ខ្មែរក្រហម
ជាតិ
នយោបាយជាតិ
×![]()
ដោយ: ធឿន បញ្ញាឬទិ្ធ
ពលរដ្ឋដែលបានឆ្លងកាត់របបប្រល័យពូជសាសន៍ ប៉ុល ពត បានជជែកគ្នានិងបានបកស្រាយយល់ខុសគ្នា ចំពោះថ្ងៃ៧មករានេះ ដោយខ្លះយល់ឃើញថា ថ្ងៃនេះជាថ្ងៃកំណើតទី២ ដោយសារតែគណបក្សកាន់អំណាចបានជួយសង្គ្រោះពួកគេរួចផុតពីទុក្ខវេទនា។ ខ្លះទៀតយល់ថា ថ្ងៃ៧មករានេះ គឺជាថ្ងៃដែលវៀតណាមជាអ្នករៀបចំឡើង និងជាថ្ងៃដែលវៀតណាមឈ្លានពានប្រទេសកម្ពុជា។
អ៊ំស្រី វ៉ាន់ សុផៃ ដែលមានអាយុ៦៤ឆ្នាំ ដែលបានឆ្លងកាត់ភាពជូរចត់ក្នុងរបបប៉ុល ពត មានប្រសាសន៍ថា នៅថ្ងៃ៧មករានេះ គឺថ្ងៃកំណើតទី២ ដែលរូបគាត់មានជីវិតរស់នៅសាជាថ្មីមកដល់ពេលបច្ចុប្បន្ននេះ។ ហើយអ៊ំស្រីតែងតែដឹងគុណនិងចងចាំមិនភ្លេចចំពោះថ្ងៃ៧មករានេះ។ អ៊ំស្រីសុផៃបន្ថែមថា៖«ខ្ញុំរស់នៅក្នុងរបបប៉ុលពតនេះ គឺវេទនាណាស់ ព្រោះពួកគេធ្វើទុក្ខបុកម្នេញណាស់ ខ្មែរទាំងអស់រស់នៅដោយក្ដីលំបាកទុក្ខព្រួយជារៀងរាល់ថ្ងៃ។ ហើយខ្ញុំយល់ថាថ្ងៃ៧មករានេះគឺសំខាន់ណាស់សម្រាប់ប្រជាជនខ្មែរ ព្រោះនៅថ្ងៃនេះគឺជាថ្ងៃជ័យជម្នះដែលគណបក្សកាន់អំណាចបានផ្ដួលរំលំរបបខ្មៅប៉ុល ពត ជួយរំដោះប្រជាជនចេញពីរបបផ្ដាច់ការនេះ»។
មិនខុសគ្នាពីអ៊ំស្រីសុផៃនោះទេ លោក ខាន់ សុជាតិ មានអាយុ៥៨ ជាអ្នកលក់កាហ្វេម្នាក់ មានប្រសាសន៍ថា របបខ្មៅងងឹតនេះ បានធ្វើឲ្យរូបគាត់រស់នៅដោយទុក្ខវេទនានិងចងចាំមិនភ្លេច។ លោក សុជាតិ បន្ថែមថា ការរស់នៅមានជីវិតមកដល់ពេលបច្ចុប្បន្ននេះគឺដោយសារគណបក្សកាន់អំណាច បានជួយរំដោះប្រជាជនពីរបបប៉ុល ពតនៅថ្ងៃ៧មករានេះ។ ដូចនេះសម្រាប់រូបលោកថ្ងៃ៧មករា គឺជាថ្ងៃសំខាន់។ លោកពន្យល់ថា៖«សម្រាប់ខ្ញុំនៅថ្ងៃ៧មករានេះគឺសំខាន់ណាស់ ព្រោះខ្ញុំក៏ដូចជាខ្មែរដទៃទៀត បានរួចផុតពីរបបផ្ដាច់ការនេះ។ ហើយខ្មែរទាំងអស់ដឹងហើយថា របបប៉ុល ពត គឺរស់នៅលំបាកវេទនាណាស់ ដូចនេះបានរួចផុតមកនេះ គឺដោយសារគុណ គណបក្សកាន់អំណាច បានជួយរំដោះប្រជាជន»។
