អន្តរជាតិ
×![]()
ដោយ: ថ្មីៗ
ករណីរំលោភស្ត្រីនៅឥណ្ឌាកំពុងក្លាយជាបញ្ហាក្តៅ និងបង្កការខឹងសម្បារខ្លាំងដល់ប្រជាជន ឥណ្ឌាផ្ទាល់។ កាលពីថ្មីៗនេះករណីរំលោភអ្នកទេសចរជនជាតិជប៉ុនដោយក្រុមបុរសជនជាតិ ឥណ្ឌានោះក៏ធ្វើអោយអ្នកទេសចរផ្សេងទៀតព្រួយបារម្ភពីសុវត្ថិភាពខ្លួននៅពេលទស្សនកិច្ចប្រទេសឥណ្ឌាផងដែរ។ ប៉ុន្តែក្រោយមានពាក្យបណ្តឹងអាជ្ញាធរឥណ្ឌាបានចាប់ខ្លួនបុរស៥នាក់ ដែលគេសង្ស័យថាជាអ្នកជាប់ពាក់ព័ន្ធករណីចាប់ជម្រិតនិងរំលោភខាងលើ។
រាយការណ៍ព័ត៌មានជូនដោយ លោក រឿន ភារុន
បទល្មើសរំលោភសេពសន្ថវៈ និងបំពារបំពានផ្លូវភេទនៅក្នុងប្រទេសឥណ្ឌាកំពុងបន្តក្លាយ ជាបញ្ហាដោះស្រាយមិនចេញ និងធ្វើអោយប្រជាជនឥណ្ឌាផ្ទាល់ខឹងសម្បារខ្លាំងផងដែរ។ យ៉ាងណាក៏ដោយករណីរំលោភនៅឥណ្ឌានេះបានធ្វើអោយអ្នកទេសចរផ្សេងទៀតនៅទូទាំងពិភពលោកមានក្តីបារម្ភខ្លាំងក្រោយពេលដែលស្ត្រីជនជាតិជប៉ុនម្នាក់ដែលជាអ្នកទេសចរត្រូវបានក្រុមជើងកាងឥណ្ឌាចាប់ជម្រិតអស់ពេលមួយខែនិងរំលោភយ៉ាងព្រៃផ្សៃ។
ទាក់ទិននឹងការរំលោភនេះ ស្ត្រីរងគ្រោះដែលជាជនជាតិជប៉ុនបានសម្រេចដាក់ពាក្យបណ្តឹង ទៅកាន់ស្ថានកុងស៊ុលរបស់ខ្លួននៅក្នុងប្រទេសឥណ្ឌា ហើយក្រោយពីមានពាក្យបណ្តឹង អាជ្ញាធរឥណ្ឌាបានចាប់ខ្លួនបុរសប្រហែល ៥នាក់ដែលគេសង្ស័យថាមានជាប់ពាក់ព័ន្ធនឹង ករណីចាប់ជម្រិតនិងរំលោភនេះ។ ប៉ូលីសក្នុងតំបន់បានអោយដឹងថា ករណីរំលោភជន បរទេសនេះកើតមានឡើងនៅទីក្រុងភាគខាងកើតឥណ្ឌា Calcutta ហើយករណីនេះកើតឡើង ចាប់ពីថ្ងៃ ២៣ វិច្ឆិកា ឆ្នាំ ២០១៤ នៅទីតាំងយ៉ាងហោចណាស់ពីផ្សេងគ្នា។
មន្ត្រីប៉ូលីសប្រចាំតំបន់ម្នាក់បានបញ្ជាក់ថា ករណីរំលោភស្ត្រីជប៉ុនជាអ្នកទេសចរនេះ ជាករណី រៀបចំគម្រោងរបស់ក្រុមជនល្មើស ហើយលោកបានរៀបរាប់ថា ដំបូងឡើងបុរសជាជន សង្ស័យពីរនាក់បងប្អូនបានទាក់ទងស្ត្រីជនជាតិជប៉ុន ក្រោយពេលនាងមកដល់ទីកន្លែង រមណីយដ្ឋាននិងស្នាក់នៅសណ្ឋាគារក្នុងតំបន់។ បុរសទាំងពីរនាក់អះអាងថាពួកគេជា មគ្គុទេសក៏ ដែលអាចនាំផ្លូវអ្នកទេសចរដើរទស្សនាតំបន់សំខាន់ៗបាន។ ហើយបុរសម្នាក់ ក្នុងចំណោមពួកគេចេះនិយាយភាសាជប៉ុនបានយ៉ាងច្បាស់។
