កីឡាជាតិ
ជាតិ
ស្វាយរៀង ប៉ះប៉ូលិស នៅវគ្គ ៤ ក្រុមចុងក្រោយ ឯបឹងកេតធ្លាក់នៅវគ្គជម្រុះតាមពូល ក្រុមអគ្គស្នងការដ្ឋាននគរបាលជាតិ
× ទីបំផុតពានរង្វាន់ Number One Cup 2014 ដែលកំពុងរៀបចំនៅខេត្តប៊ីញភឿក ប្រទេសវៀតណាម បានស្វែងរកឃើញក្រុមចំនួន ៤ ឡើងទៅវគ្គពាក់កណ្ដាលផ្ដាច់ព្រ័ត្រហើយ ដោយក្រុមរបស់កម្ពុជា ២ គឺ ខេត្តស្វាយរៀង ត្រូវប៉ះក្រុមអគ្គស្នងការដ្ឋាននគរបាលជាតិ (ប៉ូលិស) ស្របពេលក្រុមចម្ការកៅស៊ូ ធ្លាក់ចេញត្រឹមវគ្គជម្រុះតាមពូល។
លទ្ធផលនៅពូល B ដែលបញ្ចប់ទៅកាលពីចុងសប្តាហ៍កន្លងមក ក្រុមបឹងកេត ស្មើគ្នា ០ ទល់ ០ ជាមួយក្រុមខ្លាំង យោធភូមិភាគលេខ៧ របស់វៀតណាម ចំណែកក្រុម ប៉ូលិស យកឈ្នះក្រុមបញ្ជាការយោធាខេត្តប៊ីងយឿន ៦ ទល់ ២ ។ ៦ គ្រាប់របស់ប៉ូលិស រកបានដោយកីឡាករ នួន បូរី ៤ គ្រាប់, ស្រី ឧត្តម ១ គ្រាប់ និង អ៊ុល រ៉វី ១ គ្រាប់។
តារាងចំណាត់ថ្នាក់ពូល A មាន៖
១) ស្វាយរៀង មាន ៩ ពិន្ទុ
២) បញ្ជាការយោធាខេត្តប៊ីងភឿក មាន ៦ ពិន្ទុ
៣) កងពលធំលេខ ៤ មាន ៣ ពិន្ទុ
៤) ក្រុម Champasak មាន ០ ពិន្ទុ
តារាងចំណាត់ថ្នាក់ពូល B មាន៖
១) យោធភូមិភាគលេខ៧ មាន ៧ ពិន្ទុ
២) អគ្គស្នងការនគរបាលជាតិ មាន ៦ ពិន្ទុ
៣) ចម្ការកៅស៊ូកៅស៊ូបឹងកេត មាន ៤ ពិន្ទុ
៤) បញ្ជាការយោធាខេត្តប៊ីញយឿក មាន ០ ពិន្ទុ
វគ្គពាក់កណ្ដាលផ្ដាច់ព្រ័ត្រ ដំណើរការនៅថ្ងៃទី ២៩ ខែ ធ្នូ នេះ ដោយក្រុមលេខ ១ ពូល A ខេត្តស្វាយរៀង ប៉ះក្រុមលេខ ២ ពូល B ប៉ូលិស នៅម៉ោង ៨:៣០ នាទីព្រឹក ខណៈក្រុមលេខ ២ ពូល A បញ្ជាការយោធាខេត្តប៊ីងភឿក របស់វៀតណាម ត្រូវជួបក្រុមលេខ ១ ពូល B យោធភូមិភាគលេខ៧ ដែលជាក្រុមរួមជាតិ នៅម៉ោង ៣:៣០ នាទីរសៀល។
ក្រុមឈ្នះនៅវគ្គនេះនឹងឡើងទៅវគ្គផ្ដាច់ព្រ័ត្រ ដែលនឹងរៀបចំនៅថ្ងៃទី ៣១ ខែ ធ្នូ។ ក្រុមជើងឯកនឹងទទួលបានប្រាក់រង្វាន់ចំនួន ៤០០០ ដុល្លារសហរដ្ឋអាមេរិក ហើយក្រុមជើងឯករងទទួលបាន ២៥០០ ដុល្លារ និង ក្រុមលេខ ៣ ទទួលបាន ២០០០ ដុល្លារ៕
© រក្សាសិទ្ធិដោយ thmeythmey.com