ជាតិ
នយោបាយជាតិ
លោកហ៊ុន សែន ៖ បើបក្សប្រឆាំងដឹកនាំរដ្ឋាភិបាលគឺត្រឹម៦ខែនឹងដួលរលំ
× ប្រមុខរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន រិះគន់ថា គណបក្សប្រឆាំងដឹកនាំរដ្ឋាភិបាល គឺនឹងដួលរលំត្រឹមរយៈពេល៦ខែ។ ត្រង់ចំណុចនេះគឺលោក ហ៊ុន សែន បានន័យថាគណបក្សប្រឆាំង មិនអាចអនុវត្តតាមគោលនយោបាយរបស់ខ្លួន ដែលបានសន្យាជាមួយប្រជាពលរដ្ឋបានទេ។ ការថ្លែងរបស់លោក ហ៊ុន សែន គឺធ្វើឡើងនៅក្នុងពិធីបើកការដ្ឋានសាងសង់អាគាររដ្ឋបាល នៅព្រឹកថ្ងៃចន្ទនេះ នៅខេត្តត្បូងឃ្មុំ។
សូមស្ដាប់សំឡេង៖
ជាការឆ្លើយតបតំណាងរាស្ត្រគណបក្សសង្គ្រោះជាតិ អ្នកស្រីមួរ សុខហួរ មានប្រសាសន៏ថា រាល់ការលើកឡើងកន្លងមកគឺគណបក្សប្រឆាំង អាចធ្វើបានតាមគោលនយោបាយរបស់ខ្លួន ព្រោះថាគណបក្សប្រឆាំងបានគិតគូពីបញ្ហានេះរួចរាល់ មុននឹងសន្យាជាមួយប្រជាពលរដ្ឋ។ អ្នកស្រីបន្ថែមថា៖«រាល់ការលើកឡើងនេះគឺយើងអាចធ្វើបាន ដោយយើងបានធ្វើការសិក្សាពីថវិការជាតិ ចំណូលជាតិដូចជាការលក់សំបុត្រតំបន់អង្គរ និងចំណូលផ្សេងៗ ហើយទាំងនេះគឺយើងអាចប្រាក់បានមកពីចំណូលនេះទៅបើកជូនពួកគាត់បាន។ ហើយអ្វីដែលសំខាន់គឺអាស្រ័យលើការជឿជាក់របស់ប្រជាពលរដ្ឋ»។
© រក្សាសិទ្ធិដោយ thmeythmey.com