ក្រោយពីទាក់ទងស្ត្រីអ្នកទេសចរហើយ ពួកគេបាននាំស្ត្រីនេះទៅកាន់ទីកន្លែងផ្សេងៗជាច្រើន ហើយប្លន់លុយស្ត្រីរងគ្រោះអស់ប្រហែល១២០០ដុល្លារ និងបន្តរំលោភបូកលើស្ត្រីរងគ្រោះ ថែមទៀតផង។ ស្ត្រីរងគ្រោះត្រូវបានគេឃុំខ្លួន និងបន្តបញ្ជូនស្ត្រីនេះទៅអោយក្រុមជើងកាង ផ្សេងទៀតនៅតំបន់ទេសចរណ៍ និងទីកន្លែងគោរពបូជាសម្រាប់ពុទ្ធសាសនិក Bodh Gaya ហើយនាងបន្តត្រូវគេបំពារបំពានផ្លូវភេទអស់ពេលជាច្រើនសប្តាហ៍ទម្រាំអាចរត់គេចចេញមកដល់ទីក្រុងCalcutta វិញ។
ក្រោយរួចពីគ្រោះថ្នាក់ថ្ងៃ ២៦ ធ្នូ ស្ត្រីរងគ្រោះបានទាក់ទងនិងសុំអន្តរាគមន៍ពីស្ថាន កុងស៊ុលរបស់ខ្លួននៅឥណ្ឌា និងដាក់ពាក្យបណ្តឹងផងដែរ។ បច្ចុប្បន្ននេះអាជ្ញាធរឥណ្ឌា បានចាប់ខ្លួនបុរសចំនួន ៥នាក់រួចរាល់ហើយ ដែលពួកគេទាំងអស់សុទ្ធតែជាប់ពាក់ព័ន្ធ នឹងករណីរំលោភ និងចាប់ជម្រិតស្ត្រីជនជាតិជប៉ុនខាងលើ។ ប៉ុន្តែប៉ូលីសកំពុងតែបន្តស្វែងរក ជនសង្ស័យផ្សេងទៀតដែលអាចជាប់ពាក់ព័ន្ធករណីនេះ។
បញ្ហារំលោភបំពាន និងហិង្សាផ្លូវភេទនៅក្នុងប្រទេសឥណ្ឌានៅតែជាបញ្ហាក្តី និងគួរអោយ ព្រួយបារម្ភបំផុតមួយ ចាប់តាំងពីក្មេងស្រីសិស្សសាលាម្នាក់ត្រូវបានក្រុមបុរសពាល ចាប់រំលោភ និងសម្លាប់យ៉ាងព្រៃផ្សៃកាលពី២ឆ្នាំមុន។ ប្រជាជនឥណ្ឌា សកម្មជនសិទ្ធិមនុស្ស និងសហគមន៍អន្តរជាតិបានបង្ហាញការប្រឆាំងតវ៉ានឹងករណីរំលោភនេះ ដោយដង្ហើយហៅមេ ដឹកនាំឥណ្ឌាចាត់វិធានការដោះស្រាយបញ្ហានេះ៕
រាយការណ៍ព័ត៌មានជូនដោយ លោក រឿន ភារុន
បទល្មើសរំលោភសេពសន្ថវៈ និងបំពារបំពានផ្លូវភេទនៅក្នុងប្រទេសឥណ្ឌាកំពុងបន្តក្លាយ ជាបញ្ហាដោះស្រាយមិនចេញ និងធ្វើអោយប្រជាជនឥណ្ឌាផ្ទាល់ខឹងសម្បារខ្លាំងផងដែរ។ យ៉ាងណាក៏ដោយករណីរំលោភនៅឥណ្ឌានេះបានធ្វើអោយអ្នកទេសចរផ្សេងទៀតនៅទូទាំងពិភពលោកមានក្តីបារម្ភខ្លាំងក្រោយពេលដែលស្ត្រីជនជាតិជប៉ុនម្នាក់ដែលជាអ្នកទេសចរត្រូវបានក្រុមជើងកាងឥណ្ឌាចាប់ជម្រិតអស់ពេលមួយខែនិងរំលោភយ៉ាងព្រៃផ្សៃ។
ទាក់ទិននឹងការរំលោភនេះ ស្ត្រីរងគ្រោះដែលជាជនជាតិជប៉ុនបានសម្រេចដាក់ពាក្យបណ្តឹង ទៅកាន់ស្ថានកុងស៊ុលរបស់ខ្លួននៅក្នុងប្រទេសឥណ្ឌា ហើយក្រោយពីមានពាក្យបណ្តឹង អាជ្ញាធរឥណ្ឌាបានចាប់ខ្លួនបុរសប្រហែល ៥នាក់ដែលគេសង្ស័យថាមានជាប់ពាក់ព័ន្ធនឹង ករណីចាប់ជម្រិតនិងរំលោភនេះ។ ប៉ូលីសក្នុងតំបន់បានអោយដឹងថា ករណីរំលោភជន បរទេសនេះកើតមានឡើងនៅទីក្រុងភាគខាងកើតឥណ្ឌា Calcutta ហើយករណីនេះកើតឡើង ចាប់ពីថ្ងៃ ២៣ វិច្ឆិកា ឆ្នាំ ២០១៤ នៅទីតាំងយ៉ាងហោចណាស់ពីផ្សេងគ្នា។
