ជាតិ
សិល្បះ
មហោស្រពសិល្បៈយុវជន នឹងជំរុញឱ្យយុវជនកាន់តែស្គាល់ពីតម្លៃនៃវប្បធម៌ខ្មែរ
×![]()
ដោយ: ខន ចំប៉ា
មហោស្រពសិល្បៈយុវជនទូទាំងប្រទេស នឹងត្រូវរៀបចំឡើងរយៈពេល៩ថ្ងៃ គឺចាប់ពីថ្ងៃទី២០ដល់ថ្ងៃទី២៨ខែកុម្ភៈឆ្នាំ២០១៥ខាងមុខនេះ។ មហោស្រពនេះ រៀបចំឡើងដើម្បីផ្តល់ឱកាស និងលើកទឹកចិត្តដល់យុវជនខ្មែរទាំងនៅក្នុង និងក្រៅប្រព័ន្ធសាលាអប់រំ បានសម្តែងសិល្បៈវប្បធម៌ និងជំរុញឱ្យយុវជនស្គាល់ពីតម្លៃពិតនៃវប្បធម៌ខ្មែរ ចេះស្រឡាញ់ ការពារ អភិរក្សវប្បធម៌របស់ខ្លួនឱ្យបានគង់វង្ស និងរីកចម្រើន និងដើម្បីអបអរទិវាវប្បធម៌ជាតិលើកទី១៧នៅថ្ងៃទី៣ខែមិនាឆ្នាំ២០១៥ ។
លោក សំរាំង កំសាន្ត រដ្ឋលេខាធិការក្រសួងវប្បធម៌ និងវិចិត្រសិល្បៈ បានថ្លែងនៅក្នុងពិធីចុះកិច្ចព្រមព្រៀងលើកកម្ពស់វិស័យវប្បធម៌ រវាងក្រសួងវប្បធម៌ និងវិចិត្រសិល្បៈ និងវិទ្យាស្ថានសិល្បៈខ្មែរ កាលពីថ្ងៃទី៨មករា បានមានប្រសាសន៍ថា៖«ការជំរុញឱ្យយុវជនស្គាល់ពីវប្បធម៌ ជាចំណុចអាទិភាព ព្រោះយុវជនជាអ្នកបន្តវេនថែរក្សាសម្បត្តិវប្បធម៌ និងខណៈពេលដែលពលរដ្ឋខ្មែរដែលចេះក្បួនខ្នាតពីវប្បធម៌ខ្មែរបច្ចុប្បន្នមានតិច ហើយភាគច្រើនមានវ័យចំណាស់»។
សូមបញ្ជាក់ថា មហោស្របសិល្បៈយុវជនទូទាំងប្រទេសនៅឆ្នាំនេះ ផ្តោតសំខាន់តែលើប្រធានសម្តែងចំនួន២ប៉ុណ្ណោះ គឺរបាំ និងការសម្តែងល្ខោនអប់រំខ្លី។
ចាប់ពីខែមករានេះទៅ មន្ទីរវប្បធម៌ និងវិចិត្រសិល្បៈនៅតាមបណ្តាខេត្ត និងរាជធានី នឹងចាប់ផ្តើមសម្រាំងយកស្នាដៃឯកចំនួន២ ដែលបង្កើតថ្មីប្រចាំខេត្ត និងរាជធានីរបស់ខ្លួន សម្រាប់យកមកប្រកួតប្រជែងថ្នាក់ជាតិ នៅចុងខែកុម្ភៈខាងមុខនេះ។
ជាមួយគ្នានេះ តំណាងវិទ្យាស្ថានសិល្បៈខ្មែរ បានសន្យាថា នឹងចូលរួមជួយផ្តល់បច្ចេកទេស និងមតិយោបល់ជាមួយមន្ទីរវប្បធម៌ និងវិចិត្យសិល្បៈប្រចាំខេត្តកណ្តាល ដើម្បីមានឱកាសទទួលបានជ័យលាភីក្នុងការប្រកួតប្រជែងថ្នាក់នាពេលខាងមុខ។ អ្នកតំណាងដដែលបន្តថា លោកបានបញ្ជាក់ថា វិទ្យាស្ថានបានទទួលកញ្ចប់ថវិកាជាង១,៥លានដុល្លារពីមូលនិធិSpunk Fund របស់សហរដ្ឋអាមេរិក ដើម្បីជួយជំរុញឱ្យមានការអភិវឌ្ឍផ្នែកសិល្បៈទស្សនីយភាពនៅកម្ពុជា ធ្វើឱ្យសាធារណៈជនកាន់តែយល់ច្បាស់ពីតម្លៃសិល្បៈ និងវប្បធម៌ខ្មែរ ព្រមទាំងការភ្ជាប់ទំនាក់ទំនងសិល្បៈវប្បធម៌ខ្មែរជាមួយសិល្បៈ នៃប្រទេសផ្សេងៗទៀតលើពិភពលោក។គម្រោងនេះបានផ្តោតលើគោលដៅចំនួន៤ គឺបណ្តុះបណ្តាលជំនាញផ្នែកសិល្បៈ របាំ និងតន្រី្ត បង្កើតស្នាដៃរបាំ និងតន្ត្រី ការស្រាវជ្រាវ និងចងក្រងឯកសារឡើងវិញ និងផ្សព្វផ្សាយសិល្បៈទស្សនីយភាពខ្មែរ៕
