ជាតិ
ព្រឹទ្ធសភា នឹងបើកកិច្ចប្រជុំលើកទី៦នីតិកាលទី៣ នៅថ្ងៃទី១៩ខែធ្នូខាងមុខ
× គណៈកម្មាធិការអចិន្ត្រៃយ៍ព្រឹទ្ធសភា នឹងបើកកិច្ចប្រជុំលើកទី៦ព្រឹទ្ធសភា នីតិកាលទី៣ នៅព្រឹក ថ្ងៃទី១៩ខែធ្នូខាងមុខ ដែលនឹងពិភាក្សាលើរបៀបវារៈតែមួយគត់ គឺស្តាប់របាយការណ៍របស់គណៈកម្មាធិកាអចិន្ត្រៃយ៍ ស្តីពីសកម្មភាពការងាររបស់ព្រឹទ្ធសភា នៅចន្លោះសម័យប្រជុំលើកទី៥ និងទី៦ព្រឹទ្ធសភា នីតិកាលទី។ នេះបើតាមសេចក្តីជូនដំណឹង របស់អគ្គលេខាធិការដ្ឋានព្រឹទ្ធសភា ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នៅថ្ងៃទី១២ធ្នូនេះ។
កាលពីព្រឹកមិញនេះ គណៈកម្មាធិការអចិន្ត្រៃយ៍ព្រឹទ្ធសភាបានបើកកិច្ចប្រជុំ ដោយបានពិភាក្សាលើរបៀបវារៈចំនួន៣៖ ទី១.ធ្វើការពិនិត្យនិងសម្រេចលើសេចក្តីព្រាងរបាយការណ៍ចន្លោះសម័យប្រជុំលើកទី៥ និងលើកទី៦ ព្រឹទ្ធសភា នីតិកាលទី។ ទី២.ពិនិត្យលើសំណើររបស់រដ្ឋសភាសុំពិនិត្យ និងឲ្យយោបល់លើសេចក្តីព្រាងច្បាប់ ស្តីពីចរាចរណ៍ផ្លូវគោក។ និងទី៣. កំណត់កាលបរិច្ឆេទ របៀបវារៈ និងសមាសភាពលេខាធិការសម័យប្រជុំលើកទី៦ព្រឹទ្ធសភានីតិកាលទី៣ ៕
© រក្សាសិទ្ធិដោយ thmeythmey.com