ភ្ញៀវទេសចរជាង ១៥ ម៉ឺននាក់មកចូលរួមបុណ្យសមុទ្រនៅកោះកុង

ជាតិ

ភ្ញៀវទេសចរជាង ១៥ ម៉ឺននាក់មកចូលរួមបុណ្យសមុទ្រនៅកោះកុង

14, Dec 2014 , 9:54 am

រូបភាព

ដោយ:

កោះកុង៖ ក្នុងរយៈពេល ៣ ថ្ងៃ នៃពិធីបុណ្យសមុទ្រ នៅខេត្តកោះកុង មានភ្ញៀវទេសចរជាតិ និងអន្តរជាតិជាង ១៥ម៉ឺននាក់ មកចូលរួមទស្សនា ។ នេះជាការប៉ាន់ប្រមាណរបស់លោក ថោង ខុន រដ្ឋមន្ត្រីក្រសួងទេសចរណ៍ ។ ចំនួនអ្នកទស្សនា នៅខេត្តកោះកុងនេះ កើនឡើងច្រើនជាងពិធីបុណ្យសមុទ្រដែលធ្វើឡើងនៅក្នុងខេត្តឆ្នេរសមុទ្ររបស់កម្ពុជា កាលពីឆ្នាំកន្លងទៅ។

បើតាមលោករដ្ឋមន្ត្រីក្រសួងទេសចរណ៍ ក្នុងចំណោមភ្ញៀវទេសចរដែលមកទស្សនាក្នុងពិធីបុណ្យសមុទ្រនេះ មានភ្ញៀវទេសចរថៃ ក្នុងមួយថ្ងៃជាង ១ ម៉ឺននាក់។
ពិធីបុណ្យសមុទ្រលើកទី ៣ បាប់ផ្តើម នៅថ្ងៃទី១២ ខែធ្នូ បុណ្យសមុទ្រ ត្រូវបានរៀបចំឡើងនៅតាមបណ្តោយឆ្នេរសមុទ្រក្នុងខេត្តកោះកុង រយៈពេល ៣ថ្ងៃ គិតចាប់ពី ថ្ងៃទី១២ ដល់ថ្ងៃទី ១៤ ឆ្នាំ២០១៤ ។

សូមបញ្ជាក់ថា ការរៀបចំ ពិធីបុណ្យសមុទ្រជារៀងរាល់ឆ្នាំ អនុវត្តតាមគោលការណ៍ឆ្លាស់វេនគ្នា ទៅតាម បណ្តាខេត្តនៅតំបន់ឆ្នេរទាំង ៤ រួមមាន ខេត្តព្រះសីហនុ កែប កោះកុង និងកំពត។ ពិធីបុណ្យសមុទ្រ ត្រូវបានរៀបចំជាលើកដំបូងនៅឆ្នាំ ២០១១ ក្នុងខេត្តព្រះសីហនុ ហើយលើកទីពីរ នៅឆ្នាំ២០១៣ ក្នុងខេត្តកែប និងនៅក្នុងឆ្នាំ ២០១៤ ខេត្តកោះកុង ព្រមទាំងនៅឆ្នាំ ២០១៥ ខាងមុខ នឹងរៀបចំធ្វើនៅខេត្តកំពត៕