ជាតិ
សេដ្ឋកិច្ច
ក្នុងខែវិច្ឆិកា រដ្ឋាភិបាលប្រមូលពន្ធបានជាង៧៤លានដុល្លារអាមេរិក លោក គង់ វិបុល ប្រតិភូរាជរដ្ឋាភិបាលទទួលបន្ទុកជា អគ្គនាយកនៃអគ្គនាយកដ្ឋានពន្ធដារ
× ក្នុងរយៈពេលមួយខែវិច្ឆិកា អគ្គនាយកដ្ឋានពន្ធដារ បានប្រមូលនិងបង់ប្រាក់ពន្ធចូលថវិការដ្ឋបានចំនួន ២៩៩,៤១៧លានរៀល ស្មើនឹង៧៤,៨៥លានដុល្លារ។ ចំណូលនេះ កើនឡើង ៣៥,១៥ភាគរយ បើធៀបនឹងការប្រមូលនិងបង់ប្រាក់ពន្ធចូលថវិការដ្ឋ នៅក្នុងខែវិច្ឆិកាឆ្នាំ២០១៣។ នេះបើយោងតាមសេចក្តីប្រកាសព័ត៌មាន របស់អគ្គនាយកដ្ឋានពន្ធដារ។
សេចក្តីប្រកាសដដែលបន្តថា ក្នុងរយៈពេល១១ខែ ក្នុងឆ្នាំ២០១៤ អគ្គនាយកដ្ឋានពន្ធដារ ប្រមូលចំណូលពន្ធដារ និងបង់ចូលថវិកាជាតិបានចំនួន៩៦,៦១ភាគរយ នៃគោលដៅកំណត់ដោយច្បាប់ ក្នុងនោះថវិការដ្ឋសម្រេចបានស្មើនឹង៩៧,០៥ភាគរយ និងថវិការរដ្ឋបាលថ្នាក់ក្រោមជាតិបានចំនួនស្មើនឹង៩៣,៧៧ភាគរយ។
ការប្រមូលចំណូលពន្ធ រយៈ១១ខែឆ្នាំ២០១៤នេះ បានកើនឡើង២០,០៩ភាគរយ បើធៀបនឹងរយៈពេលដូចគ្នា កាលពីឆ្នាំ២០១៣៕
© រក្សាសិទ្ធិដោយ thmeythmey.com