លោក សំរាំង កំសាន្ត រដ្ឋលេខាធិការក្រសួងវប្បធម៌ និងវិចិត្រសិល្បៈ បានថ្លែងនៅក្នុងពិធីចុះកិច្ចព្រមព្រៀងលើកកម្ពស់វិស័យវប្បធម៌ រវាងក្រសួងវប្បធម៌ និងវិចិត្រសិល្បៈ និងវិទ្យាស្ថានសិល្បៈខ្មែរ កាលពីថ្ងៃទី៨មករា បានមានប្រសាសន៍ថា៖«ការជំរុញឱ្យយុវជនស្គាល់ពីវប្បធម៌ ជាចំណុចអាទិភាព ព្រោះយុវជនជាអ្នកបន្តវេនថែរក្សាសម្បត្តិវប្បធម៌ និងខណៈពេលដែលពលរដ្ឋខ្មែរដែលចេះក្បួនខ្នាតពីវប្បធម៌ខ្មែរបច្ចុប្បន្នមានតិច ហើយភាគច្រើនមានវ័យចំណាស់»។
សូមបញ្ជាក់ថា មហោស្របសិល្បៈយុវជនទូទាំងប្រទេសនៅឆ្នាំនេះ ផ្តោតសំខាន់តែលើប្រធានសម្តែងចំនួន២ប៉ុណ្ណោះ គឺរបាំ និងការសម្តែងល្ខោនអប់រំខ្លី។
ចាប់ពីខែមករានេះទៅ មន្ទីរវប្បធម៌ និងវិចិត្រសិល្បៈនៅតាមបណ្តាខេត្ត និងរាជធានី នឹងចាប់ផ្តើមសម្រាំងយកស្នាដៃឯកចំនួន២ ដែលបង្កើតថ្មីប្រចាំខេត្ត និងរាជធានីរបស់ខ្លួន សម្រាប់យកមកប្រកួតប្រជែងថ្នាក់ជាតិ នៅចុងខែកុម្ភៈខាងមុខនេះ។
ជាមួយគ្នានេះ តំណាងវិទ្យាស្ថានសិល្បៈខ្មែរ បានសន្យាថា នឹងចូលរួមជួយផ្តល់បច្ចេកទេស និងមតិយោបល់ជាមួយមន្ទីរវប្បធម៌ និងវិចិត្យសិល្បៈប្រចាំខេត្តកណ្តាល ដើម្បីមានឱកាសទទួលបានជ័យលាភីក្នុងការប្រកួតប្រជែងថ្នាក់នាពេលខាងមុខ។ អ្នកតំណាងដដែលបន្តថា លោកបានបញ្ជាក់ថា វិទ្យាស្ថានបានទទួលកញ្ចប់ថវិកាជាង១,៥លានដុល្លារពីមូលនិធិSpunk Fund របស់សហរដ្ឋអាមេរិក ដើម្បីជួយជំរុញឱ្យមានការអភិវឌ្ឍផ្នែកសិល្បៈទស្សនីយភាពនៅកម្ពុជា ធ្វើឱ្យសាធារណៈជនកាន់តែយល់ច្បាស់ពីតម្លៃសិល្បៈ និងវប្បធម៌ខ្មែរ ព្រមទាំងការភ្ជាប់ទំនាក់ទំនងសិល្បៈវប្បធម៌ខ្មែរជាមួយសិល្បៈ នៃប្រទេសផ្សេងៗទៀតលើពិភពលោក។គម្រោងនេះបានផ្តោតលើគោលដៅចំនួន៤ គឺបណ្តុះបណ្តាលជំនាញផ្នែកសិល្បៈ របាំ និងតន្រី្ត បង្កើតស្នាដៃរបាំ និងតន្ត្រី ការស្រាវជ្រាវ និងចងក្រងឯកសារឡើងវិញ និងផ្សព្វផ្សាយសិល្បៈទស្សនីយភាពខ្មែរ៕
© រក្សាសិទ្ធិដោយ thmeythmey.com
