏ដោយតែប្រទេសនេះនៅតែបរាជ័យនៅក្នុងអនុវត្តតាមបំណងប្រាថ្នាដែលសហគមន៍អន្តរជាតិ។ ភាពបរាជ័យនោះគឺ ការកែប្រែរដ្ឋធម្មនុញ្ញដែលអនុញ្ញតអោយមេដឹកនាំបក្សប្រឆាំងលោកស្រីអ៊ុងសានស៊ូជីអាចឈរជាបេក្ខភាពប្រធានាធិបតីបាន។មួយវិញទៀតបញ្ហាផ្សះផ្សាជាមួយក្រុមទាហានផ្តាច់ខ្លួនកាឈិនដែលជានិច្ចកាលភាគីទាំងពីរតែងតែមានការប៉ះទង្គិចគ្នាដោយអាវុធហើយជម្លោះនេះបានសម្លាប់ទាំងជនស៊ីវិលនិងទាហានទាំងសងខាង។
គួរបញ្ជាក់ផងដែរជំនួយដែលផ្តល់ដោយសភាពអឺរ៉ុបដែលកើតក្រោយពីការសម្តែងការព្រួយបារម្ភរបស់ប្រធានាធិបតីសហរដ្ឋអាមេរិក។ក្នុងនោះគេរពឹងថាក្រៅពីការដកទណ្ឌកម្មសេដ្ឋកិច្ចហើយផ្តល់ជំនួយជំនួសវិញនឹងអាចកែប្រែស្ថានភាពប្រទេសមីយ៉ាន់ម៉ាអោយកាន់តែល្អប្រសើរ៕
ដោយោ៖ទេពអ៊ីវិសាល
© រក្សាសិទ្ធិដោយ thmeythmey.com