ចំណែកអ៊ំស្រី សាក់ យ៉ាវ មិនសូវចូលចិត្តតាមដានសង្គមក៏បាននិយាយថា ថ្ងៃ៧មករាគឺជាជ័យជំនះ និងជាថ្ងៃរួចផុតទុក្ខលំបាកវេទនារបស់ប្រជាជនខ្មែរទាំងអស់ ដូចនេះប្រជាជនមិនត្រូវបំភ្លេចថ្ងៃនេះនោះទេ។
ភាពខ្មៅងងឹត និងភាពព្រៃផ្សៃនៃរបបប្រល័យពូជសាសន៍ ដែលធ្វើឲ្យប្រជាពលរដ្ឋកម្ពុជារស់នៅដោយទុក្ខវេទនា កាលពី៣៦ឆ្នាំមុន នៅតែដក់ជាប់នៅក្នុងអារម្មណ៍របស់ពួកគេ។ ដោយសារតែភាពលំបាកវេទនានេះហើយ ទើបពួកគេបានចាត់ទុកថ្ងៃ៧មករានេះ គឺជាថ្ងៃដែលពួកគេរួចផុតពីទុក្ខវេទនា និងជាថ្ងៃកំណើតទី២របស់ពួកគេ។
ចំពោះថ្ងៃ៧មករានេះ ក៏មានការយល់ឃើញខុសគ្នារបស់ប្រជាពលរដ្ឋមួយចំនួន ដែលបានឆ្លងកាត់របបផ្ដាច់ការប៉ុល ពតនេះដូចគ្នាដែរ។ លោក ចាន់ សំរិទ្ធ មានអាយុជាង៥០ឆ្នាំ ជាអ្នករត់ម៉ូតូ និងជាអ្នកចូលចិត្តតាមដានព្រឹត្តិការណ៍សង្គម យល់ឃើញថា ថ្ងៃ៧មករានេះ គឺជាថ្ងៃដែលរៀបចំឡើងដោយវៀតណាម ដើម្បីធ្វើការឈ្លានពានប្រទេសកម្ពុជា ដែលមានការចូលរួមពីគណបក្សកាន់អំណាច។ លោកសំរិទ្ធបន្ថែមថា ៖«ខ្ញុំយល់ឃើញថាថ្ងៃ៧មករានេះ គឺជាថ្ងៃរំដោះប្រជាជនខ្មែរពីរបបប៉ុល ពតពិតមែន។ ប៉ុន្ដែថ្ងៃនេះគឺជាថ្ងៃដែលវៀតណាមចូលមកឈ្លានពានប្រទេសកម្ពុជា តាមរយៈចូលមកជួយនេះហើយរហូតមកដល់បច្ចុប្បន្ននេះ គឺមានវៀតណាមច្រើនណាស់ក្រោយពីការរំដោះនេះ ដោយសារមានការបើកដៃពីគណបក្សកាន់អំណាច»។
ដោយឡែកលោក ផាន់ ស៊ីម ជាជាងកាត់សក់មួយរូប យល់ឃើញថា បើទោះជាថ្ងៃ៧មករាគឺជាថ្ងៃដែលប្រជាពលរដ្ឋរួចផុតពីរបបប៉ុល ពតពិតមែន។ ប៉ុន្ដែ សម្រាប់លោក ថ្ងៃ៧មករានេះ គឺជាឱកាសដែលបានបើកដៃឲ្យវៀតណាមចូលមកប្រទេសកម្ពុជា។ លោកបន្ថែមថា ថ្ងៃ៧មករានេះ ក៏ជាថ្ងៃដែលគណបក្សកាន់អំណាច លើកយកមកកេងចំណេញនយោបាយផងដែរ។ លោកពន្យលថា៖សម្រាប់ខ្ញុំថ្ងៃ៧មករានេះ គឺគ្រាន់តែអ្នកនយោបាយ(គណបក្សកាន់អំណាច) លើកយកមកកេងចំណេញនយោបាយនោះទេ។ បើតាមពិតអ្វីដែលខ្ញុំបានដឹងខ្លះៗនោះ ថ្ងៃនេះគឺជាថ្ងៃដែលរៀបចំឡើងដោយវៀតណាម ដើម្បីងាយស្រួលអាចឲ្យពួកគេអាចឈ្លានពានកម្ពុជា និងដោយសារមានការបើកដៃពីគណបក្សកាន់អំណាច»។
