ជាតិ
សង្គមជាតិ
សវនាការសំណុំរឿង០០២វគ្គ២ ថ្ងៃនេះលុបចោលព្រោះ ខៀវ សំផន មិនទាន់ចេញពីពេទ្យ
លោក ខៀវ សំផន ។ រូបថត៖ សាលាក្តីខ្មែរក្រហម
×![]()
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានសម្រេចលុបចោលសវនាការលើជនជាប់ចោទ ខៀវ សំផន និង នួន ជា ដែលគ្រោងធ្វើនៅថ្ងៃព្រហស្បតិ៍ទី ១៥ ខែមករា នេះ ។ បើតាមសេចក្តីជូនដំណឹងរបស់អង្គជំនុំជម្រះ មូលហេតុលុបចោលសវនាការនេះ ដោយសារអង្គជំនុំជម្រះ ទទួលព័ត៌មានពីមន្ទីរពេទ្យមិត្តភាពខ្មែរ-សូវៀតថា លោក ខៀវ សំផន មិនអាចចាកចេញពីមន្ទីរពេទ្យ នៅមុនថ្ងៃទី១៥ ខែមករា ឆ្នាំ ២០១៥ បានទេ។ 
មេធាវីរបស់ជនជាប់ចោទលោក ខៀវ សំផន គឺលោក គង់ សំអុន បាននិយាយថា កូនក្តីរបស់លោកមានជំងឺប្រព័ន្ធដង្ហើម ហើយកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត មិនអាចចូលរួមសវានាការដែលគ្រោងធ្វើនៅថ្ងៃនេះបានទេ ។ លោកមេធាវី បានបញ្ជាក់ប្រាប់សារព័ត៌មានថ្មីៗនៅព្រឹកថ្ងៃព្រហស្បតិ៍នេះដូច្នេះថា៖ « គ្រូពេទ្យប្រាប់ខ្ញុំថា ប្រព័ន្ធដង្ហើមរបស់លោក ខៀវ សំផន ដំណើរការមិនល្អឡើយ ។ គាត់ពិបាកដកដង្ហើមណាស់។ តែមកទល់ពេលនេះ ស្ថានភាពជំងឺរបស់គាត់ បានធូរស្រាលជាងមុនហើយ» ។
ដោយយោងទៅលើសម្តីគ្រូពេទ្យ លោក គង់ សំអុន បញ្ជាក់ថា នៅថ្ងៃ ១៥ មករា នេះ កូនក្តីរបស់លោកទំនងជាងនឹងអាចចេញពីមន្ទីរពេទ្យបាន ។ ហើយសម្រាប់សវនាការលើសំណុំរឿង ០០២ វគ្គ២ ជាថ្មីម្តងទៀត ដែលគ្រោងនឹងធ្វើនៅថ្ងៃទី ២១ ខែមករា ខាងមុននេះ នឹងមានវត្តមានរបស់លោក ខៀវ សំផន ប្រសិនបើអាការៈជំងឺរបស់លោកមានភាពល្អប្រសើរ។ នេះជាការអះអាងរបស់លោកមេធាវី ។
ជាមួយគ្នានេះដែរ បើតាមសេចក្តីជូនដំណឹងរបស់អង្គជំនុំជម្រះសាលាដំបូងនៃ អ.វ.ត.ក ខាងលើ អង្គជំនុំជម្រះសាលាដំបូងក៏បានបង្គាប់ឱ្យមានការវាយតម្លៃផ្នែកវេជ្ជសាស្ត្រពីអ្នកជំនាញដែលត្រូវបានចាត់តាំងដោយតុលាការរួចហើយ ដើម្បីវាយតម្លៃលើសម្បទាក្នុងការចូលរួមសវនាការរបស់ជនជាប់ចោទ ខៀវ សំផន និង នួន ជា នៅថ្ងៃទី ១៩ និង ថ្ងៃទី២០ ខែមករា ។ សវនាការលើសំណុំរឿង ០០២/០២ នៅថ្ងៃពុធ ទី២១ ខែមករា ឆ្នាំ២០១៥ នឹងចាប់ផ្តើមសាជាថ្មី នៅវេលាម៉ោង ៩ ព្រឹក៕
មេធាវីរបស់ជនជាប់ចោទលោក ខៀវ សំផន គឺលោក គង់ សំអុន បាននិយាយថា កូនក្តីរបស់លោកមានជំងឺប្រព័ន្ធដង្ហើម ហើយកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត មិនអាចចូលរួមសវានាការដែលគ្រោងធ្វើនៅថ្ងៃនេះបានទេ ។ លោកមេធាវី បានបញ្ជាក់ប្រាប់សារព័ត៌មានថ្មីៗនៅព្រឹកថ្ងៃព្រហស្បតិ៍នេះដូច្នេះថា៖ « គ្រូពេទ្យប្រាប់ខ្ញុំថា ប្រព័ន្ធដង្ហើមរបស់លោក ខៀវ សំផន ដំណើរការមិនល្អឡើយ ។ គាត់ពិបាកដកដង្ហើមណាស់។ តែមកទល់ពេលនេះ ស្ថានភាពជំងឺរបស់គាត់ បានធូរស្រាលជាងមុនហើយ» ។
ដោយយោងទៅលើសម្តីគ្រូពេទ្យ លោក គង់ សំអុន បញ្ជាក់ថា នៅថ្ងៃ ១៥ មករា នេះ កូនក្តីរបស់លោកទំនងជាងនឹងអាចចេញពីមន្ទីរពេទ្យបាន ។ ហើយសម្រាប់សវនាការលើសំណុំរឿង ០០២ វគ្គ២ ជាថ្មីម្តងទៀត ដែលគ្រោងនឹងធ្វើនៅថ្ងៃទី ២១ ខែមករា ខាងមុននេះ នឹងមានវត្តមានរបស់លោក ខៀវ សំផន ប្រសិនបើអាការៈជំងឺរបស់លោកមានភាពល្អប្រសើរ។ នេះជាការអះអាងរបស់លោកមេធាវី ។
ជាមួយគ្នានេះដែរ បើតាមសេចក្តីជូនដំណឹងរបស់អង្គជំនុំជម្រះសាលាដំបូងនៃ អ.វ.ត.ក ខាងលើ អង្គជំនុំជម្រះសាលាដំបូងក៏បានបង្គាប់ឱ្យមានការវាយតម្លៃផ្នែកវេជ្ជសាស្ត្រពីអ្នកជំនាញដែលត្រូវបានចាត់តាំងដោយតុលាការរួចហើយ ដើម្បីវាយតម្លៃលើសម្បទាក្នុងការចូលរួមសវនាការរបស់ជនជាប់ចោទ ខៀវ សំផន និង នួន ជា នៅថ្ងៃទី ១៩ និង ថ្ងៃទី២០ ខែមករា ។ សវនាការលើសំណុំរឿង ០០២/០២ នៅថ្ងៃពុធ ទី២១ ខែមករា ឆ្នាំ២០១៥ នឹងចាប់ផ្តើមសាជាថ្មី នៅវេលាម៉ោង ៩ ព្រឹក៕
© រក្សាសិទ្ធិដោយ thmeythmey.com
