ព័ត៍មានសុខភាព
សុខភាព៖ អ្នកគួរញ៉ាំកាហ្វេ ព្រោះហេតុផលមួយចំនួន
× ការទទួលទានកាហ្វេមួយពែងរាល់ព្រឹក បានក្លាយទៅជារឿងមួយ ដែលអ្នកជំនាញជាច្រើនបានហាមឃាត់ ជាពិសេស ពេលទទួលទានច្រើនពេក ព្រោះវាអាចប៉ះពាល់ដល់សុខភាពបាន។ ខណៈពេលដែលអ្នកទទួលទានកាហ្វេជាច្រើន ទំនងជាប្តូររសជាតិមកផឹកតែ ឬលែងញ៉ាំភេសជ្ជៈមានជាតិកាហ្វេអ៊ីននោះ ការសិក្សាថ្មីបានបញ្ជាក់ថា ការក្រេបរសជាតិភេសជ្ជៈក្តៅៗនៅពេលព្រឹក ប្រហែលជារឿងដែលគ្រូពេទ្យណែនាំអោយធ្វើវិញ។
កាហ្វេ គឺជាភេសជ្ជៈមួយប្រភេទ ដែលផ្ទុកទៅដោយសារធាតុរាប់រយប្រភេទខុសៗគ្នា ដែលអាចបណ្តាលអោយមានបញ្ហាដល់សុខភាពខុសៗគ្នា ទាំងល្អ និងអាក្រក់។ ទោះបីជាយ៉ាងណាក៏ដោយ អត្ថប្រយោជន៍នៃការទទួលទានកាហ្វេ នៅតែមានច្រើនគួរសមដែរ ដូចជា ៖
បន្ថយការប្រឈមមុខ នឹងជំងឺទឹកនោមផ្អែម
តាមការសិក្សាថ្មីមួយដែលបានចុះផ្សាយក្នុងសារព័ត៌មាន Diabetologia បានរកឃើញថា ការទទួលទានកាហ្វេ មានទំនាក់ទំនងនឹងការបន្ថយការប្រឈម នឹងជំងឺទឹកនោមផ្អែមប្រភេទទី ។ អ្នកចូលរួមសិក្សា ដែលបង្កើនការទទួលទានកាហ្វេរបស់ខ្លួន ច្រើនជាងមួយពែងក្នុងមួយថ្ងៃ រយៈពេលបួនឆ្នាំឃើញថា មានការថយចុះ នូវចំនួននៃការកើតជំងឺទឹកនោមផ្អែមប្រភេទទី ២ រហូតដល់ ១១ ភាគរយក្នុងរយៈពេល ៤ ឆ្នាំក្រោយ។ ការទទួលទានកាហ្វេ ជាមធ្យម គឺប្រហែលជា ១,៦៩ ពែងក្នុងមួយថ្ងៃ។
បង្ការការខូចភ្នែក
កាហ្វេ ផ្ទុកទៅដោយជាតិអង់ទីអុកស៊ីដង់ ជាពិសេស Chlorogenic Acid (CLA) ដែលអាចជួយការពាររ៉េទីនរបស់ភ្នែក ពីការខូចខាតបាន។ ការសិក្សាថ្មីមួយបានអោយដឹងថា នៅពេលកណ្តុរត្រូវបានចាក់សារធាតុ Chlorogenic Acid ទៅក្នុងខ្លួនវា វាពិតជាមិនអាចធ្វើអោយកណ្តុរនោះ ខូចតំបន់រ៉េទីនរបស់ភ្នែកបានទេ។
បង្ការបញ្ហាធ្មេញ
ការទទួលទានកាហ្វេមួយពែង ទាំងកាហ្វេគ្មានជាតិកាហ្វេអ៊ីន ឬមានជាតិកាហ្វេអ៊ីន សុទ្ធតែអាចជារឿងល្អ សម្រាប់សុខភាពធ្មេញ។ សារធាតុអង់ទីអុកស៊ីដង់ និងកត្តាប្រឆាំងនឹងការរលាកផ្សេងៗទៀត ក្នុងភេសជ្ជៈប្រភេទនេះ ត្រូវបានគេយល់ថា អាចជួយកាត់បន្ថយអត្រាបាក់ធ្មេញ ឬឆ្អឹងនៅជុំវិញធ្មេញ។ អត្ថប្រយោជន៍ចំពោះសុខភាពដ៏ខ្លាំងក្លា នៃអង់ទីអុកស៊ីដង់មួយនេះ គឺសារធាតុ Contingent ដែលធ្វើអោយរាងកាយអាចបឺតស្រូប និងប្រើប្រាស់វាបាន។
បង្ការជំងឺ Parkinson
ការទទួលទានកាហ្វេ អាចទៅបន្ថយ ឬពន្យារពេលការកើតជំងឺ Parkinson បាន។ អ្នកទទួលទានជាតិកាហ្វេអ៊ីន មិនសូវមានឱកាសកើតជំងឺ Parkinson ទេ។ រឿងនេះត្រូវបានគេជឿជាក់ថា ជាតិកាហ្វេអ៊ីនអាចរលាយជាមួយនឹងកន្លែងទទួលសារធាតុ Dopamine ដែលជាតម្រូវការសម្រាប់សម្របសម្រួល ដល់លំហូរជាតិកាល់ស្យូមទៅក្នុងកោសិកា។ ទោះបីជាយ៉ាងណាក៏ដោយ អ្នកដែលមានជំងឺ Parkinson ហើយមានការប្រែប្រួលហ្សែនទៀតនោះ គឺមិនអាចប្រមូលផ្តុំអត្ថប្រយោជន៍ នៃការទទួលទានកាហ្វេបានឡើយ។
បង្ការការហឹងក្នុងត្រចៀក
សម្លេង ឬការលឺសូរងឿងៗក្នុងត្រចៀក អាចជារឿងដែលពិបាកទ្រាំ ជាពិសេស អ្នកដែលមានបញ្ហានៅត្រចៀកតែម្តង។ ចំពោះអ្នកជំងឺដែលមានបញ្ហាហ៊ឹងក្នុងត្រចៀក អ្នកអាចបង្ការបានតាមរយៈការទទួលទានកាហ្វេមួយទៅពីរពែង។ អ្នកស្រាវជ្រាវបានរកឃើញថា កាលណាទទួលទានជាតិកាហ្វេអ៊ីនកាន់តែច្រើន កាន់តែមិនសូវមានបញ្ហាហ៊ឹងក្នុងត្រចៀក។ ទោះបីជាយ៉ាងណាក៏ដោយ ប្រហែលជាការញ៉ាំកាហ្វេប្រាំកែវក្នុងមួយថ្ងៃ ទំនងជាជួបបញ្ហាហ៊ឹងត្រចៀកវិញរហូតដល់ ១៥ ភាគរយ៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com