អ៊ំស្រី វ៉ាន់ សុផៃ ដែលមានអាយុ៦៤ឆ្នាំ ដែលបានឆ្លងកាត់ភាពជូរចត់ក្នុងរបបប៉ុល ពត មានប្រសាសន៍ថា នៅថ្ងៃ៧មករានេះ គឺថ្ងៃកំណើតទី២ ដែលរូបគាត់មានជីវិតរស់នៅសាជាថ្មីមកដល់ពេលបច្ចុប្បន្ននេះ។ ហើយអ៊ំស្រីតែងតែដឹងគុណនិងចងចាំមិនភ្លេចចំពោះថ្ងៃ៧មករានេះ។ អ៊ំស្រីសុផៃបន្ថែមថា៖«ខ្ញុំរស់នៅក្នុងរបបប៉ុលពតនេះ គឺវេទនាណាស់ ព្រោះពួកគេធ្វើទុក្ខបុកម្នេញណាស់ ខ្មែរទាំងអស់រស់នៅដោយក្ដីលំបាកទុក្ខព្រួយជារៀងរាល់ថ្ងៃ។ ហើយខ្ញុំយល់ថាថ្ងៃ៧មករានេះគឺសំខាន់ណាស់សម្រាប់ប្រជាជនខ្មែរ ព្រោះនៅថ្ងៃនេះគឺជាថ្ងៃជ័យជម្នះដែលគណបក្សកាន់អំណាចបានផ្ដួលរំលំរបបខ្មៅប៉ុល ពត ជួយរំដោះប្រជាជនចេញពីរបបផ្ដាច់ការនេះ»។
មិនខុសគ្នាពីអ៊ំស្រីសុផៃនោះទេ លោក ខាន់ សុជាតិ មានអាយុ៥៨ ជាអ្នកលក់កាហ្វេម្នាក់ មានប្រសាសន៍ថា របបខ្មៅងងឹតនេះ បានធ្វើឲ្យរូបគាត់រស់នៅដោយទុក្ខវេទនានិងចងចាំមិនភ្លេច។ លោក សុជាតិ បន្ថែមថា ការរស់នៅមានជីវិតមកដល់ពេលបច្ចុប្បន្ននេះគឺដោយសារគណបក្សកាន់អំណាច បានជួយរំដោះប្រជាជនពីរបបប៉ុល ពតនៅថ្ងៃ៧មករានេះ។ ដូចនេះសម្រាប់រូបលោកថ្ងៃ៧មករា គឺជាថ្ងៃសំខាន់។ លោកពន្យល់ថា៖«សម្រាប់ខ្ញុំនៅថ្ងៃ៧មករានេះគឺសំខាន់ណាស់ ព្រោះខ្ញុំក៏ដូចជាខ្មែរដទៃទៀត បានរួចផុតពីរបបផ្ដាច់ការនេះ។ ហើយខ្មែរទាំងអស់ដឹងហើយថា របបប៉ុល ពត គឺរស់នៅលំបាកវេទនាណាស់ ដូចនេះបានរួចផុតមកនេះ គឺដោយសារគុណ គណបក្សកាន់អំណាច បានជួយរំដោះប្រជាជន»។
ចំណែកអ៊ំស្រី សាក់ យ៉ាវ មិនសូវចូលចិត្តតាមដានសង្គមក៏បាននិយាយថា ថ្ងៃ៧មករាគឺជាជ័យជំនះ និងជាថ្ងៃរួចផុតទុក្ខលំបាកវេទនារបស់ប្រជាជនខ្មែរទាំងអស់ ដូចនេះប្រជាជនមិនត្រូវបំភ្លេចថ្ងៃនេះនោះទេ។
