ជាតិ
សេដ្ឋកិច្ច
ទំហំវិនិយោគលើវិស័យសំណង់នៅកម្ពុជាមានជាង២៥០០លានដុល្លារក្នុង រយៈពេល៩ខែ
×![]()
ដោយ: ខន ចំប៉ា
រយៈពេល៩ខែដើមឆ្នាំ២០១៤ វិស័យសំណង់បានទាក់ទាញវិនិយោគបរទេសជាង២៥០០លានដុល្លារអាមេរិក។ តួលេខនេះ បានធ្វើឲ្យវិស័យសំណង់ក្លាយជាសសរស្តម្ភទី២នៃសេដ្ឋកិច្ចកម្ពុជា ដោយនាំមុខវិស័យទេសចរណ៍ និងកសិកម្ម។ ដោយឡែកកម្ចីអចលនទ្រព្យកើនឡើង២២ភាគរយ ក្នុងរយៈពេល១ឆ្នាំ។ នេះបើយោងតាមសេចក្តីប្រកាសព័ត៌មានរបស់ស្ថាតទូតបារាំងប្រចាំនៅកម្ពុជា។
បើតាមសេចក្តីប្រកាសព័ត៌មាន វិស័យសំណង់បានផ្តល់ឱកាសជាច្រើនដល់សហគ្រាសបារាំង ដែលមានជំនាញក្នុងវិស័យសំណង់ស៊ីវិល នគររូបនីយកម្ម និងស្ថាបត្យកម្ម។ កាលពីថ្ងៃទី១២ធ្នូម្សិលមិញនេះ មានក្រុមហ៊ុនបារាំងចំនួន៥ បានចូលរួមសន្និសីទ បារាំង-ខ្មែរលើកទី១ ស្តីពី«ទីក្រុងប្រកបដោយនិរន្តរភាព» ដែលបានធ្វើឡើងនៅស្ថាតទូតបារាំងប្រចាំនៅកម្ពុជា។ សន្និសីទនេះ អនុញាតឲ្យក្រុមហ៊ុនបារាំងដែលមានបទពិសោធន៍ និងចំណេះធ្វើល្បីល្បាញលើឆាកអន្តរជាតិបង្ហាញពីជំនាញរបស់ខ្លួនដល់ក្រុមហ៊ុនកម្ពុជានានា ខណៈដែលការអភិវឌ្ឍក្រុងនៅកម្ពុជា កំពុងជួបបញ្ហាជាច្រើន។
ក្រុមហ៊ុនទាំង៥នោះរួមមាន ក្រុមហ៊ុនDE-SO ជាក្រុមហ៊ុនជំនាញផលិតឧបករណ៍បំពាក់តាមទីសាធារណៈ លំនៅដ្ឋាន ការិយាល័យធ្វើការ និងការរៀបចំនគររូបនីយកម្ម។ ក្រុមហ៊ុនAREP ជាក្រុមហ៊ុនផ្តល់សេវារៀបចំ និងសាងសង់សំណង់ក្នុងក្រុង។ ក្រុមហ៊ុនINTERSCENCE ជំនាញក្នុងការអភិវឌ្ឍនគររូបនីយកម្មទ្រង់ទ្រាយធំ ការ អភិវឌ្ឍតំបន់ជនបទ និងការថែរក្សាបេតិកភណ្ឌប្រវត្តិសាស្ត្រ។ ក្រុមហ៊ុនSCHNEIDER ELECTRIC គឺជាក្រុមហ៊ុនឧស្សាហកម្មអឺរ៉ុបនាំមុខគេលើពិភពលោកក្នុងទីផ្សារថាមពល ហេដ្ឋារចនាសម្ព័ន្ធ ឧស្សាហកម្មមណ្ឌលផ្ទុកទិន្នន័យអាគារ និងលំនៅដ្ឋាន និងក្រុមហ៊ុនBERIM ដែលជាក្រុមហ៊ុនឯករាជ្យជំនាញក្នុងការផ្តល់ប្រឹក្សា និងវិស្វកម្ម ដែលបានប្រតិបត្តិការអស់រយ:ពេល៦៥ឆ្នាំមកហើយក្នុងវិស័យទឹកស្អាត ការគ្រប់គ្រងកាកសំណល់ ថាមពល ហេដ្ឋារចនាសម្ព័ន្ធ និងការរៀបចំក្រុង៕
បើតាមសេចក្តីប្រកាសព័ត៌មាន វិស័យសំណង់បានផ្តល់ឱកាសជាច្រើនដល់សហគ្រាសបារាំង ដែលមានជំនាញក្នុងវិស័យសំណង់ស៊ីវិល នគររូបនីយកម្ម និងស្ថាបត្យកម្ម។ កាលពីថ្ងៃទី១២ធ្នូម្សិលមិញនេះ មានក្រុមហ៊ុនបារាំងចំនួន៥ បានចូលរួមសន្និសីទ បារាំង-ខ្មែរលើកទី១ ស្តីពី«ទីក្រុងប្រកបដោយនិរន្តរភាព» ដែលបានធ្វើឡើងនៅស្ថាតទូតបារាំងប្រចាំនៅកម្ពុជា។ សន្និសីទនេះ អនុញាតឲ្យក្រុមហ៊ុនបារាំងដែលមានបទពិសោធន៍ និងចំណេះធ្វើល្បីល្បាញលើឆាកអន្តរជាតិបង្ហាញពីជំនាញរបស់ខ្លួនដល់ក្រុមហ៊ុនកម្ពុជានានា ខណៈដែលការអភិវឌ្ឍក្រុងនៅកម្ពុជា កំពុងជួបបញ្ហាជាច្រើន។
ក្រុមហ៊ុនទាំង៥នោះរួមមាន ក្រុមហ៊ុនDE-SO ជាក្រុមហ៊ុនជំនាញផលិតឧបករណ៍បំពាក់តាមទីសាធារណៈ លំនៅដ្ឋាន ការិយាល័យធ្វើការ និងការរៀបចំនគររូបនីយកម្ម។ ក្រុមហ៊ុនAREP ជាក្រុមហ៊ុនផ្តល់សេវារៀបចំ និងសាងសង់សំណង់ក្នុងក្រុង។ ក្រុមហ៊ុនINTERSCENCE ជំនាញក្នុងការអភិវឌ្ឍនគររូបនីយកម្មទ្រង់ទ្រាយធំ ការ អភិវឌ្ឍតំបន់ជនបទ និងការថែរក្សាបេតិកភណ្ឌប្រវត្តិសាស្ត្រ។ ក្រុមហ៊ុនSCHNEIDER ELECTRIC គឺជាក្រុមហ៊ុនឧស្សាហកម្មអឺរ៉ុបនាំមុខគេលើពិភពលោកក្នុងទីផ្សារថាមពល ហេដ្ឋារចនាសម្ព័ន្ធ ឧស្សាហកម្មមណ្ឌលផ្ទុកទិន្នន័យអាគារ និងលំនៅដ្ឋាន និងក្រុមហ៊ុនBERIM ដែលជាក្រុមហ៊ុនឯករាជ្យជំនាញក្នុងការផ្តល់ប្រឹក្សា និងវិស្វកម្ម ដែលបានប្រតិបត្តិការអស់រយ:ពេល៦៥ឆ្នាំមកហើយក្នុងវិស័យទឹកស្អាត ការគ្រប់គ្រងកាកសំណល់ ថាមពល ហេដ្ឋារចនាសម្ព័ន្ធ និងការរៀបចំក្រុង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