មន្ត្រីប៉ូលីសប្រចាំតំបន់ម្នាក់បានបញ្ជាក់ថា ករណីរំលោភស្ត្រីជប៉ុនជាអ្នកទេសចរនេះ ជាករណី រៀបចំគម្រោងរបស់ក្រុមជនល្មើស ហើយលោកបានរៀបរាប់ថា ដំបូងឡើងបុរសជាជន សង្ស័យពីរនាក់បងប្អូនបានទាក់ទងស្ត្រីជនជាតិជប៉ុន ក្រោយពេលនាងមកដល់ទីកន្លែង រមណីយដ្ឋាននិងស្នាក់នៅសណ្ឋាគារក្នុងតំបន់។ បុរសទាំងពីរនាក់អះអាងថាពួកគេជា មគ្គុទេសក៏ ដែលអាចនាំផ្លូវអ្នកទេសចរដើរទស្សនាតំបន់សំខាន់ៗបាន។ ហើយបុរសម្នាក់ ក្នុងចំណោមពួកគេចេះនិយាយភាសាជប៉ុនបានយ៉ាងច្បាស់។
ក្រោយពីទាក់ទងស្ត្រីអ្នកទេសចរហើយ ពួកគេបាននាំស្ត្រីនេះទៅកាន់ទីកន្លែងផ្សេងៗជាច្រើន ហើយប្លន់លុយស្ត្រីរងគ្រោះអស់ប្រហែល១២០០ដុល្លារ និងបន្តរំលោភបូកលើស្ត្រីរងគ្រោះ ថែមទៀតផង។ ស្ត្រីរងគ្រោះត្រូវបានគេឃុំខ្លួន និងបន្តបញ្ជូនស្ត្រីនេះទៅអោយក្រុមជើងកាង ផ្សេងទៀតនៅតំបន់ទេសចរណ៍ និងទីកន្លែងគោរពបូជាសម្រាប់ពុទ្ធសាសនិក Bodh Gaya ហើយនាងបន្តត្រូវគេបំពារបំពានផ្លូវភេទអស់ពេលជាច្រើនសប្តាហ៍ទម្រាំអាចរត់គេចចេញមកដល់ទីក្រុងCalcutta វិញ។
ក្រោយរួចពីគ្រោះថ្នាក់ថ្ងៃ ២៦ ធ្នូ ស្ត្រីរងគ្រោះបានទាក់ទងនិងសុំអន្តរាគមន៍ពីស្ថាន កុងស៊ុលរបស់ខ្លួននៅឥណ្ឌា និងដាក់ពាក្យបណ្តឹងផងដែរ។ បច្ចុប្បន្ននេះអាជ្ញាធរឥណ្ឌា បានចាប់ខ្លួនបុរសចំនួន ៥នាក់រួចរាល់ហើយ ដែលពួកគេទាំងអស់សុទ្ធតែជាប់ពាក់ព័ន្ធ នឹងករណីរំលោភ និងចាប់ជម្រិតស្ត្រីជនជាតិជប៉ុនខាងលើ។ ប៉ុន្តែប៉ូលីសកំពុងតែបន្តស្វែងរក ជនសង្ស័យផ្សេងទៀតដែលអាចជាប់ពាក់ព័ន្ធករណីនេះ។
បញ្ហារំលោភបំពាន និងហិង្សាផ្លូវភេទនៅក្នុងប្រទេសឥណ្ឌានៅតែជាបញ្ហាក្តី និងគួរអោយ ព្រួយបារម្ភបំផុតមួយ ចាប់តាំងពីក្មេងស្រីសិស្សសាលាម្នាក់ត្រូវបានក្រុមបុរសពាល ចាប់រំលោភ និងសម្លាប់យ៉ាងព្រៃផ្សៃកាលពី២ឆ្នាំមុន។ ប្រជាជនឥណ្ឌា សកម្មជនសិទ្ធិមនុស្ស និងសហគមន៍អន្តរជាតិបានបង្ហាញការប្រឆាំងតវ៉ានឹងករណីរំលោភនេះ ដោយដង្ហើយហៅមេ ដឹកនាំឥណ្ឌាចាត់វិធានការដោះស្រាយបញ្ហានេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
19 ម៉ោង