ភាពខ្មៅងងឹត និងភាពព្រៃផ្សៃនៃរបបប្រល័យពូជសាសន៍ ដែលធ្វើឲ្យប្រជាពលរដ្ឋកម្ពុជារស់នៅដោយទុក្ខវេទនា កាលពី៣៦ឆ្នាំមុន នៅតែដក់ជាប់នៅក្នុងអារម្មណ៍របស់ពួកគេ។ ដោយសារតែភាពលំបាកវេទនានេះហើយ ទើបពួកគេបានចាត់ទុកថ្ងៃ៧មករានេះ គឺជាថ្ងៃដែលពួកគេរួចផុតពីទុក្ខវេទនា និងជាថ្ងៃកំណើតទី២របស់ពួកគេ។
ចំពោះថ្ងៃ៧មករានេះ ក៏មានការយល់ឃើញខុសគ្នារបស់ប្រជាពលរដ្ឋមួយចំនួន ដែលបានឆ្លងកាត់របបផ្ដាច់ការប៉ុល ពតនេះដូចគ្នាដែរ។ លោក ចាន់ សំរិទ្ធ មានអាយុជាង៥០ឆ្នាំ ជាអ្នករត់ម៉ូតូ និងជាអ្នកចូលចិត្តតាមដានព្រឹត្តិការណ៍សង្គម យល់ឃើញថា ថ្ងៃ៧មករានេះ គឺជាថ្ងៃដែលរៀបចំឡើងដោយវៀតណាម ដើម្បីធ្វើការឈ្លានពានប្រទេសកម្ពុជា ដែលមានការចូលរួមពីគណបក្សកាន់អំណាច។ លោកសំរិទ្ធបន្ថែមថា ៖«ខ្ញុំយល់ឃើញថាថ្ងៃ៧មករានេះ គឺជាថ្ងៃរំដោះប្រជាជនខ្មែរពីរបបប៉ុល ពតពិតមែន។ ប៉ុន្ដែថ្ងៃនេះគឺជាថ្ងៃដែលវៀតណាមចូលមកឈ្លានពានប្រទេសកម្ពុជា តាមរយៈចូលមកជួយនេះហើយរហូតមកដល់បច្ចុប្បន្ននេះ គឺមានវៀតណាមច្រើនណាស់ក្រោយពីការរំដោះនេះ ដោយសារមានការបើកដៃពីគណបក្សកាន់អំណាច»។
ដោយឡែកលោក ផាន់ ស៊ីម ជាជាងកាត់សក់មួយរូប យល់ឃើញថា បើទោះជាថ្ងៃ៧មករាគឺជាថ្ងៃដែលប្រជាពលរដ្ឋរួចផុតពីរបបប៉ុល ពតពិតមែន។ ប៉ុន្ដែ សម្រាប់លោក ថ្ងៃ៧មករានេះ គឺជាឱកាសដែលបានបើកដៃឲ្យវៀតណាមចូលមកប្រទេសកម្ពុជា។ លោកបន្ថែមថា ថ្ងៃ៧មករានេះ ក៏ជាថ្ងៃដែលគណបក្សកាន់អំណាច លើកយកមកកេងចំណេញនយោបាយផងដែរ។ លោកពន្យលថា៖សម្រាប់ខ្ញុំថ្ងៃ៧មករានេះ គឺគ្រាន់តែអ្នកនយោបាយ(គណបក្សកាន់អំណាច) លើកយកមកកេងចំណេញនយោបាយនោះទេ។ បើតាមពិតអ្វីដែលខ្ញុំបានដឹងខ្លះៗនោះ ថ្ងៃនេះគឺជាថ្ងៃដែលរៀបចំឡើងដោយវៀតណាម ដើម្បីងាយស្រួលអាចឲ្យពួកគេអាចឈ្លានពានកម្ពុជា និងដោយសារមានការបើកដៃពីគណបក្សកាន់អំណាច»។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
